बळयिर 8:28 - माडिया गोंड पवित्र सास्त्रम

²⁸ तना देसेम मल्स अनजोर मतोग़. ओग़ तना कोडागाडातगा उदिसि, देवुळता कबुरतोग़ यसयाल इनवाल रासतद पुस्तकतुन अर्वसोर, अनजोर मतोग़.

बळयिर 8:28 Referans Kwoze

कुलुसितोर 3:16

अद्रमे किर्स्तुना पोल्‍लो मीवा जीवातगा गडि, अदे मीक ताकिह कीयि. देवुळ ईतद बुदते, ओर्विह्‌क-ओर्वोग़ बुदिङ-एदिङ काग़्हचोर मन्ह्‌टु. देवुळता सास्त्रमताङ पाटाङ, ओसो रीतरीतिनाङ पाटाङ, इविस्कने देवुळतुन जोहर कीसोर, मीवा पूरा जीवाताहि ओसोर मन्ह्‌टु.

बळयिर 28:25

पया ओर ओर्विनाङ-ओर्विह्‌क पोल्‍लोङ अरवाह्‌कु, ओना लोताहि पेससोर मतोर. ओर पेसिह्‌पा, पोलु ओरिह्‌क उंद पोल्‍लोतुन वेहतोग़, “देवुळता कबुरतोग़ यसयाना तोडटे, देवुळता जीवा मीवा तादोर-बाबोरिन उंद सेतेमता पोल्‍लो वेहच मता, यसयान इद्रम वेहता.

लूकाल 4:17

अगा साकुर केवाल मन्कल, येसुनगा देवुळता सास्त्रमता उंद पुस्तक ईतोग़. अद सास्त्रमतगा देवुळता मुनेतोग़ कबुरतोग़ यसयाना पोल्‍लो रासतद मता. पुस्तकतुन तेग़यिसि, येसु अग्डाह उंद पोल्‍लो दोर्किह कीसि जोरते अर्वतोग़.(अद पोल्‍लो देवुळ लोहवाल पवित्र सेवकना तोडटाहि पेसतप आंदु.) अद इद्रम मता इतेके,

लूकाल 3:4

इद्रमलेह्‌का देवुळता कबुरतोग़ यसयाना पुस्तकते, वेल्‍लाय मुने रासतद पोल्‍लो इंजेके करल आता: “पेळ्ह्‌कल बूमतगा केयनद आल्का केंज वायग़ा. ‘सामि मीवा जीवातगा वायना इन्जि, मीट ओना वायनद अग़दुन तीर्ह्‌काटु! ओसो अद अग़दुन कसुम कीम्ह्‌टु.

बळयिर 8:27

इतस्के पिलिप दायह्‌पा, ऊळाट कूस इनदनद देसेमतोग़ ओर्वोग़ मन्कल वने, अदे अग़दुह्‌क अनजोर मतोग़. ओग़ मन्कल बाय्लाल मन्जि, कूस देसेमता कन्दाके पेदिरतद रानिना मंत्रि आंदोग़. ताना राजेमताङ कोतान ऊळेवाळे केवाल आंदोग़. ओग़ देवुळतुन मोळ्कलाहि येरुसलेम अन्जि,

बळयिर 8:29

अस्के देवुळता जीवा पिलिपिन, “निमा अगा अन्जि, अद कोडागाडाता संगे अन,” इता.