बळयिर 22:5 - माडिया गोंड पवित्र सास्त्रम

⁵ नना इद्रम कींदन इनजोर, मोदुल पेर्माल ओसो तग्वाङ केवालोर मीवा मुनेह साक्सि मन्ह्‌तोर. वेरग्डाहे नना दमिस्क सहरतोर, मावोर यहुदिरिह्‌क रासतद सीटि ताल्ह्‌किस, अगा दायलाह पेसिस मतन. अगा येसुना अग़दे अतोर यहुदिरिह्‌क सिक्सा ईयलाहि, ओरिन दोहचि येरुसलेम ततलाह अनजोर मतन.

बळयिर 22:5 Referans Kwoze

लूकाल 22:66

पया इमा दिया सकरि यहुदिराङ पेदल्कु कलियिसि पंच उदतोर; ओरगा पेर्मालोर ओसो सास्त्रमगूरुर मतोर. पंच उदतस्के, येसुन ओरा मुनेह ओतोर.

बळयिर 5:21

अस्के बळयिर देवतुल वेहतपु, पंङवियतस्के मंदिरतगा अतोर, अन्जि मंडानगा निचि, लोकुरिन काग़्हता बोटटोर. ओर काग़्हतह्‌पा, मोदुल पेर्माल, ओना तोळतोर बार बाताल कीतोर इतेके, यहुदिराङ तग्वाङ केवालोरिन, सबेटोर पेदल्किन केयिसि, बळयिरिन जेलताहि तता वेहतोर.

1 तिमोति 4:14

विस्वसिराङ मुक्यालोर नीवा पोग़ोन तमाङ कय्क तासतोर, अह कीसि देवुळि इतद पोल्‍लो वेहचि, नीक ताना कबळतेनाह्‌क निल्पिह कीतोर. अस्के देवुळता जीवाते नीक दोर्कतद बुदतुन माग़्ङमा.

बळयिर 28:21

अस्के ओर मोदुल मन्कलोर इतोर, “मति माक यहुदा पटटोरग्डाहि नीवा लोप्पा बेदे सीटि दोर्को. अग्डाहि वावालोर यहुदिर वने, नीवा लोप्पा बातय कबुर तवोर, ओसो नीवा बेदे कसुर वने वेहोर.

बळयिर 26:12

“अद्रमे उंद देबा, पेर्मालोर नाक दमिस्क सहरते, येसुनाङ विस्वसिरिन पोयतलाह, अन इनजोर वेहचि, अद कबळतुन कीयलाहि अदिकर ईतोर. अस्के नना अनजोर मतन.

बळयिर 26:10

पया नना अद्रमे येरुसलेमतगा कीतन. सामिना वेल्‍लाटोर मन्कलोरिन जेलते वाटलाहि, नना पेर्मालोरग्डाहि अदिकर ताल्ह्‌किस जेलते वाटटन. तग्वाङ केवालोर ओरिन हव्कना सिक्सा ईयह्‌पा, ओरिन हव्काट इनजोर इंदन.

बळयिर 22:1

पोलु इद्रम वेहतोग़, “मावोरिर, पेदल्कनिर! नावा साक्सितुन मीवा मुनेह नना इंजेक वेहतह्‌नन, इदिन केंजाटु.”

बळयिर 13:26

“मावोर इस्रयेलतोरिर, अब्रहम मुय्तोना पुळ्गतोरिर, यहुदिरा देवुळतुन मोळ्कवालोरिर, येसुसामि लोकुरिन पिसिह कीयनद कबुरतुनु, मयगाने देवुळि लोहचीता.

बळयिर 9:14

इगा वने नीक मोळ्कवालोर सबेटोरिन दोहच ओयलाह, पेर्मालोर ओन्क अदिकर ईतोर इन्जि वने केंजतन,” इनजोर ओग़ इतोग़.

बळयिर 4:5

इमा दिया यहुदिराङ पेर्मालोर, सास्त्रमगूरुर, ओसो दुस्रोर पेदल्क येरुसलेम सहरते पंच उदतोर.

बळयिर 1:15

अवे दियाने, उंद दिया येसुन विस्वस कीतोरु, सबेटोर जोक-जोक आरुङ वीसाङ मन्कलोर, अगा जमा आस मतोर. अस्के पत्रु ओरा नडुम निच वेहतलाह आतोग़:

बळयिर 2:29

पत्रु ओसो इतोग़, “मावोरिर! इद पोल्‍लोतुन रासवाल मावा पेदामुय्तोग़ दाविद मुनेन हातोग़. ओनु गुमयातगा मिसतोर, ओन मिसतद गुमया नेंड वने मयगा मन्ह्‌ता इन्जि, नना सेतेम पोल्‍लोते वेहतह्‌नन.(इतेके दाविद इद पाटाते कुद तना लोप्पा वेहोग़).

