बळयिर 23:9 - माडिया गोंड पवित्र सास्त्रम

⁹ वह्‌चळ पुटटस्के, ओरा नडुम पकाय रोदा आता. अगा उदतोर परुसिरा तुंगाताहि उय्तुर सास्त्रमगूरुर तेदिसि, “माक इतेके वेग़ पोलुनगा बाताले तप दिसो. देवुळदीपताहि ओना संगे बेदाय हानाल तेला, इलवेके देवुळता देवतुलि, वेना संगे वळ्ह्‌किस मनदग़ा, अद बेद्रमि?” इनजोर बेरा आल्काते इतोर.

बळयिर 23:9 Referans Kwoze

बळयिर 22:7

अस्के नना नेल अरतन, नेल अरतस्के ‘ए सोलु, ए सोलु, नाक बाराह्‌क तिपल कीया बोटटिन?’ इनजोर इतद आल्का केंजतन.

योहन 12:29

आल्कातुन केंजिसि, अगा निच मतोर लोकुर उय्तुर इतोर, “बूम गुळ्न्जता, रा!” उय्तुर बारा इतोर, “आयो, देवतुले ओना संगे वळ्ह्‌कता.”

बळयिर 26:31

तेदिस अग्डाह अबर अन्जि, तमतमा इद्रम वळ्ह्‌कलाह आतोर, “वेन हव्कना इलवेक जेलते वाटना लायकता, बाताले वेग़ कसुर केवोग़,” इतोर.

बळयिर 25:25

नना इसि वेन हव्कना लेह्‌काडा, वेग़ बाताले कसुर केवोग़ इनजोर पुतन. मति कय्सर राजाना मुनेह, नावा नेयम आयि इनजोर, वेग़ तनाय अर्जि कीतोग़. अदिह्‌क नना वेन रोम सहरते कय्सर राजानगा लोहतलाह विचर कीतन.

बळयिर 23:29

मति मावा रोमि काय्दाता लेह्‌का, जेलतगा तासना तेला, आयवेके हव्कना सिक्सा तेला, इद्रमता लायकता वेना लोप्पा बाताले कसुर दिसो. इव सबे ओराङ अडोङ-उतुर्कनाङ कसुर्क तासतोर इनजोर, नना पुतन.

मार्कल 2:16

येसु सिद्‌वा एनवालोरा संगे, पापिरा संगे, गाटो तिनदनदिन परुसिर ओसो सास्त्रमगूरुर ऊळतोर. ऊळिसि “एग़्ङ वानाहि, येसु बेद्रम वेरा संगे, तिनदना-उनडना कीस्तोग़ रा?” इनजोर ओनाङ कग़यवालोरिन कट्ला कीतोर.

1 कुरिंततोर 10:22

अद्रम कीस सामिनु ओङ वानाह कीय्ह्‌निर! सामि ईयनद सिक्साताहि, बह पिह्‌ट अरयकिर? बह माट ओन्काय एक्‍वा लावतोरल इनजोर इह्‌निरा?

बळयिर 27:23

बेद देवुळ नाक पोयता, बेद देवुळतुन नना माळिह्‌नन, अदे नावा देवुळि नग़्का तना देवतुलतुन लोहचि, इद कबुर नाक वेहता:

बळयिर 11:17

माट किर्स्तु येसुसामिन विस्वस कीतस्के, बेद्रम देवुळि पवित्र जीवातुन मावा पोग़ोन उदिह कीता, अद्रमे ओरा पोग़ोन वने उदिह कीता. कीताह्‌कु इंजेक नना बोनन आंदन, देवुळतुन रोमिह केवानन?” इनजोर इतोग़.

बळयिर 9:4

वेह्‌च अरतस्के सोलु नेल अरतोग़. अस्के “ए सोलु, निमा नाक बाराह्‌क तिपल कीयलाह आतिन?” इनजोर ओन्क उंद आल्का केंज वाता.

बळयिर 5:39

मति देवुळतग्डाह मतेके, मीट तान माय्‍पिह कीया पग़विर. माय्‍पिह कीयलाहि ऊळतिर इतेके, देवुळताये अडम लळेम आयवालोरिर आयकिर, अद्रम आयमाट,” इनजोर बुदिङ वेहतोग़.

लूकाल 23:22

अस्के पिलाति मुचा केपा ओसोवने लोकुरिन इतोग़, “बाराह्‌कु? वेग़ बाताल कसुर कीतोग़? वेन्क हामुरता सिक्सा ईयना लेह्‌का, वेनगा नाक बाताले कसुर दोर्को. अदिनेनाह्‌क वेन जूताते नल्हता वेहच विळ्सिस ईय्ह्‌नन,” इनजोर इतोग़.

लूकाल 23:4

अस्के पिलाति पेर्मालोरिन ओसो लोकुरिन, “वेग़ मन्कनगा बाताले कसुर नाक दिसो,” इतोग़.

लूकाल 5:30

तिनदनदिन ऊळिसि, “मीट एग़्ङ वानाहि, सिद्‌वा एनवालोर, पाप्यहलोर, इद्रमतोरा संगे उदिस, बह तिनदना-उनडना कीयलाह आतिर रा?” इनजोर परुसिर ओसो तमा सास्त्रमगूरुर, येसुनाङ कग़यवालोरगा वासि, कट्ला कीतोर.

बळयिर 22:6

“अनेक अनेके नेक निच मता, अस्के नना दमिस्क सहरता एरे एव्स मतन. अचोटेन दोम्ह्‌क्नेन कोंडाङ नाह्‌क पग़वाह, पोग़ोटाहि नावा सर्ने बेरा उंद वेह्‌च अरता.