बळयिर 25:23 - माडिया गोंड पवित्र सास्त्रम

²³ अद्रमे पया इमा दिया, अग्रिपा राजाल, बेर्निके, वेर एलाग़ इर्वुर, बेरा गिजुरते वातोर. वासि मीटिङ कीयनद बेरा अराते ओळियतोर. सीपय्कना मुक्यालोर ओसो सहरतोर साव्कर मन्कलोर अगा वातोर. अस्के “पोलुन पोस वाट” इनजोर, पेस्तुस उकुम ईतस्के, पोलुन ततोर.

बळयिर 25:23 Referans Kwoze

बळयिर 26:30

पोलु इद्रम इतापया राजाल, गुमसि, बेर्निके, ओसो ओरा संगे उदिस मतोर सबेटोर तेदतोर.

बळयिर 25:13

बेचोको दियाना पया बाताल आता इतेके, एरेटा पटटा गुमसि अग्रिपा राजाल, तना एलाळि बेर्निके बार अगा वातोर. वेर केसरिया सहरतगा, पूनोग़ गुमसि पेस्तुसिन कलियलाहि वातोर.

1 पत्रु 1:24

इदिन माट पुह्‌नल बाराह्‌क इतेके देवुळता कबुरतोग़ ओर्वोग़ वेहतोग़: माने-मन्कलोर रोंडाये ओरा डीसा पुंगेह्‌के. रोंडा इंका वतिह्‌ता पुंगेह्‌क इंका रालिह्‌ताङ, मति देवुळता पोल्‍लो अमेसा-अमेसातुह्‌क मन्ह्‌ता! अदे मीटु केंजतदु येसुना लोप्पा बेसता कबुरि. अहे, इंगो!

याकुब 1:11

पोळ्‍द पेसतस्के पका एद तेग़यह्‌ता, अस्के पका एद दल्गिसि, रोंडा वतिह्‌ता. ओसो ताना पुंगेग़ वने ऊसिह्‌ता. ऊसतापया ताना सोबा मारिह्‌ता. अद्रमलेह्‌काने साव्कर लोकुर वने, तमा कमयता पेग़्के अन्ज-अनजि बूळेम आयनुरे.

1 कुरिंततोर 7:31

सबे मालसोम मनवालोर मन्कलोर, अदे सीताते मनदनद आयो, अव पोल्‍लोन विळ्सिसि, देवुळतुह्‌क विचर वानाह पिसना. बह इतेके, इंजेके इद दुनियाते मनदनव बूळेम आयनव मन्ह्‌ताङ.

बळयिर 12:21

अस्के “पलाना दिया मीवा संगे कलियकन” इनजोर, एरोद राजाल वेहच मतोग़. पया अद दिया एरोद राजाल तना सोबाता राजमलयळि केग़्सि, नेयम कीयनद कुर्सतगा उदतोग़. उदिसि जमा आस मतोर लोकुरिन, पोल्‍लोङ वेहता बोटटोग़.

बळयिर 9:15

इतस्के येसु इतोग़, “आयो, निमा ओनगा अन. बाराह्‌क इतेके, नावा पोल्‍लोतुन यहुदि आयवोर दुस्राङ जातिनोरगा, ओरा राजालोरगा, ओसो इस्रयेल लोकुरगा इतेके यहुदिरगा एव्सिह कीयलाहि, ओग़ नावा आचतोग़ सेवक आंदोग़.

मार्कल 6:21

पया एरोद राजाना पुटटा दिया एवता. अद दिया राजाल बेरोर मुक्यालोरिन, सीपय्किरा मुक्यालोरिन, गालिल पटटा बेरोर पेदल्किन केयिसि, कुळ्प कीतोग़.