बळयिर 21:40 - माडिया गोंड पवित्र सास्त्रम

⁴⁰ इतस्के मुक्याल ओना अर्जतुन कबुल आतोग़. पोलु पायरिनगा निचि, केमेन आयलाह ओर लोकुरिन कय तोहतोग़. लोकुर केमेन आतापया, ओग़ ओरा इब्रि पोल्‍लोते वळ्ह्‌क बोटटोग़.

बळयिर 21:40 Referans Kwoze

बळयिर 12:17

अस्के पत्रु, केमेन मन्ह्‌टु इनदलाह कय अहतोग़. अह कीसि, देवुळि नाक बह कीस जेलताहि पलत पेसिह कीता इनजोर, अव सबे पोल्‍लोन ओरिह्‌क वेहतोग़. वेहचि, “याकुबिह्‌क ओसो दुस्रोर विस्वसिरिह्‌क इव पोल्‍लोन वेहचीम्ह्‌टु,” इनजोर वेहचि, अग्डाहि दुस्रा नाटे अतोग़.

बळयिर 26:14

अद वेह्‌च अरतस्के, माट सबेटोरोम नेल देळ्ब अरतोम. अरतस्के नना उंद आल्का इब्रि पोल्‍लोते इद्रम केंजतन इतेके, ‘ए सोलु, निमा नाक बाराह्‌क तिपल कीयलाह आतिन? कोंदा तूतिरतुन लाता ईतेक बेद्रम गडिह्‌ता,(अद्रमलेह्‌का नावा पोल्‍लोतुन अडम आसोर मतेके,) निमान आरेम आयकिन,’ इता.

बळयिर 22:2

इनजोर तमाये इब्रि पोल्‍लोते पोलु वळ्ह्‌कतस्के, लोकुर पूराय मेर्क्ने आतोर.

योहन 5:2

येरुसलेम सहरते गोरे-दर्वजा इनदनद अग़दगा उंदि वेच्‍चा मन्ह्‌ता, तेना पेदिर इब्रि पोल्‍लोते बेतेस्‍दा इनजोर तासतोर. ताना कचुलि एयुङ मंडाङ पंडटव मताङ.

बळयिर 21:35

लोकुर पोलुना पोग़ोन पकाय ओङ आसि, ओना पयाह पयाह वासोर, “ओन हव्ककल रा!” इनजोर केयसोर, ओरा पयाह पयाह वांदुर. अदिह्‌क किलेताङ पायरिङ तग़्ङनेके, सीपय्क पोलुनु कांजिस ओतोर.

बळयिर 19:33

उय्तुर यहुदिर सिकंदर इनवाल मन्कनु निल्पिह कीसि, लोकुरिन वेहतलाह मुडा मुनेह लोहतोर. (अदिह्‌क ओग़े इद कट्ला पुटिह कीस मनदनोग़ इनजोर लोकुर इंदुर.) अस्के जमा आता मुडुन केमेन आयनुर इनजोर, सिकंदर कय तोहतोग़. तोहचि माट यहुदिरोम मीक कट्ला केवोम इनजोर वेहतलाह आतोग़.

तोहचीतव पोल्‍लोङ 9:11

अविस्कना उंद राजाल मता. अद देयमदीपता सिक्सा-बोंदातुन ऊळेवाळे कीयनद देयम मता. इब्रि जाततोरा बासाते, ताना पेदिर अबदोन इनजोर मता, अहे युनानि जाततोरा बासाते अपुलयोन इनजोर मता. (इव रेंड आस पेदिर्कना अर्तमि, “बूळे कीयनद” इनजोर आस्ता.)

बळयिर 13:16

अस्के पोलु तेदिसि, जमा आतोर मन्कलोरिन, केमेन मन्ह्‌टु इनजोर, कय तेहतोग़. पया इद्रम इतोग़, “मावोर इस्रयेलतोर यहुदिरिर, ओसो यहुदिरा देवुळतुन मोळ्कवालोर दुस्राङ जातिनोरिर, केंजाटु.

बळयिर 6:1

अद्रमे पया, येसुन विस्वस कीतोर लोकुर वेल्‍लाय बोल्गसोर अंदुर अस्के, ओरा नडुम इद्रमता कट्ला पुटटा. युनानि पोल्‍लो वळ्ह्‌कवालोर यहुदि विस्वसिर इद्रम इतोर इतेके, दिनम गाटो तूसिह्‌पा मावाङ रांडे आस्किह्‌क बराबर एवोर इन्जि, इब्रि पोल्‍लो वळ्ह्‌कवालोर यहुदि विस्वसिरिन मुयोग़ आंदुर.

योहन 19:20

येसुन वेळ्हतद जागा सहरता एरे मताह्‌कु, पंडुमतुह्‌क वातोरु वेल्‍लाटोर यहुदिर अद बलातुन अर्विंदुर. अदु इब्रि, युनानि ओसो रोमि, इव मूंड बासाने रासतद मता.

योहन 19:17

येसु तना हव्कनागुटातुन कांजिसि, तला-टाप्रा इनदनद जागातगा एवतोग़ (इब्रि पोल्‍लोते अद जागातुन “गुल्गुता” इन्ह्‌तोर).

योहन 19:13

इव पोल्‍लोन केंजिसि, पिलाति येसुन पलत पेहच ततोग़, तचि नेयम कीयनद कुर्सते ओग़ उदतोग़. इद कुर्स गोळा इनदनद जागातगा मता (तान इब्रि पोल्‍लोते “गब्‍बता” इन्ह्‌तोर).

लूकाल 23:38

ओसो “वेग़ यहुदिरा राजाल आंदोग़” इनजोर बलाते रासिसि, ओना तलापोग़ोन गुटातगा वेळ्हच मतोर.

बळयिर 1:19

येरुसलेम सहरतोर सबेटोर लोकुरिह्‌क इद पोल्‍लो एर्का आता. अदिह्‌के अद पोलमतुन ओरा पोल्‍लोते “हकलदमा” इतेके “नेतुरता पोलम” इन्जि, पेदिर तासतोर.)