बळयिर 8:35 - माडिया गोंड पवित्र सास्त्रम

³⁵ अस्के पिलिप, मंत्रि अर्वसोर मतद वचनतेनाह सुरु कीसि, येसुना बेसतल कबुरतुन तेळियिह कीस वेहतोग़.

बळयिर 8:35 Referans Kwoze

लूकाल 24:27

इद्रमलेह्‌का मोसानाङ अडोनगा, देवुळता कबुरतोराङ पुस्तकिनगा, अहे पूरा देवुळता सास्त्रमते बेगा बेगा तना लोप्पा रासतव पोल्‍लोङ मताङ, अव सबे पोल्‍लोन ओरिह्‌क तेळियिह कीस वेहतोग़.

बळयिर 18:28

बेद्रम इतेके, अग्डोर यहुदिरिन येसुये पिसिह केवाल किर्स्तु आंदोग़ इनजोर, देवुळता सास्त्रमतग्डाहि ओरिन बेस-नेह्‌ना तोहतोग़. ओर वळ्ह्‌कवाह, सबेटोरा मुनेह देवुळताङ पोल्‍लोङ वेहन्दोग़.

बळयिर 28:23

पया ओरु पलाना दिया नियगा केंजलाह माट वायकोम इनजोर, वेहच अतोर. अद्रमे पया अद वेहच मतद दियाते, वेल्‍लाटोर यहुदिर ओना लोन वातोर. वातस्के पोलु सकरताहि नुल्पे आनाहि, ओरिन देवुळि बेद्रम मन्कलोरगा राजेम कीयलाह आता, अदिन वेहतोग़. अद्रमे मोसानाङ अडोना सास्त्रमते, ओसो देवुळता कबुरतोरा सास्त्रमते रासतपु, येसुये (देवुळ लोहतोग़ किर्स्तु राजाल आंदोग़, ओने विस्वस कीयना इनजोर,) साक्सि वेहतोग़. इद्रमलेह्‌का पोलु ओरिन येसुना कबुर तेळियिह कीस वेहतोग़.

मत्याल 5:2

पया येसु ओरिन काग़्हता बोटटोग़.

बळयिर 5:42

ताना पया दिनम मंदिरताङ मंडानगा, लोह्‌क-लोह्‌क वने देवुळ आचतोग़ पिसिह केवाल किर्स्तु राजाल येसुये आंदोग़ इनजोर, रोमवालेवा काग़्हचोरे, बेसतल कबुर वेहचोरे मंदुर.

इपिसुसतोर 4:21

मीट किर्स्तुना लोप्पाडाङ पोल्‍लोन निटम केंजतिर, ओसो येसु वेहतद सेतेम पोल्‍लोतुन ओनाङ सेवकिरग्डाहि कग़यतिरे.

2 कुरिंततोर 6:11

कुरिंत सहरतोरिर! मीक पकाय जीवा कीय्ह्‌नोम, मीक मकिह कीतद पोल्‍लो बेदे मावा जीवातगा इले.

1 कुरिंततोर 1:23

माट कोनि हव्कनागुटातगा डोलतोग़ येसुना पोल्‍लोतुन पोकुर कीय्ह्‌नोम. अद पोल्‍लो यहुदिरिन विस्वस कीया पग़वप लेह्‌का कीता.(बाराह्‌क इतेके देवुळ लोहवाल पिसिह केवाल, अद्रम लजा वानाह डोलवाल आयोग़ इनजोर, ओर विचर कीतोर.)यहुदि आयवोरिह्‌क बारा, मावा कबुर बुदलेवद पोल्‍लो दिसिह्‌ता.

बळयिर 19:13

उय्तुर यहुदिर मतोर, ओर नाह्‌क-नाह्‌क तिरियसोर, गूनिने देयह्‌किन पेसिह केवालोर मतोर. ओर वने येसुसामिना पेदिरतुन पोसि, देयह्‌किन पेसिह कीयलाह ऊळिंदुर. ओर देयह्‌किन इद्रम इंदुर, “पोलु पोकुर कीस्तोग़, ओग़ येसुना पेदिरते मीकु उकुम ईय्ह्‌नोम, पेसिस अन्ह्‌ट!” इनजोर इंदुर.

बळयिर 11:20

मति ओरा संगे उय्तुर कुपरुस देसेमतोर विस्वसिर मतोर, उय्तुर कुरेने सहरतोर मतोर, ओर अंताकिया सहरते वासि, यहुदि आयवोरिह्‌क वने येसुसामिना बेसता कबुरतुन वेहतोर.

बळयिर 10:34

अस्के पत्रु इद्रम वेहता बोटटोग़ इतेके, “देवुळि बेस्केन मन्कना मोकम ऊळिसि एरे केवो,

बळयिर 9:20

अगा मनेके, सोलु यहुदिरा पार्तनाताङ लोह्‌कनगा अन्जि, येसुये देवुळता मग़ि इन्जि, पोकुर कीया बोटटोग़.

बळयिर 3:20

ओसो देवुळि मयेनाह्‌के निल्पिह कीतोग़ पिसिह केवानु (इतेके येसुन) ओसोवने लोहचीयग़ा.

बळयिर 17:18

अस्के इपिकुरि तुंगाता ओसो इस्तोयिकि तुंगाता गूरुर वने, ओना संगे वेल्‍लाङे पोल्‍लोङ वळ्ह्‌कतोर. ओसो उय्तुर “वेग़ पोमाडेङि बाताङ वेहतलाह आतोग़ रा?” इतोर. येसुना लोप्पा, ओसो ओग़ डोलिस जीवा अरतद बेसतल कबुरतुन वेहतह्‌पा केंजिसि, “वेग़ु, माट पुनवाङ पेन्कनाङ पोल्‍लोन पोकुर कीस्तोग़ बहे,” इनजोर उय्तुर इतोर.

बळयिर 8:34

पया ओग़ मंत्रि इद पोल्‍लोतुन अर्विसि पिलिपिन ताल्ह्‌कतोग़, “देवुळता कबुरतोग़ बोना पोल्‍लोतुन इगा रासतोग़? तनाय पोल्‍लोतुना? बार बोग़ दुस्रोना पोल्‍लोतुना? अले नाक वेहा,” इतोग़.