बळयिर 27:34 - माडिया गोंड पवित्र सास्त्रम

³⁴ मीट तितेकेन पिसकिर इन्जि, नना मीकु अर्जि कीय्ह्‌नन. इगा मतोरग्डाहि, बोना उंद तलाता केल वने बूळेम आयो आयग़ा,” इतोग़.

बळयिर 27:34 Referans Kwoze

मत्याल 10:30

मति मीट इतेके वेल्‍लाङे कोळ्का पिटेह्‌काय वीळिस, देवुळबाबाना मुनेह एक्‍वा मोलातोरिर. ओसो (ओग़ मीवा लोप्पा कतम पुन्ह्‌तोग़,) मीवा तलातगा बेचोक केल्क मन्ह्‌ताङ, इद वने ओग़ पुन्ह्‌तोग़. (मीकु देवुळता विचरलेवा बातय आयो आयग़ा,) अदिह्‌के मीटु ओर तिपल केवालोरिह्‌क रेयमाटु.

लूकाल 21:18

मति इद्रम आतेक तेला, मीक बोग़े बूळे कीया पग़वोग़.

1 तिमोति 5:23

(तिमोति, पवित्रते मनदकन इन्जि, वेट एग़े उनजोर मनमा. निमा अमेसा बेमर आनाह्‌कु, ओसो नीवा पोटा नोयनाह्‌कु, उचुन ओयतद अंगुर जोमा वने उनु.)

लूकाल 12:7

मीट इतेके अव कोळ्का पिटेह्‌काय वीळिसि, एक्‍वा मोलातोरिर आंदिर. अदिह्‌क मीक बाताल आयग़ा इन्जि रेयमाटु. मीवा तलातगा बेचोक केल्क मन्ह्‌ताङ, इदिन वने मीवा देवुळदीपतोग़ बाबाल पुन्ह्‌तोग़, (अचोन ओग़ मीवा सीता कीस्तोग़!)

पिलिपितोर 2:5

बेद्रम येसु किर्स्तुना बुद मता, अद्रमे मीवा वने बुद मनि.

मत्याल 15:32

तेना पया तनाङ कग़यवालोरिन केयिस येसु इतोग़, “वेर नयगान मन्जि, नेटुह्‌क मूंड दियाङ आतोर. वेरगा तिनदलाह बातय इले, वेरिन नना उपस लोहतेके बेस आयो. अहे लोहतेके, वेरु अग़दे कग़्विह्‌क ऊंगेङ-वेळ्केङ आयनुर. अदिह्‌के नाक वेरा मान वसिह्‌ता,” इतोग़.

बळयिर 27:33

पङवियना वेला, पोलु ओडातगा मतोरिन इतोग़, “अले मीट जावा उन्ह्‌टु. दूंद वायनद विळ्सो इनजोर, केपिस-केपिस रेंड वारस्क आताङ. मीट इचोक दियाङ बाताले तिनविर.