बळयिर 27:18 - माडिया गोंड पवित्र सास्त्रम

¹⁸ वळ्यतेनाह्‌क पका जोरते लच्काङ वांदुङ, अदिनेनाह्‌क ओडा मुळ्न्दग़ा बहा इन्जि, इमा दिया ओडातगा मतद वेल्‍लाय मादुन, लोकुर एतगा अग़्सिसीया बोटटोर.

बळयिर 27:18 Referans Kwoze

बळयिर 27:38

पोटामेंड तिन्जि, ओडाता मोतातुन अल्को कीयलाहि, अगा मतव पिसतव कतम गोह्‌किन, सम्दुरतगा अग़्सिसीतोर.

इब्रितोर 12:1

अदिनेनाह्‌क (माट बह कीयनद इनजोर, तेळियिह कीसीकन:) विस्वसिरा इचोटा बेरा मुडा साक्सि, मावा सर्ने निच (मतप लेह्‌कान, माक दीरा ईसोरेन) मन्ह्‌ता. देवुळि मयेनाह्‌क बेद अग़ तयर कीता, (अद अग़दे वितिङ. बेस वितना इन्जि,) रोमिह कीयनव पुहतव गेंदेना लेह्‌काडाङ सबे पोल्‍लोन तेंडकल, माक ऊर्सतद पापमतुन लेहतकल. ओसो आरेम आयवा, मावा मुनेह मनदनद अग़ पोसि सीदा वितकल.

बळयिर 27:19

रेंड दियाना पया वेर ओडा वग़्हवालोर वने, तमाङे कय्कने ओडातुन वग़्हतनद वेल्‍लाय सामनतुन एतगा अग़्सिसीतोर.

लूकाल 16:8

“पया ओग़ मुळ्हे मेटि, पका सत्रलते कबळ कीतदिन माल्काल ऊळिसि, ओन ‘पका उसर मह्‌निन रा!’ इन्जि इतोग़. इद्रमलेह्‌का देवुळतुन पुतोर लोकुरिह्‌काय एक्‍वा, देवुळतुन पुनवोर लोकुर, ओर्विह्‌क-ओर्वोग़ ईयना-एतनदिना लोप्पा, पका सत्रल मन्ह्‌तोर.

मत्याल 16:26

मन्कल पूरा दुनियातुन गेल्सतोग़ तेला मति, तना कुदता जीवातुन पिववद किसबटटगा लेसिह कीतोग़ इतेके, ओन्क बाताल पाय्दा आयग़ा? नीवा जीवा लेसता इतेके, ताना बद्लातुह्‌क बातय ईया पग़विन!

लूकाल 12:23

बाराह्‌क इतेके मीवा जीवा सिरप तिनदलाहे, ओसो मेंदुल सिरप गेंदेङ केग़यलाहे मन्ह्‌ताया?