बळयिर 27:2 - माडिया गोंड पवित्र सास्त्रम

² माट आसिया पटटा अद्रमुतियुम सहरताहि वातद ओडातगा उदतोम. अद ओडा आसिया पटटा कचुल मतव सहर्कनगा दायलाह, पेसिस मता. मकिदुनिया पटटा तिसलुनि सहरतोग़ अरिस्तरकुस वने, मावा संगे वातोग़. (पया केसरिया सहरताहि) पेसतोम.

बळयिर 27:2 Referans Kwoze

बळयिर 19:29

अद्रमे ओरा सहरतगा पका रोदा पोसि, सहरता मुल बाताल कीतोर, पोलुना संगे नाह्‌क-नाह्‌क तिरियवालोर गयुस ओसो अरिस्तरकुस, वेर मकिदुनियातोर मन्कलोरिन पोयतोर. वेरिन पोसि कतमतोर गोटुदगा ओळियतोर.

पिलेमोन 1:24

अद्रमलेह्‌काने नावा संगे कबळ केवालोर मार्कल, अरिस्तरकुस, देमस, लूकाल, वेर वने नीक जय येसु वेहतलाह आतोर.

कुलुसितोर 4:10

अरिस्तरकुस नावा संगे जेलते मन्ह्‌तोग़. ओग़ मीक जय येसु इन्ह्‌तोग़. बार्नबसना कुटुमतोग़ मार्कल वने, मीक जय येसु इन्ह्‌तोग़. (नना मीक मुनेन वेहतप लेह्‌का, मार्कल मियगाह्‌क वातेके, ओन बेस ऊळाटु.)

बळयिर 28:16

पया माट रोम सहरते एवतोम. एवतस्के (दरोगाल पोलुन जेलते तासवा, उंद लोते तासतोग़.) अद लोतगा ओग़ वग़ोगे मंदोग़, ओसो ओना पह्‌रातुह्‌क ओर्वोग़ सीपय वने मतोग़.

बळयिर 28:12

अद ओडाते सुरकुस सहरते एव्सि, अगा मूंड दियाङ मतोम.

बळयिर 28:10

नाटेनोर माक पका कदर ईसि, इनम वने ईतोर. माट अद तोग़दगा मूंड नेलाङ मतोम. पया सिकंदरिया सहरताहि वास मतद ओडाते अग्डाहि पेसतोम. इर्ङमताङ दियाङ मारनाहि, अद ओडा माल्टा तोग़दगान रोमिस मता. (ताना मुनेहता तलातगा एमोह पेन्कना सीना मता.) पया माट अग्डाहि ओडाते पेसतस्के, अग़दे माक बाताल बाताल गावले आस्ताङ, अविस्किन नाटेनोर ओडातगा तचि वाटटोर.

बळयिर 28:2

अद नाटेनोर मन्कलोर माक बेस गूनम तोहतोर. ओर बेद्रम कीतोर, पेग़ वांदु अदिह्‌क इर्ङम पोस मता, अस्के किस आग़लाह, मयेनाह्‌क किस पोतिह कीसि, माक बेस उदिह कीतोर.

बळयिर 21:5

इन्जाय वारममेटा पया, माट मावा अग़दे दायलाह ओडाङ नितनद जागातेके पेसतोम. पेसनेके सबेटोर विस्वसिर तमाङ लोह्‌कनोर कतमतोरा संगे, माक सहरता पलत एवनाह ओतोर. अस्के माट सबेटोरोम अदे सम्दुरता उस्कोतगा, मिंडाङ कोटिस पार्तना कीतोम.

बळयिर 19:19

मुनेन पूजर-गूनिङ कीसोर मतोर मन्कलोरु, तमाङ पुस्तकिन जमा कीसि, जमा आतोरा मुनेह बोळ्सिस ईतोर. ओराङ पुस्तकिना दारातुन लेका कीतोर, अस्के अविस्कना दारा पनस अजर्क वेंडटाङ कोताङ आताङ.

बळयिर 17:1

पोलु, सीलास, वेरु (पिलिपि सहरताहि पेसिस,) अंपिपोलिस ओसो अपुलोनिया इव सहर्किह्‌क अतापया, तिसलुनि सहरते एवतोर. अगा यहुदिरापार्तनाता लोन मता.

बळयिर 16:17

अद पिला बेद्रम कींदु इतेके, “वेर सबेट्क बेरा देवुळताङ सेवकिर आंदुर. देवुळ लोकुरिन बेद्रम पिसिह कीस्ता, अदिन मीक पोकुर कीस्तोर” इनजोर, केयसोर-केयसोर मावा पयाह पयाह वांदु.

बळयिर 2:9

माट इतेके पारति, मेदि, एलामि, मेसोपोटामिया, यहुदा, कपदुकिया, पुंतुस,आसिया, पुरुगिया, पंपूलिया, मिसर देसेम, लिबुवा देसेमता कुरेनि सहरतकेडा एरिया, ओसो रोम सहरतोर यहुदिर वने ओसो दुस्राङ जातिनोर मावा दर्मते ओळियतोर वने, ओसो केरति, अरब, इव सबे देसेह्‌कने मनवालोरल यहुदिरल मह्‌नल. मति आपुना-आपुना पोल्‍लोते, देवुळताङ बामिह कीयनाङ कबस्किन, वेर मन्कलोर वेहतनदिन केंजिह्‌नल अयो,” इन्जि इतोर.

लूकाल 8:22

पया उंद दिया इद्रम आता इतेके, येसु तनाङ कग़यवालोरा संगे, गालिल सम्दुरते उंद ओडातगा तग़्ङतोग़. तग़्ङिसि ओरिन “अलेट! सम्दुरता अबर दडटेके दाकल,” इतोग़. इतस्के ओर दायलाह पेसतोर.