बळयिर 25:19 - माडिया गोंड पवित्र सास्त्रम

¹⁹ मति ओर तमाय दर्मताङ पोल्‍लोना लोप्पा, ओसो बोग़ो येसु पेदिरतोग़ मन्कना लोप्पा, वेर यहुदिर पोलुन कट्ला कींदुर. वेग़ येसु डोलिसाय मति जीवात मन्ह्‌तोग़, इद्रम पोलुना इनमुळ मन्ह्‌ता.

बळयिर 25:19 Referans Kwoze

बळयिर 23:29

मति मावा रोमि काय्दाता लेह्‌का, जेलतगा तासना तेला, आयवेके हव्कना सिक्सा तेला, इद्रमता लायकता वेना लोप्पा बाताले कसुर दिसो. इव सबे ओराङ अडोङ-उतुर्कनाङ कसुर्क तासतोर इनजोर, नना पुतन.

बळयिर 18:15

मति इव सबे मीवाङे अडोनाङ पोल्‍लोङ काग़्हतना, पेदिर्क वेहतना आंदुङ. इदिन मीटे ऊळाट, इद्रमताङ पोल्‍लोन नना नेयम केवोन,” इनजोर इतोग़.

तोहचीतव पोल्‍लोङ 1:18

ओसो जीवात मनवानन. नना डोलिस मतन, मति ऊळा! इंजेके अमेसा-अमेसातुह्‌क जीवात मह्‌नन. हानादीपताङ तालम कय्कु नयगाने मन्ह्‌ताङ, (ताना अग़दुन तेग़यिसि,) हातोरिन तेग़्किह कीयनद अदिकर नयगान मन्ह्‌ता.

बळयिर 25:7

पोलु वातस्के, येरुसलेमताहि वातोर यहुदिर पोलुना सर्ने निचि, ओना पोग़ोन वेल्‍लाङे बेराङ कसुर्क वाटटोर. मति अव कसुर्किन ओर करल कीया पग़वोर.

बळयिर 18:19

उदिसि आसिया पटटा इपिसुस सहरते रेगतोर. रेगतापया ओर आळ इर्वुर उंद अग़दे अतोर. पोलु बार देवुळता पार्तनाता लोन अतोग़, अन्जि यहुदिरिह्‌क येसुनाङ पोल्‍लोङ वेहतोग़.

बळयिर 17:31

बाराह्‌क इतेके, बूममेटोरिन ओर्वोग़े मन्कना कयदे, तपवालेवा नेयम कीयग़ा. अद नेयमता दियातुन मुनेन निल्पिह कीसि, ओग़ मन्कन वने मुनेन निल्पिह कीता. ओग़ डोलिस मतोग़ मति, ओन जीवा अर्हचि, ओना नेयम कीयनद अदिकर कतमतोरिह्‌क कीस तोहता,” इनजोर पोलु वेहतोग़.

बळयिर 2:32

“वेग़े येसुन देवुळि जीवा अर्हचीता इनजोर, माट सबेटोर विस्वसिरोम इद पोल्‍लोता साक्सि मह्‌नोम.

बळयिर 25:18

ओना पोग़ोन कसुर वाटवालोर निचि, कसुरताङ पोल्‍लोङ वेहतोर. मति बेद्रम नना विचर कीस मतन, अद्रमता कसुरताङ पोल्‍लोङ वेर वेहोर.