बळयिर 4:32 - माडिया गोंड पवित्र सास्त्रम

³² सबेटोर विस्वसिर उंदिय एकाते मतोर. आपुना-आपुना मादुन बोरे नावा इनजोर इनोर आंदुर; मति सबेटोर मन्कलोर तमा सामनतुन, ओर्विना-ओर्वोग़ काळ्ङसोर पिसिंदुर.

बळयिर 4:32 Referans Kwoze

1 कुरिंततोर 1:10

मावोर विस्वसिरिर! मीट सबेटोरिर उंद पोल्‍लोते मन्ह्‌टु, मीट कोंटेङ आयमाटु; मति मीट उंद विचरते, उंद एकाते मन्जि, ओर्विह्‌क-ओर्वोग़ कलियिस मन्ह्‌टु इनजोर, मावा येसुसामि किर्स्तुना पेदिरते मीक अर्जि कीय्ह्‌नन.

1 पत्रु 3:8

(नना बेव-बेव वेहतन, अविना) मोदुल पोल्‍लो इदे आंदु: मीट सबेटोरिर उंदिय विचरते मन्जि, ओर्विह्‌क-ओर्वोग़ जीवा लोपवाल, तमोग़-दादानलेह्‌का जीवा केवाल, दुस्रोरेनाह्‌क जीवा उनेम आयवाल, इद्रमलेह्‌का मन्ह्‌टु. नना बेरोनन इन्जि पोग़यनदायो.

2 कुरिंततोर 13:11

मावोर विस्वसिरिर! इव नावाङ आक्रिताङ पोल्‍लोङ आंदुङ: बेस गिर्दाते मन्ह्‌टु, सुद्रेम आसोर मन्ह्‌टु, सुकमते मन्ह्‌टु, उंदिय विचरते मन्ह्‌टु, ओर्विह्‌क-ओर्वोग़ कलियिस-मेलियिस मन्ह्‌टु. अस्के माक जीवा कीयनद, सुकम ईयनद देवुळि, मीवा ऐंगे मनदग़ा.

बळयिर 2:1

(येसु हातापया 50 दियाने,) यहुदिरा पंटाता पंडुमतस्के, सबेटोर विस्वसिर उंद लोतगा जमा आस मतोर.

पिलिपितोर 1:27

उंद पोल्‍लो मात्रम सीता कीम्ह्‌टु: किर्स्तुना बेसता कबुर वेहतपे मीट ताकाटु. अस्के मीट विस्वसते मेग़्किसि, उंदि विचरते निच मह्‌निर इनजोर, नना मियगा वातेकाय, वावेकाय केंजकन. अहे बोग़े अद विस्वसतुन विळ्सनाह कीयनद आयो इन्जि, मीट उंदिय एकाते कह्‌टेम कीय्ह्‌निर इनजोर, इदिन वने नना केंजकन.

बळयिर 1:14

वेर सबेटोर बळयिर उंदिय विचरते, देवुळतुन पार्तना कीसोरेन मंदुर. ओसो वेरा संगे उचुक आस्कु, येसुना तलोग़ मरियाल, ओसो ओनाङ तमोर मतोर.

योहन 17:11

नेटाहि नना इद बूमते ओसो मनोन आयकन. नना नियके वाय्ह्‌नन, मति वेर इतेके इद बूमतेन मनदनुर. ए पवित्र बाबानिन, बहलेह्‌का माट इर्वल उंद आस मह्‌नल, अहलेह्‌का वेर वने उंद पट आयना इन्जि, वेरिन काप आडा. ओसो निमा नाक नीवा पेदिरता लाव ईतिन, अद लावते वेरिन काप आडा.

1 पत्रु 4:11

बोन्क देवुळता पोल्‍लो वेहतलाह बुद दोर्कता, ओग़ु सेतेमते देवुळताङ पोल्‍लोनु कुद देवुळिये वेहतपु, अद्रम वेहतना. बोन्क साय्ता कीयलाह बुद दोर्कता, ओग़ु देवुळ ईतद लावते, दुस्रोरिह्‌क साय्ता कीयना. अस्के वेरु येसु किर्स्तुनाये लोकुर इन्जि, दुनियातोर देवुळबाबाह्‌कु मान ईयनुर. सबे मान, डीसा, राजेम अमेसा अमेसात्कु सिरप ओन्के आयि! अहे आयि!

रोम सहरतोर 12:5

अद्रमे माट विस्वसिरल वने, वेल्‍लाटोरल मतेक तेला, किर्स्तुना संगे जोळेम आताह्‌कु, उंदिय मेंदुलता लेह्‌का आतल. अहे माट ओर्विह्‌क-ओर्वोग़ वने, तुंडिस मतप लेह्‌का मह्‌नल.

बळयिर 5:12

अद्रमे पया बळयिरा कयदे, देवुळताङ बामनाह लेह्‌काडाङ वेल्‍लाङे सीनाङ, लोकुरा मुनेह आंदुङ. (विस्वसिरा मुलु मंदिरता साल्मोन राजाना मंडातगा, उंदिय एकाते जमा आंदुर.