बळयिर 4:29 - माडिया गोंड पवित्र सास्त्रम

²⁹ इंजेके देवुळबाबानिन, तग्वाङ केवालोर माक रेय्‍पिह कीयनदिन सीता कीम, कीसि माट नीवा सेवकिरोम पका दीराते नीवा पोल्‍लोतुन वेहतलाह ईम,

बळयिर 4:29 Referans Kwoze

बळयिर 4:13

पत्रु, योहन, वेर इर्वुर कग़यवोर केनकेनेतोर मन्ज तेला, दीराते वळ्ह्‌किंदुर. वेरा दीरातुन ऊळिसि, तग्वाङ केवालोर बयल आतोर. पया वेर इर्वुर येसुना संगतोर, (अदिह्‌क इद्रमता दीरा वेरिह्‌क वाता) इनजोर पुतोर.

बळयिर 14:3

अस्के पोलु, बार्नबस, वेर इर्वुर बळयिर वेल्‍लाङे दियाङ अगान मतोर. येसुसामिना पोग़ोन विस्वस कीसि रेयवालेवा, ओना दयाता पोल्‍लोतुन पोकुर कीसोर मतोर. पोकुर कीनेके, येसु ओरा कयदे तना लावताङ वेल्‍लाङे बामिह कीयनाङ सीनाङ तोहचि, ओर वेहतनाङ पोल्‍लोङ सेतेमे इनजोर तोहतोग़.

पिलिपितोर 1:14

अद्रमे नना जेलते मनाह्‌कु, वेल्‍लाटोर विस्वसिर सामिनेनाह्‌क दीरा कीतोर. कीसि मुर्तिय रेयवालेवा दीराते देवुळता पोल्‍लोतुन बेस पोकुर कीस्तोर.

बळयिर 4:31

ताल्ह्‌कतस्के, ओर जमा आस मतद लोन मेलियता. ओर कतमतोर पवित्र जीवाते निंदिसि, देवुळता पोल्‍लोतुन रेयवालेवा, कतमतोरिह्‌क वेहता बोटटोर.

2 तिमोति 4:17

मति येसुसामि नावा संगे निचि, नाक लाव ईतोग़. बह इतेके नावा नेयम कीयनगा, यहुदि आयवोर सबेटोर केंजनाह, नावा मेटे बेसता कबुर पूरा पोकुर आयना इनजोरे. (ओसो नेयम केवाल बेरोग़ साय्बाल, नाक हामुरता सिक्सा ईस मनेग़,) मति सामि नाक तोळ आताह्‌कु, नना पिसतन.

बळयिर 28:31

ओसो बोन्के रेयवालेवा, दीराते देवुळि मन्कलोरगा राजेम कीयनद पोल्‍लोतुन लोकुरिह्‌क वेहन्दोग़. ओसो किर्स्तु येसुसामिनाङ पोल्‍लोन बेदे एग़्कुळलेवा काग़्हन्दोग़.

बळयिर 19:8

अद्रमे पया मूंड नेलाङ आनाहि, पोलु देवुळता पार्तनाता लोन अंदोग़. अन्जि, अग्डोर यहुदिरा संगे, देवुळि मन्कलोरगा राजेम कीयनद पोल्‍लोतुन, रेयवालेवा दीराते तेळियिह कीसि वेहन्दोग़.

बळयिर 13:46

मति पोलु, बार्नबस मुर्तिय रेयवालेवा इतोर, “मावोरिर, मीक यहुदिरिह्‌के, देवुळता पोल्‍लोतुन मुने वेहतना मता. मति मीट कोनि तान पास्किसि, अमेसाता पिसमुळतुन दोर्किह कीयना लेह्‌काडोर आयविर इन्जि तोहतिर. अदिह्‌क इंजेके माट इगा यहुदि आयवोरगा दाय्ह्‌नोम.

बळयिर 9:27

मति बार्नबस सोलुन पोसि, बळयिरगा ओतोग़. ओसि दमिस्क सहर दायनद अग़दे सोलु येसुन बेद्रम ऊळतोग़, येसु ओना संगे बेद्रम वळ्ह्‌कतोग़, ओसो दमिस्क सहरतगा बेद्रम सोलु मुर्तिय रेयवालेवा, येसुना पोल्‍लोतुन पोकुर कीतोग़, इव सबे पोल्‍लोन ओरिह्‌क वेहतोग़.

1 तिसलुनितोर 2:2

मीवा सहरते वावस्के, पिलिपि सहरतगा पकाय तिपल आतोम. अग्डोर मन्कलोर माक बेद्रम उस्कतोर-पास्कतोर, इद मीट पुतिरे. अद्रमलेह्‌का मियग्डोर लोकुर वने माक पकाय विरुद कीसाय मति, देवुळता बेसता कबुरतुन मीक वेहतलाहि, दीरा पोस मतोम; मावा देवुळि माक दीरा ईस मता.

बळयिर 4:21

इंजेके देवुळता लावते सव्रेम आतोग़ पुटकूटाल, रेंड वीसाङ वर्साह्‌काय एक्‍वा वय्सतोग़ आंदोग़ इनजोरे, सबेटोर लोकुर देवुळतुन जोहर कींदुर. अदिह्‌के लोकुर माक विरुद आयनुर इन्जि, लोकुरिह्‌क रेयिस तग्वाङ केवालोर ओरिन पका रेय्‍पिह कीस, विळ्सिस ईतोर.

बळयिर 26:26

इव पोल्‍लोङ बोग़े पुनवाह आतव आयोङ इन्जि, अग्रिपा राजाल वने इव पोल्‍लोन बेस पुतोग़, इद्रम नाक आसा मन्ह्‌ता. अदिह्‌क मुर्तिय रेयवालेवा, ओना मुनेह वेहतलाह आतन.

बळयिर 9:28

अस्के पया सोलु विस्वसिरा संगे कलियसोरेन मंदोग़. कलियिसि येसुना पोल्‍लोतुन, रेयवालेवा पोकुर कीसोरे, पूरा येरुसलेम सहरते तिरियिंदोग़.

2 कुरिंततोर 3:12

अदिनेनाह्‌क माट इद्रमता आसा तासताह्‌के, पका दीराते पोकुर कीय्ह्‌नोम.

1 कुरिंततोर 14:13

अदिनेनाह्‌क तना तेळियवद बासाते वळ्ह्‌कवाल, ताना अर्तमतुन वने तेळियिह कीसीयनद बुदतेनाह्‌क पार्तना कीयेग़.