बळयिर 23:6 - माडिया गोंड पवित्र सास्त्रम

^6-8 अस्के पया इगा जमा आतोरगा, वळ्गा सदुकिरा तुंगातोर, ओसो वळ्गा परुसिरा तुंगातोर मन्ह्‌तोर इनजोर, पोलुह्‌क एर्का आता. सदुकिरा विचर इद्रम मन्ह्‌ता, डोलतोर बेस्केन जीवा अरवोर, ओसो देवतुल्क इलेङ, ओसो हानस्क वने इलेङ इनजोर इन्ह्‌तोर. मति परुसिर बार, इव सबे पोल्‍लोना पोग़ोन आसा कीस्तोर. अदिनेनाह्‌क पोलु बेसे मेग़्किस केयलाह बोटटोग़, “दादालोरिर, नना परुसि मन्कनन! नावा तादोर-बाबोर वने परुसिरे मतोर. मन्जाय, नना डोलतोर वने जीवा अरयह्‌तोर इनजोर, विस्वस कीयनेनाह्‌के, वेर नाक पर्ह्‌किस ऊळिह्‌तोर,” इनजोर इतोग़. पोलु इव पोल्‍लोङ इतस्के, उदतोर तग्वाङ केवालोर रेंड तूस्क आसि, परुसिरा, सदुकिरा नडुम वह्‌चळ पुटटा.

बळयिर 23:6 Referans Kwoze

बळयिर 24:21

आं ‘डोलतोर वने जीवा अरयह्‌तोर इनजोर, नना विस्वस कीताह्‌कु, नाक पर्ह्‌किस ऊळिह्‌निर अय!’ इनजोर इद उंद पोल्‍लोतुन मात्रम, निटमे ओरा मुनेह जोरते केयिस वेहतन,” इनजोर पोलु इतोग़.

बळयिर 24:15

देवुळि उंद दिया हातोरग्डाहि सेतेमतोरिन, लाग्वोरिन तेग़्किह कीयग़ा इनजोर, वेर देवुळता पोग़ोन आसा तासतप लेह्‌का, नना वने आसा तासिह्‌नन.

पिलिपितोर 3:5

मोसानाङ अडोन तपवालेवा नोमवालोर परुसिरा तुंगातोनन आंदन. नना पुटिस वारममेंड आतापया, अवे अडोङ वेहतपु, नावा डायना रिवज कीतोर. नना इस्रयेल जाततोनन, बिन्यमिनना कूळतोनन आंदन, नावाङ तादोर-बाबोर कतमतोर इस्रयेल जाततोरे.

बळयिर 28:20

मावा इस्रयेल मन्कलोर बोन आसा कीसोर मतोर, ओनाये सेवा कीयनेनाह्‌क, नाक इव गोल्स्कने दोहतोर. इदिनेनाह्‌के इव पोल्‍लोन मीवा संगे कलियिस वेहतलाह, मीक कबुर लोहच मतन,” इनजोर पोलु इतोग़.

मत्याल 22:23

(यहुदिरगा सदुकिर इनवालोर उंद तुंगातोर मतोर; मन्कलोर हासि मल्स जीवा अरवोर इन्जि वेर इंदुर). अदे दिया उय्तुर सदुकिर येसुन एग़्किह कीयलाह, ओनगा वासि ताल्ह्‌कतोर, “गूरु, मोसानाङ अडोङ वेहतपु, बोग़ाय मग़मियाळ लेवाय हातोग़ इतेके, ओना रांडे मुतेना संगे ओना तमोग़ जोळेम आसि, तमदादाना लोता लोन निल्पिह कीयना.

बळयिर 22:5

नना इद्रम कींदन इनजोर, मोदुल पेर्माल ओसो तग्वाङ केवालोर मीवा मुनेह साक्सि मन्ह्‌तोर. वेरग्डाहे नना दमिस्क सहरतोर, मावोर यहुदिरिह्‌क रासतद सीटि ताल्ह्‌किस, अगा दायलाह पेसिस मतन. अगा येसुना अग़दे अतोर यहुदिरिह्‌क सिक्सा ईयलाहि, ओरिन दोहचि येरुसलेम ततलाह अनजोर मतन.

