बळयिर 8:14 - माडिया गोंड पवित्र सास्त्रम

¹⁴ सामरिया पटटोर मन्कलोर देवुळता पोल्‍लोतुन विस्वस कीतोर इनजोर, येरुसलेमते मतोर बळयिर केंजतोर. केंजिसि पत्रु, योहन, वेर इर्वुर बळयिरिन सामरिया पटटे लोहतोर.

बळयिर 8:14 Referans Kwoze

1 तिसलुनितोर 3:2

मावा तोळतोग़ तिमोतिन मियगा लोहतलाह विचर कीतोम. ओग़ किर्स्तुना बेसता कबुर पोकुर कीयनद कबळते, मावा ऐंगेटोग़ देवुळता सेवा केवाल आंदोग़; इंजेके किर्स्तुनेनाह्‌क वायनव तिपल्कनेनाह्‌कु, बोग़े पेग़्के-मुनेह आयमाकेग़ इनजोर, मीवा विस्वसतुन मेग़्किह कीसीयलाह, मीवा जीवातुन सितुर कीसीयलाह, ओन लोहतोम. माट विस्वसिरल किर्स्तुनेनाह्‌क तिपल आयना इन्जि, देवुळता विचर मन्ह्‌ता इनजोर, मीट पुतिरे.

1 तिसलुनितोर 2:13

माट मीक देवुळता पोल्‍लोतुन वेहतोम अस्के, मीट तान मन्कलोरा आयो, मति देवुळता पोल्‍लो इनजोर केंजतिर. अदिनेनाह्‌क वने, माट अमेसा देवुळतुन जोहर कीय्ह्‌नोम, अद निटम देवुळता पोल्‍लोये! अद पोल्‍लो इंजेके मीक विस्वस कीतोरिन, देवुळतुह्‌क विचर वानाह पिसलाह, बद्ले कीयलाह आता.

गलातितोर 2:9

ओसो बेद्रमता देय्वा नाकु देवुळ ईता इन्जि, वेर मुवुर मुक्यालोर पुतोर. देवुळ नाकु इद्रमता अदिकर ईता, देय्वा ईता इन्जि, वेर नाकु ओसो बार्नबसिनु गोत ओग़्ङिसि, मावा संगे करल कीतोर. इतेके माट इर्वोम दुस्राङ जातिनोरगा सेवा कीयना, ओर बार यहुदिरगा सेवा कीयना इनजोरे.

बळयिर 8:1

इस्तिपनिन हव्कतोर अस्के सोलु वने पूरा संग आतोग़. इस्तिपनिन हव्कतापया अदे दिया, येरुसलेम सहरतगा येसुना विस्वसिरा मुडुन पकाय तिपल कीया बोटटोर. अदिह्‌क बळयिरिन विळ्सिसि, सबेटोर विस्वसिर येरुसलेम सहरताहि वितिसि पूरा यहुदा पटटे, सामरिया पटटे, बिरोबटो आतोर.

2 तिसलुनितोर 2:10

सबे रीतिनाङ लाग्वाङ कबस्क तोहतनोग़; ओनाङ कबस्कु, बूळेम आयनद अग़दे अनवालोरिन नाळेह कीयनुङ. ओरु येसु किर्स्तुना पिसिह कीयनद सेतेम पोल्‍लोतुन केंजोर.

बळयिर 17:11

बिरिया सहरतोर यहुदिर, तिसलुनि सहरतोर यहुदिरा लेह्‌काडोर कैंगम बुदतोर आयोर. अदिनेनाह्‌क पोलु वेहतद पोल्‍लोतुन, बेस केव वाटिस केंजिदुर. ओसो इव पोल्‍लोङ निटमेया-जोलिया इनजोर, दिनमे पोलु वेहतदिन, सास्त्रमतगा पर्ह्‌किस ऊळिंदुर.

बळयिर 15:4

अद्रमे पया येरुसलेम एवतोर, एवतस्के विस्वसिरा मुलु, बळयिर, विस्वसिराङ पेदल्कु, ओरिन गिर्दाते कलियतोर. कलियतस्के पोलु, बार्नबस, तमा कयदे यहुदि आयवोरगा, देवुळि बाताल बाताल कबळ कीता इनजोर, कतम पोल्‍लोन ओरिह्‌क वेहचीतोर.

बळयिर 11:1

अद्रमे पया, यहुदि आयवोर वने देवुळता पोल्‍लोतुन विस्वस कीतोर इन्जि, येसुनाङ बळयिर ओसो पूरा यहुदा पटटा विस्वसिर केंजतोर.

बळयिर 2:41

पत्रुना कबुरतुन केंजिस वेल्‍लाटोर विस्वस कीतोर, विस्वस कीसि, येसुना पेदिरते एग़ मीतोर. अद दिया जोक-जोक मूंड अजर्क मन्कलोर विस्वसिरा मुडगा कलियतोर.

योहन 12:48

बोर नाक कोंटे कीसि, नावाङ पोल्‍लोङ केंजोर, ओरा नेयम कीयनद उंद मन्ह्‌ता: बेद पोल्‍लो नना वेहतन, अद पोल्‍लोते ओर तिरियतोरो, तिरियोरो, अद इसबते ओरा नेयम आयग़ा.

लूकाल 22:8

अदिनेनाह्‌क पत्रुनु ओसो योहनिन “मीट अन्ह्‌ट! अन्जि आवना पंडुमता गाटो तयर कीम्ह्‌टु, माट तिनदकल,” इनजोर येसु लोहतोग़.

मत्याल 13:23

मति राब जागा इहलेह्‌काडा आंदु. बोर कबुरतुन केंजिह्‌तोर, काळ्ङिह्‌तोर, पया ओरु पलत पेसिसि बेसताङ कबस्क कीस्तोर. बेद्रम राब जागातगा अरतद विजा, उंद-उंद मोदुदुह्‌कु बेगा डेडा वीसा (30), बेगा मूंड वीसाङ (60), बेगा नूरु (100) इद्रमलेह्‌का तेना पंटा वाता, अद्रमता राब जागालेह्‌का ओर मन्कलोर आस्तोर, अद्रमता पंटालेह्‌का ओराङ कबस्क दिसनुङ,” इन्जि येसु इतोग़.