बळयिर 20:3 - माडिया गोंड पवित्र सास्त्रम

³ अन्जि अगा मूंड नेलाङ मतोग़. पया सुरिया पटटे दायलाह ओडातगा उदसोर मनेके, यहुदिर ओन हव्कलाह अग़ ऊळिह्‌तोर इनजोर केंजतोग़. केंजतस्के, (सम्दुरता अग़दुन विळ्सिस,) नना मकिदुनिया पटटुह्‌क अन्जि, बूमता अग़दुन पोयतकन इन्जि, विचर कीतोग़.(अस्के मकिदुनियाते नना लूकानन, ओना तोळ मतन.)

बळयिर 20:3 Referans Kwoze

बळयिर 20:19

यहुदिर नाक हव्कलाह कोहन्दुर, अस्के नाक पका तिपल वाता. मति नना उड्ला बुदते ताकसोरे, कनिर पोहचोरे, येसुना सेवा कीसोर मतन.

2 कुरिंततोर 11:26

अमेसा नाह्‌क-नाह्‌क तिरियिंदन, अनेके बेरेह्‌क वने ओसोर मताङ, कलेरा रेय मंदु, नावाय यहुदि जाततोर ओसो यहुदि आयवोर मन्कलोर वने, नाक कोटुल कींदुर. सहर्कनगा वने तिपल आंदन, पेळ्ह्‌कल बूमतुह्‌क अनेक वने तिपल आंदन, सम्दुर वेंडिस अनेक वने तिपल आंदन, विस्वसिरोम इनजोर नाळेह केवालोर मन्कलोर वने, नाक तिपल कींदुर.

बळयिर 25:3

पोलुन नडुम अग़दगान हव्कना मता, अदिनेनाह्‌क “मुर्बत कीसि पोलुन केसरियाताहि येरुसलेम लोहचीम, साय्ब” इनजोर, पेस्तुस गुमसिन अर्जि कीतोर.

गलातितोर 1:21

ताना पया नना सुरिया, किलिकिया, अव पटिनके अतन.

2 कुरिंततोर 1:15

इद्रमे बर्वस कीसि, नयग्डाहि मीक रेंड मल्काङ पाय्दा दोर्कि इनजोर, मुने मियगाने वायलाह विचर कीस मतन.

बळयिर 21:3

अनेक अनेके मावा दावळ बाजे, माकु कुपरुस देसेम दिसता. तान वीळिसि, सुरिया पटटेके मावा ओडातुन पेहतोम, अनेक अनेके अद पटटा सोर सहरते एव्सि, अगा रेगतोम. अगा ओडातोरिह्‌क ओडातगा मतद मादुन रेहतना मता.

बळयिर 19:21

इव पोल्‍लोङ आतापया, पोलु मकिदुनिया पटटे, अकाया पटटे अन्जि, अग्डाह येरुसलेम दाय्ह्‌नन इनजोर, तना विचर कीतोग़. “येरुसलेम अतापया, अग्डाहि रोम सहरते वने नाक दाया पोयग़ा,” इतोग़.

बळयिर 18:18

अद्रमे पया पोलु कुरिंत सहरतोर विस्वसिरा संगे, वेल्‍लाङे दियाङ मतोग़. पया दाय्ह्‌नन इनजोर वेहचि, मुने देवुळतुन किरिया कीस मताह्‌कु, किंक्रिया नाटे अन्जि, तला कोग़ियतोग़. पया पोलुना संगे पिरिस्किलालि ओसो अक्‍विलाल वनेसुरिया पटटे दायलाह, ओडातगा उदतोर.

बळयिर 16:9

ओर अगा मनदह्‌पा, पोलु नग़्का देवुळ तोहतना लेकातुन ऊळतोग़. अद लेकाते मकिदुनिया पटटोग़ ओर्वोग़ मन्कल ओन्क दिसतोग़. ओग़ मन्कल निचि, “इबर दडटेके वासि, मावा मकिदुनिया पटटोर मन्कलोरिन काग़्हा,” इनजोर अर्जि कीतोग़.

मत्याल 4:24

येसुनाङ कीताङ कबस्क पूरा सुरिया पटमेंड आबुर आताङ. अस्के सबे रीतिनाङ रोगह्‌कने ऊटेम आस मतोरु, कुर्मुटटप आतोरु, पटापुटा नोयनद दुकतोरु ओसो देयह्‌क पोयतोरु, कुळ्न्दिल रोगह्‌कनोरु, कय्क-काल्क वाग़तोरु, इद्रम सबे रोगह्‌कनोरिन येसुनके ततोर. ततस्के येसु सबेटोरिन सव्रे कीसीतोग़.

बळयिर 16:12

पया अग्डाहि ताकसोर अन्जि, पिलिपि सहरते एवतोम. अदु मकिदुनिया पटटा मुनेटा जिलाता सहर मता; अगा रोम सहरतोरेनाह्‌क गूळा कीतद आंदु. अद सहरतगा माट उचुक दियाङ मतोम.

बळयिर 20:1

अद्रमे विरुद कीयनद कट्ला रोमता. पया पोलु विस्वसिरिन तनगा केयतोग़. ओर ओनगा वातस्के, ओरिह्‌क दीरा वानाह वेहतोग़. वेहचि, दाय्ह्‌नन इनजोर ओरिन कलियिस, इपिसुस सहरताहि मकिदुनिया पटटे दायलाह बोटटोग़.

बळयिर 20:2

अगा पूरा वेलियतोग़, वेलियसोर अग्डोर विस्वसिरिन, ओरा विस्वस बेर्सलाह वेल्‍लाङे पोल्‍लोङ वेहतोग़. पया अग्डाहि अकाया पटटे अतोग़.