बळयिर 21:33 - माडिया गोंड पवित्र सास्त्रम

³³ पया मुक्याल वासि पोलुन पोयतोग़. पोसि ओन रेंड गोल्स्कने दोहता वेहतोग़. दोहचि वेग़ बोग़ु, बाताल कीतोग़ इनजोर, लोकुरिन ताल्ह्‌क बोटटोग़.

बळयिर 21:33 Referans Kwoze

बळयिर 21:11

ओग़ मयगा वासि, पोलुना पेटातुन लेहचि, तनाङ कय्किन-काल्किन तनाय दोहतोग़. दोहचि, “बोना इद पेटा आंदु, ओग़ मन्कन येरुसलेमतोर यहुदिर इद्रमे दोहचि,यहुदि आयवोरा कयदगा पोस ईयनुर इनजोर, देवुळता पवित्र जीवा इद्रम इन्ह्‌ता,” इतोग़.

बळयिर 20:23

मति इचोने पुतन: ‘मन्कलोर नीक तिपल कीयनुर ओसो जेलते वाटनुर’ इनजोर, नना तिरियनव सबे सहर्कने, देवुळता जीवा नाक मुनेन वेहचोरेन मन्ह्‌ता.

बळयिर 12:6

(पया पंडुम मारिस इमा दिया,) एरोद राजाल पत्रुन जेलताहि पेसिह कीसि, लोकुरा मुनेह नेयम कीयना मता. अद नग़्का, पत्रुन नडुम कीसि, पत्रुनाङ कय्किन तमाङ कय्कना संगे इके-अके रेंड गोल्स्कने दोहचि, इर्वुर सीपय्क उंजिस मतोर. ओसो जेलता अग़दगा, उय्तुर सीपय्क वने ओना पह्‌रातुह्‌क मतोर.

बळयिर 28:20

मावा इस्रयेल मन्कलोर बोन आसा कीसोर मतोर, ओनाये सेवा कीयनेनाह्‌क, नाक इव गोल्स्कने दोहतोर. इदिनेनाह्‌के इव पोल्‍लोन मीवा संगे कलियिस वेहतलाह, मीक कबुर लोहच मतन,” इनजोर पोलु इतोग़.

बळयिर 22:29

इदिन केंजिसि, ओन ताल्ह्‌कवालोर सीपय्क, चट्‌ने जूतान नेल विळ्सिसीतोर, पया पोलुन इटोर. ओर्वोग़ रोमि मन्कन नना दोहता वेहतन इनजोर, सीपय्कना मुक्याल रेयतोग़.

2 तिमोति 2:9

इदे बेसता कबुरतुन पोकुर कीयनाह्‌क, नना तिपल आयलाह आतन; लाग्वोग़ मन्कन दोहतप लेह्‌कान, नाक दोहचि जेलते वाटटोर. मति देवुळता पोल्‍लोतुन इतेके, बोग़े दोहच तास पग़वोग़.

2 तिमोति 1:16

उनेसिपुरुस इनवाना लोतोरा पोग़ोन, सामिना दया वायि. नना जेलते मनदनदिन ऊळिस, ओग़ लजा आयवा, नाक ऊळलाह वातोग़. ओसो वेल्‍लाङे मल्काङ नाक तोळ ईतोग़.

बळयिर 26:29

इतस्के पोलु इतोग़, “गळ्किह्‌क आयि, वेल्‍लाय जोमतुह्‌क आयि, सिरप निमान आयो, इंजेके इगा नावा पोल्‍लोतुन केंजतोर सबेटोरु, इव गोल्स्कने दोहवप मन्जि, नावा लेह्‌का येसु किर्स्तुना विस्वसिर आयिर इनजोर, देवुळतुन अर्जि कीय्ह्‌नन,” इतोग़.

बळयिर 25:16

ताल्ह्‌कतस्के नना ओरिन इतन, ‘बेचानाह कसुर तोहवालोरा मुनेह, कसुरतोग़ मन्कल निचि, तना कसुरता लोप्पा बयन एवोग़, अचानाह ओन्क सिक्सा ईयना, अद्रमता रोम सर्करता उतुर इले,’ इतन.

बळयिर 22:30

पया इमा दिया यहुदिर पोलुन बाराह्‌क कसुर ओपतोर इनजोर, निटम पुनदलाह, सीपय्कना मुक्याल पेर्मालोरिन, यहुदिराङ तग्वाङ केवालोरिन, जमा आयलाह कबुर लोहतोग़. ओर जमा आतस्के, पोलुन तचि पंचता मुनेह निल्पिह कीतोग़.

पिलिपितोर 1:7

मीट सबेटोरिन इद्रम सीता कीयनद नाक बेस ओप्पिह्‌ता. बह इतेके नना इगा जेलते मनदह्‌पा, मीट सबेटोरिर नावा तोळ आतिर. ओसो किर्स्तुना विरुदतोरिन पोल्‍लो मल्हचि, ओना बेसता कबुर सेतेम मन्ह्‌ता इनजोर करल कीयनद, इद नावा कबळते वने, मीट तोळ आतिर. अदिनेनाह्‌क मीक नना जीवा कीय्ह्‌नन.