बळयिर 3:16 - माडिया गोंड पवित्र सास्त्रम

¹⁶ मीवा मुनेह निच मनवाल मन्कन मीट पुतिरे. वेग़ बह बेस आतोग़ इतेके, माट येसुन विस्वस कीताह्‌के, ओना लाव वेनगा वाता. येसुनगा अदिकर मन्ह्‌ता इन्जि, विस्वस कीताह्‌के वेग़ पूरा सव्रेम आतोग़.

बळयिर 3:16 Referans Kwoze

बळयिर 14:9

उंद दिया पोलु वेहतनाङ पोल्‍लोङ, ओग़ कूटाल उदिसि बेस केंजलाह आस मतोग़. अस्के पोलु ओन कोंडा मिळ्हवा ऊळतोग़, ऊळिसि वेग़ कूटाल सव्रेम आयलाह, येसुन विस्वस कीस्तोग़ इन्जि पुतोग़.

बळयिर 4:10

मीट ओसो मावोर सबेटोर इस्रयेलतोर बेस पुन्ह्‌टु, नासरेत नाटेनोग़ येसु किर्स्तुन हव्कनागुटातगा हव्कनाह कीतिर, मति देवुळि ओन जीवा अर्हचीता. ओग़े येसु किर्स्तुना अदिकरते, वेग़ मन्कल सव्रेम आसि, मीवा मुनेह नितोग़.

बळयिर 3:6

अस्के पत्रु इतोग़, “नयगा बंगर-वेंडिङ इतेक इलेङ, मति बाताल मन्ह्‌ता, अद नीक ईय्ह्‌नन: अले नासरेत नाटेनोग़ येसु किर्स्तुना अदिकरते तेदिसनेह्‌क ताका,” इतोग़.

बळयिर 16:18

वेल्‍लाङे दियाङ अद अद्रमे कीसोर मता. पया उंद दिया पोलु पका नारज आतोग़. आसि पेग़्के मिळ्न्दिस तानगा मतद देयमतुन इतोग़, “येसु किर्स्तुना पेदिरते नीक उकुम ईय्ह्‌नन, इद पिलाताहि पेसिस अन!” इनजोर, देयमतुन दगाङ ईतोग़. इताहे अद देयम पेसिस अता.

मत्याल 9:22

बोयमुळतुह्‌कु येसु पेग़्के मल्स ऊळिसि, अद आंचान इतोग़, “पेडि, निमा दीरा पोय्म! नना नीक सव्रे कीकन इन्जि, निमा विस्वस कीताह्‌के, बेस आतिन.” इताहे अदे गट्काते अद आंचाना बादा मायता.

1 कुरिंततोर 13:2

नना देवुळता जीवाता दळ्मते वळ्ह्‌क पग़वेनन, ओसो देवुळि इंजेक एवनाह पेसिह केवा तासतव सबे पोल्‍लोनु, अहे बुदताङ सबे पोल्‍लोन पुनेनन. मेटान इंका जर्गिह कीयनाह, अचोटा विस्वसते पार्तना केवेनन. मति नना दुस्रोरिन जीवा केवेक अचोन, देवुळता मुनेह बाताले कबळतोनन आयोन आवेनन.

योहन 14:12

इह केंजाट, नना सेतेम वेहतह्‌नन, नना कीयनव बेरा डीसाताङ कबस्किन, नाक नमवालोर वने कीयनुर, ओसो अविस्किह्‌काय वीळिस बेह्‌राङ कबस्क कीयनुर. बाराह्‌क इतेके नना बाबानेके दाय्ह्‌नन इनजोरे.

बळयिर 4:7

पया ओर पत्रुन, योहनिन, नडुम निल्पिह कीस ताल्ह्‌कतोर, “मीट वेग़ कूटानु बेद लावते, बोना अदिकरते ताकनाह कीतिर रा?” इतोर.

बळयिर 3:8

लाव वातस्के, ओग़ु तेदिस दिग नितोग़, निचि ताक बोटटोग़. ताकसोरे, डेह्‌कसोरे, देवुळतुन जोहर कीसोरे, ओराय संगे मंदिरते ओळियतोग़.

बळयिर 4:30

माट वेहतह्‌पा, दुकतोरिन सव्रे कीसि, नीवा पवित्र सेवक येसुना पेदिरते, नीवाङ बामनाह लेह्‌काडाङ सीनाङ तोहचीम,” इन्जि देवुळतुन ताल्ह्‌कतोर.

योहन 7:23

मोसा मुय्तोग़ वेहतद अडोतुन अदे कगोते नोमना इन्जि, मीट पोल्वादियाते वने मन्कन डायना कबळ कीय्ह्‌निर इतेके, नना पोल्वादियाते वग़ोग़ मन्कना पूरा मेंदुदुन सव्रे कीताह्‌कु, मीटु बाराह्‌कु पया नाक ओङ कीय्ह्‌निर?

मत्याल 14:29

“अले अह इतेक वाय!” इनजोर पत्रुन येसु इतोग़. पया पत्रु ओडाताहि पेसिसि, एता पोग़ोट्क ताकसोर, येसुनके दायलाह बोटटोग़.