बळयिर 3:19 - माडिया गोंड पवित्र सास्त्रम

¹⁹ अदिह्‌क इंजेके मीट पापमता अग़दाहि मिळ्न्दिसि देवुळतके मल्म्ह्‌टु, अस्के देवुळि मीवा पापमतुन एडिह कीयग़ा. एडिह कीसि अद मीवा जीवातुह्‌क आरम ईयग़ा.

बळयिर 3:19 Referans Kwoze

बळयिर 2:38

इतस्के पत्रु इतोग़, “मीट ओर्वोग़-ओर्वोग़ मन्कल पापमता अग़दाहि जर मल्सि, देवुळ लोहतोग़ किर्स्तु इनवाल येसुराजाना पेदिरते एग़ मीम्ह्‌टु. अस्के देवुळि मीवा पापमतुन मापि कीसि, तना पवित्र जीवाता बर्कत ईयग़ा.

मत्याल 18:3

अह कीस इतोग़, “इह केंजाट, नना सेतेम वेहतह्‌नन, मीटु बुदते मिळ्न्दिसि, उड्लोरा लेह्‌का जीवाते कुलुल आयवालेवा, मीकु देवुळ राजेम कीयना लोकुरगा जागा दोर्को आयग़ा.

मत्याल 13:15

बाराह्‌क इतेके ओरा बुद गळ्स आता; केव्कने केनकेने केंजिह्‌तोर, ओसो तमाङ कोंडाङ पिहतह्‌तोर. अद्रम आसि ओर कोंडाने ऊळ पग़वोर, केव्कने केंज पग़वोर, बुदते पुनदा पग़वोर, अहे सव्रेम आयलाह नयगा वावोर,’ इन्जि देवुळ यसयान इन्ह्‌ता. (इद पोल्‍लो नावाङ केंजवोरा लोप्पा इर्सा करल आता.)

बळयिर 11:21

देवुळता लाव बेसता कबुरतुन वेहवालोरगा मता. अदिह्‌क वेल्‍लाटोर यहुदि आयवोर, येसुसामिन विस्वस कीसि, येसुना अग़दे ताकलाह आतोर.

2 पत्रु 3:8

नावा गोततोरिर! उंद पोल्‍लोतुन मात्रम सीता कीम्ह्‌टु: देवुळतुह्‌क उंद दिया इतेके, अजर वर्साना लेह्‌कान; ओसो अजर वर्साङ उंद दियाता लेह्‌कान मन्ह्‌ताङ.

बळयिर 28:27

बाराह्‌क इतेके, देवुळता पोल्‍लो तेळियलाह, वेरा बुद गळ्स आता. तमाङ केव्कने केनकेनेन केंजिह्‌तोर, ओसो ऊळवाह कोंडान पिहतलाह आतोर. अद्रम केवेक कोनि, तमाङ कोंडाने सेतेमतुन ऊळेर, तमाङ केव्कने नावाङ केंजेर, तमा बुदते पुनेर, पुन्जि नयके मल्स वावेर, अस्के नना वेरिन बेस केवेनन,” इनजोर वेहा’ इता.

1 पत्रु 2:25

मुने मीटु लेसताङ गोरेनलेह्‌का, अग़ विळ्सिस अनजोर मतिर. मति इंजेके मीवा जीवातुन काप आडवाल कोपानगा मीट मल्स वातिर.

2 तिसलुनितोर 1:10

येसुसामि ओसो मल्स वायनोग़ अस्के, पवित्र लोकुरगा तना डीसातुन तोहतनोग़. ओन विस्वस कीतोर सबेटोरु, ओन बामनाह ऊळनुर. माट ओना लोप्पा वेहतद साक्सितुन, मीट विस्वस कीतिर, अदिनेनाह्‌क मीट वने ओरगा कलियकिर.

बळयिर 11:18

पया पत्रुना संगे गिटोगटो आसोर मतोर मन्कलोर, इद पोल्‍लोतुन केंजिसि, केमेन आतोर. आसि ओर इतोर, “पापमता अग़दाहि मल्सि, तना पिसमुळ दोर्किह कीयलाहि, यहुदि आयवोरिह्‌क इंका, देवुळि अग़ ईता,” इनजोर देवुळतुन जोहर कीतोर.

