बळयिर 21:20 - माडिया गोंड पवित्र सास्त्रम

²⁰ ओरु अद पोल्‍लोतुन केंजिसि, देवुळतुह्‌क मान ईसि, जोहर कीतोर. कीस पोलुन इतोर, “तमो, मावा पोल्‍लो केंजा. इगा बेचोको अजर्क विस्वसते वातोर यहुदिर मन्ह्‌तोर इनजोर पुतिन. ओर सबेटोर मोसानाङ अडोन पका माळिह्‌तोर.

बळयिर 21:20 Referans Kwoze

रोम सहरतोर 10:2

देवुळतुन माळलाहि, ओरा पका जिद मन्ह्‌ता इनजोर, नना ऊळतन. मति ओर देवुळ वेहता अग़दुन पुनोर.

बळयिर 22:3

अस्के पोलु वेहता बोटटोग़, “नना यहुदि मन्कनन, किलिकिया पटटा तरसुस सहरते पुटटोनन, मति इदे येरुसलेम सहरतगान बेर्सतन. इगा गमलियेल गूरुनगा मन्जि कग़यतन. मावाङ तादोर-बाबोराङ अडोङ-उतुर्कना उंद पोल्‍लो वने तपवा, ओग़ नाक काग़्हतोग़. इंजेके मीट सबेटोरिर कीयना लेह्‌का, नना वने देवुळतुन माळलाह पका जिदतोनन मतन.

बळयिर 15:1

अद्रमे पया उंद दिया, उय्तुर यहुदि विस्वसिर, यहुदा पटटाहि(सुरिया पटटकेडा अंताकिया सहरते) वासि, अग्डोर विस्वसिरिन कलियतोर. कलियिसि “मीट मोसानाङ अडोङ वेहतपु डायना रिवज केवेके, देवुळ मीकु पिसिह केवो आयग़ा,” इनजोर काग़्हता बोटटोर.

बळयिर 11:18

पया पत्रुना संगे गिटोगटो आसोर मतोर मन्कलोर, इद पोल्‍लोतुन केंजिसि, केमेन आतोर. आसि ओर इतोर, “पापमता अग़दाहि मल्सि, तना पिसमुळ दोर्किह कीयलाहि, यहुदि आयवोरिह्‌क इंका, देवुळि अग़ ईता,” इनजोर देवुळतुन जोहर कीतोर.

बळयिर 15:5

मति परुसिरा तुंगातग्डाहि, येसुन विस्वस कीतोर अगा मतोर. ओर तेदिस इद्रम इतोर, “यहुदि आयवोरिन डायना रिवज कीया वेहचि, ओरिन मोसानाङ अडोने ताकलाह, उकुम ईयना गावले,” इतोर.

2 तिसलुनितोर 1:10

येसुसामि ओसो मल्स वायनोग़ अस्के, पवित्र लोकुरगा तना डीसातुन तोहतनोग़. ओन विस्वस कीतोर सबेटोरु, ओन बामनाह ऊळनुर. माट ओना लोप्पा वेहतद साक्सितुन, मीट विस्वस कीतिर, अदिनेनाह्‌क मीट वने ओरगा कलियकिर.

बळयिर 15:24

मयग्डोर उय्तुर विस्वसिर मियगा वासि, बाताङ-बाताङो वेहचि, मीक लेसिह कीतप कीतोर, मीक पका तिपल ईतोर इनजोर, माट केंजतोम. मति माट इतेके ओरिन लोहोम आसि.

बळयिर 6:7

अद्रमे पया, देवुळता पोल्‍लो वेल्‍लाय पोकुर आसोर अता.येरुसलेम सहरतगा विस्वसिर वेल्‍लाय बोल्गतोर. अहे यहुदि बूमयालोर वेल्‍लाटोर, येसुन विस्वस कीसि, ओना कबुर केंजलाह आतोर.

बळयिर 4:21

इंजेके देवुळता लावते सव्रेम आतोग़ पुटकूटाल, रेंड वीसाङ वर्साह्‌काय एक्‍वा वय्सतोग़ आंदोग़ इनजोरे, सबेटोर लोकुर देवुळतुन जोहर कींदुर. अदिह्‌के लोकुर माक विरुद आयनुर इन्जि, लोकुरिह्‌क रेयिस तग्वाङ केवालोर ओरिन पका रेय्‍पिह कीस, विळ्सिस ईतोर.

बळयिर 4:4

मति पत्रुनाङ पोल्‍लोङ केंजतोर वेल्‍लाटोर लोकुर येसुन विस्वस कीतोर. अद्रम विस्वस कीतोरु, वेट कोय्तोरे कोनि एयुङ अजर्क मतोर.

बळयिर 2:41

पत्रुना कबुरतुन केंजिस वेल्‍लाटोर विस्वस कीतोर, विस्वस कीसि, येसुना पेदिरते एग़ मीतोर. अद दिया जोक-जोक मूंड अजर्क मन्कलोर विस्वसिरा मुडगा कलियतोर.

योहन 12:24

इह केंजाट, नना सेतेम वेहतह्‌नन, (नावा जीवा) गोह्‌कना विजालेह्‌काडा. विजा नेदगा अरयह्‌ता, मिंजिह्‌ता, अस्के अद मोन्ह्‌टिसि वेल्‍ला पंटा ईस्ता. मति विजा नेदगा अरवेके, अद वग़ये मन्ह्‌ता, पंटा वावो.

लूकाल 15:32

मति वेग़ नीवा तमोग़ डोलिस मतोग़, इंजेक जीवा अरतोग़. लेसिस मतोग़, ओसोवने दोर्कतोग़. अदिनेनाह्‌क माट गिर्दा आयना गावले’ इतोग़,” इनजोर येसु इद्रम पीटो वेहच मारिह कीतोग़.

लूकाल 12:1

अस्के अगा अजर्कनाङ अजर्क लोकुर जमा आतोर. वेल्‍ला गर्दितेनाह्‌क, तमतमाय ओर्विह्‌क-ओर्वोग़ दोबेङ-नूकेङ कीसोर, इके-अके दोबलाह आंदुर. ओरिन ऊळिसि, सबेट्क मुने येसु तनाङ कग़यवालोरिन इतोग़: “परुसिर इतेके ओय्‍पिह कीतद पिंडलेह्‌काडोरु, अदिनेनाह्‌क ओरा सोङतग्डाह उसरते मन्ह्‌टु, (ओरा सोङता बुदि सबेटोरिह्‌क दिसो).

गलातितोर 1:24

केंजिसि, नावा साक्सितुह्‌क देवुळतुन जोहर कींदुर.

मत्याल 9:8

देवुळि मन्कह्‌क इचोटा बेरा अदिकर ईता, तेन ऊळिसि अगा मतोर लोकुर, देवुळतुन रेयिसि तान जोहर कीतोर.