बळयिर 8:13 - माडिया गोंड पवित्र सास्त्रम

¹³ पया सिमोन वने विस्वस कीसि, येसुना पेदिरते एग़ मीतोग़. पिलिप, देवुळता लावते बेराङ-बेराङ डीसाताङ कबस्क कींदोग़. अव कबस्किन ऊळिसि, सिमोन बामिंदोग़. अदिनेनाह्‌क ओग़ पिलिपनाय संगे मंदोग़.

बळयिर 8:13 Referans Kwoze

बळयिर 19:11

(पोलु इपिसुस सहरते मनदह्‌पा,) लोकुर मुने बेस्केन ऊळवा-केंजवा मतोर, अद्रमताङ देवुळि तना लावताङ कबस्किन पोलुना कयदे तोहता.

योहन 5:20

नावा बाबाल नाक जीवा कीसि, तनाङ कीयनव सबे कबस्किन नाक तोहतह्‌तोग़. मीट बामना इनजोरे, नना कीतव इविस्किह्‌काय बेह्‌राङ कबस्क कीसि नाक तोहतनोग़.

बळयिर 13:44

पया दुस्रा वारमता पोल्वादियाते देवुळताङ पोल्‍लोङ केंजलाहि, पार्तनाता लोतगा, जोक-जोक पूरा नाटेनोर इतपे, जमा आस मतोर.

योहन 7:21

येसु ओरिन इतोग़, “नना पोल्वादियाते उंद कबळ कीताह्‌कु, मीट सबेटोरिर बयल आसि, नाक कट्ला कीय्ह्‌निर.

लूकाल 8:13

बेद आदतगा विजा अरता, अद इहलेह्‌का आस्ता. बोर पोल्‍लोतुन गिर्दाते चट्‌नेन केंजिह्‌तोर, मति अद पोल्‍लो ओरा जीवाते गडवाह्‌कु, गळ्के बहे विस्वस कीस्तोर. पया देवुळता पोल्‍लोतुन नमतेनाह्‌क अड्सनाय, तिपलाय वाता इतेके, चट्‌नेन ओर विस्वसताह जेक आस्तोर.

मार्कल 16:17

नावा पोल्‍लोतुन विस्वस केवालोर मन्कलोरा कयदे, देवुळता लावताङ इव सीनाङ आयनुङ: नावा पेदिरते देयह्‌किन पेसिह कीयनुर, तमा पुनवव बासाङ वळ्ह्‌कनुर.

बळयिर 8:21

नीवा बुदि बेस इले इनजोर देवुळि ऊळता. अदिनेनाह्‌क ताना सेवाते निमा मावा तोळ आया पग़विन, मयगा कलिय पग़विन.

बळयिर 3:10

ऊळतस्के, मंदिरता सोबातद अग़दगा उदिस मन्जि बिचेम ताल्ह्‌कवाल वेग़े आंदोग़ इनजोर पुतोर. पुतस्के कूटाल सव्रेम आतोग़ अयो इन्जि, पका बामिस ओर एक्बेक आतोर.

मत्याल 3:6

ओर तमा कीता पापमतुन कबुल आसि, योर्दन बेरेटगा वासि, योहनना कयदे देवुळता पेदिरते एग़ मींदुर.