बळयिर 26:29 - माडिया गोंड पवित्र सास्त्रम

²⁹ इतस्के पोलु इतोग़, “गळ्किह्‌क आयि, वेल्‍लाय जोमतुह्‌क आयि, सिरप निमान आयो, इंजेके इगा नावा पोल्‍लोतुन केंजतोर सबेटोरु, इव गोल्स्कने दोहवप मन्जि, नावा लेह्‌का येसु किर्स्तुना विस्वसिर आयिर इनजोर, देवुळतुन अर्जि कीय्ह्‌नन,” इतोग़.

बळयिर 26:29 Referans Kwoze

कुलुसितोर 1:28

ओग़े किर्स्तुन माट सबे जातिनोरिह्‌क, पोकुर कीयलाह आतोम. किर्स्तुना संगे तुंडिस मनवालोर सबेटोरिन किर्स्तुनगा बेस विस्वसते मेग़्किह कीसि, देवुळता मुनेह निल्पिह कीयना इनजोर, माटु देवुळ ईतद बुदते सबेटोरिन काग़्हतह्‌नोम, सुद्रे कीय्ह्‌नोम.

रोम सहरतोर 10:1

मावोर विस्वसिरिर! नावा इस्रयेल लोकुरिन देवुळि पिसिह कीयि इनजोर, नावा पूरा जीवाताहि विचर कीसि, इद पोल्‍लोतेनाह्‌क देवुळतुन अमेसा पार्तना कीसोरेन मह्‌नन.

बळयिर 21:33

पया मुक्याल वासि पोलुन पोयतोग़. पोसि ओन रेंड गोल्स्कने दोहता वेहतोग़. दोहचि वेग़ बोग़ु, बाताल कीतोग़ इनजोर, लोकुरिन ताल्ह्‌क बोटटोग़.

2 कुरिंततोर 11:1

नना बुदलेवोना लेह्‌कान वेहचोर मनाह्‌क, ओङ आयमाटु, गळ्क आपिस केंजाट. मुर्बत कीसि केंजसोर मन्ह्‌टु.

1 कुरिंततोर 7:7

मीट सबेटोरिर नावा लेह्‌कान, कुव्रा मन्ज वने गिर्दा आस मनदना इतेक, बेस ओप्पालि इनजोर, नना विचर कीय्ह्‌नन. मति देवुळि ओर्वोग़-ओर्वोग़ मन्कह्‌क अलग-अलग बुदि ईता: बोन्क-बोन्क कुव्रा मनदलाहि, बोन्क-बोन्क मर्मिङ आस मनदलाहि.

1 कुरिंततोर 4:8

आयो! पोटा पंजनाह तितोरा लेह्‌कान, किर्स्तुना पोल्‍लोता लोप्पा, सबे पुतप लेह्‌कान आतिर! देवुळता जीवाताङ सबे बुदिङ मयगा मन्ह्‌ताङ इनजोर इह्‌निर! माट सेवकिरिन पोहचीतप लेह्‌का ऊळिसि, मीट राजालोरा लेह्‌का ताकिह्‌निर! (गलत विचर कीयलाह आतिर रा!) मीट निटम राजालोर आतेक अचोन ओप्पालि! माट वने मीवा संगे राजेम ताकिह केवेरोम!

बळयिर 25:14

एलाग़ इर्वुर अगा वेल्‍लाङे दियाङ मतोर. अद तूकने पेस्तुस पोलुना नेयमता लोप्पा, अग्रिपा राजानु वेहतोग़. “मुनेतोग़ गुमसि पेलिक्स बाताल कीतोग़, ओर्वोग़ मन्कन इगान जेलते वाटिस अतोग़.

बळयिर 12:6

(पया पंडुम मारिस इमा दिया,) एरोद राजाल पत्रुन जेलताहि पेसिह कीसि, लोकुरा मुनेह नेयम कीयना मता. अद नग़्का, पत्रुन नडुम कीसि, पत्रुनाङ कय्किन तमाङ कय्कना संगे इके-अके रेंड गोल्स्कने दोहचि, इर्वुर सीपय्क उंजिस मतोर. ओसो जेलता अग़दगा, उय्तुर सीपय्क वने ओना पह्‌रातुह्‌क मतोर.

योहन 5:34

मन्कना साक्सितुन इतेक नना बर्वस केवोन, मति योहनना पोल्‍लोतुन नमिसि, मीक अमेसाता पिसमुळ दोर्कना इन्जि, इव गोटिङ मीक सीता कीसीतन.