मत्याल 10:16

“इद केंजाट, लोळ्ङानगा गोरेन लोहतपु, नना मीक दुनियाते लोहतह्‌नन. अदिह्‌कु मीटु तरस्कना लेह्‌का सत्रल मन्ह्‌टु, मति परेवाङ मतप, नाळेह केवोरा लेह्‌का वने मन्ह्‌टु.

मत्याल 3:7

मति यहुदिराङ पेदल्कना रेंड तुंगानोर, उय्तुर परुसिर इनवालोर, उय्तुर सदुकिर इनवालोर, वेर वेल्‍लाटोरे योहननके, माक वने एते मीहा इनजोर वातोर. मति योहन ओरिन इतोग़, “ए वीसमतरस्कना लेह्‌काडोरिर! पापमता अग़दाहि देवुळतके मलवालेवा, (वेट देवुळता पेदिरते एग़ मीतेके), देवुळि ईयनद सिक्साताहि माट पिन्ह्‌ट अरयकोम इनजोर बाराह्‌क इह्‌निर?

बळयिर 22:3

अस्के पोलु वेहता बोटटोग़, “नना यहुदि मन्कनन, किलिकिया पटटा तरसुस सहरते पुटटोनन, मति इदे येरुसलेम सहरतगान बेर्सतन. इगा गमलियेल गूरुनगा मन्जि कग़यतन. मावाङ तादोर-बाबोराङ अडोङ-उतुर्कना उंद पोल्‍लो वने तपवा, ओग़ नाक काग़्हतोग़. इंजेके मीट सबेटोरिर कीयना लेह्‌का, नना वने देवुळतुन माळलाह पका जिदतोनन मतन.

बळयिर 22:30

पया इमा दिया यहुदिर पोलुन बाराह्‌क कसुर ओपतोर इनजोर, निटम पुनदलाह, सीपय्कना मुक्याल पेर्मालोरिन, यहुदिराङ तग्वाङ केवालोरिन, जमा आयलाह कबुर लोहतोग़. ओर जमा आतस्के, पोलुन तचि पंचता मुनेह निल्पिह कीतोग़.

बळयिर 23:1

पोलु पंचतगा जमा आतोर तग्वाङ केवालोरिन, कोंडा मिळ्हवा ऊळतोग़, ऊळिसि “मावोरिर, इद ऊळाट, नेंड एवनाहि नना जीवाताहि कसुरलेवप मन्जि, देवुळता मुनेह ताकसोर वायलाह आतन,” इनजोर इतोग़.

बळयिर 23:15

अदिह्‌क मीट इद्रम कीम्ह्‌टु, इंजेक तग्वाङ केवालोरा संगे, सीपय्कना मुक्यान बेस तेळियिह कीसि, इद्रम कबुर लोहाट. ‘माट पोलुन ओसोवने बेस ताल्ह्‌कना मन्ह्‌ता. अदिह्‌क ओन ओसो मयगा लोहचीम,’ इनजोर कबुर लोहाट. ओग़ मियगा एवयनामुनेन, ओन हव्कलाह माट नडुम अग़दे मकिस, तयर आस मनदकोम,” इनजोर इतोर.

बळयिर 23:20

अस्के ओग़ पेकाल इतोग़, “यहुदिराङ पेदल्क जमा आसि, इद्रम विचर कींदुर: नाळि पोलु मामान ओसोवने तग्वाङ केवालोरगा तचि, ओसोवने ओन बेस ताल्ह्‌कना मन्ह्‌ता इनजोर, नियगा अर्जि कीयनुर.

इब्रितोर 6:19

माट आसा तासतल अद पोल्‍लो, रेय वेसवाह मावा जीवातुन तासिह्‌ता; अद बेस्केन देगो, बेस्केन मायो. अद आसा माक देवुळताहि लेसलाह एवो, मति सबेट्क पवित्र गूडटगा मनदनद देवुळतके सीदा ओसीस्ता.