बळयिर 20:33 - माडिया गोंड पवित्र सास्त्रम

³³ ओसो नना बोनाङ वेंडिना, बंगर्कना, गेंदेना बेस्केन लालुस केवोन.

बळयिर 20:33 Referans Kwoze

2 कुरिंततोर 11:9

नना मियगा मतन अस्के, नाक कोताना गर्ज अर्स मताये! मति नना बोनाय पोग़ोन मोता वाटोन. मकिदुनिया पटटाहि वास मतोर विस्वसिर, नावा गर्जतेनाह्‌क पूरा तोळ ईतोर. इचानाह नना मियग्डोग़ बोनाय पोग़ोन मोता वाटोन, इंजेक मुनेह वने अद्रमलेह्‌कान मोता वाटोन.

1 कुरिंततोर 9:12

किर्स्तुनाङ दुस्रोर सेवकिर मीवाङ कोतान तिनदलाह, मावा अदिकर मन्ह्‌ता इन्ह्‌तोर. ओर अद्रम आस्तोर इतेक, ओरिह्‌काय वीळिसि माक पकाय अदिकर मन्ह्‌ता. तेला मति मीवाङ कोताना अग़ ऊळिस मनोम. किर्स्तुना बेसता कबुरतुन नमलाह एग़्कुळ आयनदायो इनजोर, माट सबे तिपल्किन आपिसि, केमेन मह्‌नोम.

1 कुरिंततोर 9:18

पया नावा बूत बातालि? नावा अदिकरतुन पोहचि, किर्स्तुना बेसता कबुरतुन पुनेमते पोकुर कीय्ह्‌नन इन्जि, नाक पोग़यलाह दोर्किह्‌ता. अदे नावा बूति.

2 कुरिंततोर 7:2

अलेट रा! मावा संगे गोत आम्ह्‌टु! माट बोनाय संगे लाग्वाङ केवोम, बोने एळ्होम, बोने नाळेह कीस तिनोम.

1 तिसलुनितोर 2:5

मीक गिर्दा वानाह वेहचि, नाळेह कीयलाहि मियगा वावोम. मावा लालुसतुन मकिह कीसि, मीक नाळेह कीयलाहि वने वावोम, देवुळिये मावा साक्सि मन्ह्‌ता. इदिन मीट वने पुतिर.

1 कुरिंततोर 9:15

(नाक तीहाट इनजोर मीक वेहतलाह,) नाक अदिकर मन्ह्‌ता. मति नना इचानाह बोने अद्रम इनोन. इंजेक मन्कलोर नाक तीहिर इनजोर वने, इव पोल्‍लोङ रासोन.(कोताङ एनवालेवा सामिना कबळ कीतन इनजोर,) नना निटम पोग़यसोर तिरियलाह आतन. बोग़ाय नना पोग़यनद पोल्‍लोतुन मायिह कीयना बद्ला, नना डोलतेक तेला बेसु.

1 पत्रु 5:2

नना मीक वेहतह्‌नन, मीवा नडुम मनदनदु देवुळता गोह्‌डटुन, कोपालोरा लेह्‌का मन्जि, ओरिन बेस ऊळाटु. इद कबळ सारातुह्‌क इनजोर केवा, देवुळता विचर इहे मन्ह्‌ता इन्जि, गिर्दाते कीम्ह्‌टु. मालसोम दोर्कग़ा इन्जि आयो, मति देवुळतुन सेवा कीय्ह्‌नन इन्जि, जीवातग्डाहि गिर्दाते कीम्ह्‌टु.

1 कुरिंततोर 9:4

माट मीवा नडुम सेवा कीताह्‌कु, मावा पिसना-पिसवग़ता जबब्दर मियगा इलेया?

2 कुरिंततोर 11:7

मियग्डाहि कोताङ एनवा, पुनेमते देवुळता बेसता कबुरतुन मियगा पोकुर कीतन; मीट बेरोर आयना इनजोर, नाके उड्लोनन कीतन! इद बह पापम आताया?

3 योहन 1:7

ओर किर्स्तुना सेवातुह्‌क पेसतोर, साय्तातेनाह्‌क ओरु विस्वस केवोरगा अनोर.