बळयिर 23:21 - माडिया गोंड पवित्र सास्त्रम

²¹ मति निमा ओरा पोल्‍लोतुन विस्वस कीस, मामान ओरगा लोहमा साय्ब. रेंड वीसाह्‌काय एक्‍वा मन्कलोर, पोलुन हव्कवालेवा, गाटो-जावा तिनवल-उनवल, ओन हव्कवालेवा तितेके, देवुळि माक लेट्‌नेन ईयि तेला इनजोर, किरिया कीतोर. अदिनेनाह्‌क ओर मकिस केपिह्‌तोर, इंजेक ओन हव्कलाह तयरे मन्ह्‌तोर. ओन पंचतगा ओम्ह्‌टु इनजोर, निमा उकुम ईयनदिने केपिह्‌तोर,” इनजोर ओग़ पेकाल ओरा पोल्‍लोतुन सीपय्कना मुक्यान वेहतोग़.

बळयिर 23:21 Referans Kwoze

2 कुरिंततोर 11:26

अमेसा नाह्‌क-नाह्‌क तिरियिंदन, अनेके बेरेह्‌क वने ओसोर मताङ, कलेरा रेय मंदु, नावाय यहुदि जाततोर ओसो यहुदि आयवोर मन्कलोर वने, नाक कोटुल कींदुर. सहर्कनगा वने तिपल आंदन, पेळ्ह्‌कल बूमतुह्‌क अनेक वने तिपल आंदन, सम्दुर वेंडिस अनेक वने तिपल आंदन, विस्वसिरोम इनजोर नाळेह केवालोर मन्कलोर वने, नाक तिपल कींदुर.

बळयिर 25:3

पोलुन नडुम अग़दगान हव्कना मता, अदिनेनाह्‌क “मुर्बत कीसि पोलुन केसरियाताहि येरुसलेम लोहचीम, साय्ब” इनजोर, पेस्तुस गुमसिन अर्जि कीतोर.

बळयिर 20:19

यहुदिर नाक हव्कलाह कोहन्दुर, अस्के नाक पका तिपल वाता. मति नना उड्ला बुदते ताकसोरे, कनिर पोहचोरे, येसुना सेवा कीसोर मतन.

बळयिर 23:22

वेहतस्के सीपय्कना मुक्याल इतोग़, “निमा नाक मुनेन इव पोल्‍लोङ वेहतिन, मति ओन वेहतन इनजोर बोने वेहमा बहा” इन्जि, ओग़ पेकान अग्डाह लोहचीतोग़.