बळयिर 24:15 - माडिया गोंड पवित्र सास्त्रम

¹⁵ देवुळि उंद दिया हातोरग्डाहि सेतेमतोरिन, लाग्वोरिन तेग़्किह कीयग़ा इनजोर, वेर देवुळता पोग़ोन आसा तासतप लेह्‌का, नना वने आसा तासिह्‌नन.

बळयिर 24:15 Referans Kwoze

तोहचीतव पोल्‍लोङ 20:6

इद्रम मुने जीवा अरवालोर देय्वातोरु, देवुळि ओरिन तना मन्कलोर इन्ह्‌ता. ओरिह्‌क पयाडा हामुरि दल्गो, मति ओर देवुळता ओसो किर्स्तुना बूमयालोर आयनुर. ओसो किर्स्तुना संगे अजर वर्साङ राजेम ताकिह कीयनुर.

पिलिपितोर 3:21

सबेटविन ताकिह कीयलाहि, ओनगान लाव मन्ह्‌ता. अद लावते मावा मेंदुलतुन बद्ले कीसीयनोग़. इतेके इद कळियनद मावा मेंदुलतुन, तना बेस्केन बूळेम आयवद मेंदुलता लेह्‌कान, पूरा बद्ले कीसीयनोग़.

बळयिर 24:21

आं ‘डोलतोर वने जीवा अरयह्‌तोर इनजोर, नना विस्वस कीताह्‌कु, नाक पर्ह्‌किस ऊळिह्‌निर अय!’ इनजोर इद उंद पोल्‍लोतुन मात्रम, निटमे ओरा मुनेह जोरते केयिस वेहतन,” इनजोर पोलु इतोग़.

मत्याल 25:46

“ओर इतेके अमेसाता सिक्सा आयलाह दायनुर, सेतेमतोरिह्‌क बारा अमेसा पिसलाह दोर्कग़ा,” इन्जि, येसु तनाङ कग़यवालोरिन इतोग़.

लूकाल 14:14

अह कीतेके देवुळता देय्वा नीक दोर्कग़ा. इद्रमतोरिह्‌क ईतेके, ओर नीक मल्हच ईया पग़वोर. मति देवुळता मुनेह सेतेमते मन्जि डोलतोरु, बेस्के ओसोवन जीवा अरयनुर, अस्के नीवा बूति नीक दोर्कग़ा,” इनजोर वेहतोग़.

योहन 11:24

“इंगो गूरु, आक्रिते हातोर जीवा अरयना वेलाते, वेग़ वने जीवा अरयनोग़ इन्जि, नाक एर्काय मन्ह्‌ता,” इनजोर अद इता.