बळयिर 3:17

“मावोरिर! मीटु, मीवा मुक्यालोर बार कलियिस, (येसुन हव्कनाह कीतिर. मति ओग़ बोग़ आंदोग़ इनजोर) पुनवालेवा अह कीतिर, इद नाक एर्काये.

बळयिर 23:1

पोलु पंचतगा जमा आतोर तग्वाङ केवालोरिन, कोंडा मिळ्हवा ऊळतोग़, ऊळिसि “मावोरिर, इद ऊळाट, नेंड एवनाहि नना जीवाताहि कसुरलेवप मन्जि, देवुळता मुनेह ताकसोर वायलाह आतन,” इनजोर इतोग़.

बळयिर 23:6

अस्के पया इगा जमा आतोरगा, वळ्गा सदुकिरा तुंगातोर, ओसो वळ्गा परुसिरा तुंगातोर मन्ह्‌तोर इनजोर, पोलुह्‌क एर्का आता. सदुकिरा विचर इद्रम मन्ह्‌ता, डोलतोर बेस्केन जीवा अरवोर, ओसो देवतुल्क इलेङ, ओसो हानस्क वने इलेङ इनजोर इन्ह्‌तोर. मति परुसिर बार, इव सबे पोल्‍लोना पोग़ोन आसा कीस्तोर. अदिनेनाह्‌क पोलु बेसे मेग़्किस केयलाह बोटटोग़, “दादालोरिर, नना परुसि मन्कनन! नावा तादोर-बाबोर वने परुसिरे मतोर. मन्जाय, नना डोलतोर वने जीवा अरयह्‌तोर इनजोर, विस्वस कीयनेनाह्‌के, वेर नाक पर्ह्‌किस ऊळिह्‌तोर,” इनजोर इतोग़. पोलु इव पोल्‍लोङ इतस्के, उदतोर तग्वाङ केवालोर रेंड तूस्क आसि, परुसिरा, सदुकिरा नडुम वह्‌चळ पुटटा.

बळयिर 26:11

बेगा बेगा देवुळता पार्तनाताङ लोह्‌क मताङ, अगा बेचानाह किर्स्तुनोर येसुन पास्कोर, अचानाह नना ओरिन पका सिक्सा कींदन. ओसो यहुदिरा बूमतुह्‌क अबर मतव सहर्कनगा वने अन्जि, ओरिन तिपल कींदन, अचोन ओरा पोग़ोन ओङ आंदन.

बळयिर 28:17

मूंड दियाना पया बाताल आता इतेके, पोलु अग्डोर यहुदि मोदुल मन्कलोरिन तनगा केयतोग़, केयिसि इद्रम इतोग़, “मावोरिर, नना मावा यहुदि मन्कलोरिन बाताले केवोन. ओसो मावाङ तादोर-बाबोर वेहताङ अडोन वने देहोन. तेला मति येरुसलेमतगा वेल्‍लाटोर यहुदिर नाक पोसि, रोमि सीपय्कना कयदगा ईतोर.

गलातितोर 1:13

(नाकु मन्कनग्डाहि इद बेसता कबुर दोर्को, मति किर्स्तुनग्डाहे दोर्कता इतेके,) यहुदि जाततोरगा नावा मुनेटा मनमुळता लोप्पा मीट केंजिस मतिर. नना अस्के देवुळता मुडुन पकाय कुळ्सा अंदन. ओरिन बूळे कीयलाह ओरा पेग़्के दल्गिस मंदन. मावा यहुदि रीतरिवजतुन माळलाहि, नावा ऐंगेटोरिह्‌काय वीळिस बेचोनो मुनेह मंदन. इतेके नावाङ मुनेतोर तादोर-बाबोर काग़्हतनाङ उतुर्क कग़यलाहि, नावा पकाय जिदि मंदु, इदिन मीट पुतिर.

पिलिपितोर 3:6

अडोङ नोमलाहि नना इचोन जिदतोनन मतन इतेके, विस्वसिरा मुडुन तिपल कीसोर मंदन. अहे बोर अडोङ नोमिसि सेतेमतोर आयलाह ऊळिंदुर, ओर नावा बेदे तप तोहता पग़वोर.