लूकाल 1:16

ओग़ मीवा वेल्‍लाटोर इस्रयेल लोकुरिन तमा देवुळतके मल्हच ततनोग़.

रोम सहरतोर 11:25

मावोर विस्वसिरिर! माटे पका तेल्वतोरोम इन्जि, मीट पोग़यनदायो इनजोर, देवुळि इंजेके इस्रयेलतोरा लोप्पा पुन्पिह कीतद, इद पोल्‍लोतुन मीक वेहतलाह आतन: यहुदि आयवोर बेच्वुर किर्स्तुन विस्वस कीयनुर इनजोर, देवुळि विचर कीता, अच्वुर कतमतोर देवुळतेके वानाह्‌जोम, उच्वुर इस्रयेल मन्कलोरा बुदि, देवुळताङ केंजवाह कैंगम मनदग़ा.

बळयिर 17:26

ओर्वोग़े मन्कनाहि सबे जातिनोरिन पुटिह कीसि, ओरिन पूरा बूममेंड आनाह कीता. ओसो उंद-उंद जातता लोकुर बेद कालमते इद बूमते मनदनुर, वेरा देसेमता अंद बेगा मनदग़ा इन्जि, मुनेन निल्पिह कीता.

बळयिर 15:3

ताना पया अंताकियातोर विस्वसिरा मुलु ओरिन येरुसलेम लोहतोर. लोहतस्के पोलु ओना तोळतोर बार, पिनिके ओसो सामरिया पटिह्‌क अनेके, यहुदि आयवोर बेद्रम देवुळतके वातोर, अदिन अग्डोर विस्वसिरिह्‌क पूरा वेहचोर अतोर. तान केंजिसि सबेटोर विस्वसिर पका गिर्दा आतोर.

बळयिर 3:21

पूरा दुनियातुन पूना कीकन इन्जि, देवुळि वेल्‍लाय मुने तना पवित्र कबुरतोरा संगे वेहच मता. पूना कीयनद कालम एवनाह, किर्स्तु पोग़ोन देवुळदीपते मनदनोग़.

बळयिर 1:6

पया येसुनाङ बळयिर ओनगा (जय्तुन इनदनद मेटातगा जमा आसि,) इद्रम ताल्ह्‌कतोर, “सामि! बह निमा इदे तूकने (रोम राजेमतुनआरे कीसि,) मावा इस्रयेल जाततोर लोकुरिह्‌कु, मावा राजेमतुन मल्स निल्पिह कीकिना?” इनजोर इतोर.

तोहचीतव पोल्‍लोङ 21:4

देवुळि ओराङ सबे तिपल्किन जेक कीसि, ओराङ कंड्रिन उम्चिसीयग़ा. अद ओरा संगे मनाह्‌कु, मुनेता कालम मारिस अता; अदिनेनाह्‌क हामुर मनो आयग़ा, दुकम मनो आयग़ा, अळयनद मनो आयग़ा, तिपल आयनद मनो आयग़ा.”

2 तिमोति 2:25

ओसो विरुद केवालोरिन, कुलुल बुदते तेळियिह कीयना. अद्रम कीतेके, देवुळि ओरिन वने पापमता अग़दाहि मल्हचि, सेतेमतुन पुनाह कीतेक कीयग़ा बहे.

बळयिर 3:20

ओसो देवुळि मयेनाह्‌के निल्पिह कीतोग़ पिसिह केवानु (इतेके येसुन) ओसोवने लोहचीयग़ा.

इब्रितोर 4:1

मीक आरम ईकन इनजोर, देवुळि मुनेन पोल्‍लो विळ्सिस मता. अद पोल्‍लो इंजेक वने अरयह्‌ता. अदिनेनाह्‌कु आरम दोर्कनगा एव्वोम आयकोम बहा इनजोर, मीट ओर्वोग़-ओर्वोग़ रेयिस मन्ह्‌टु.

लूकाल 22:57

मति पत्रु “नना ओन पुनोन एलो,” इनजोर इतोग़.