बळयिर 20:24 - माडिया गोंड पवित्र सास्त्रम

²⁴ मति हातेकाय, पिसतेकाय, नावा जीवाता नना पर्वा केवोन. देवुळता दयाता बेसता कबुरतुन पोकुर कीम इनजोर, येसुसामि नाक ईतद सेवातुन मारिह कीयनद, इदे नाक बेसु.

बळयिर 20:24 Referans Kwoze

2 कुरिंततोर 4:1

माक दया कीसि, तना ईतद पूना पोल्‍लोतुन पोकुर कीयनद सेवातुन, देवुळि माक ईता. अदिनेनाह्‌क माट दीरा विळ्सोम.

2 कुरिंततोर 12:10

नाक लाव लेवस्केन, नना किर्स्तुना लावते मेग़्किह्‌नन. अदिनेनाह्‌क नना लाव लेवस्के गोसा आयह्‌पा, मन्कलोर नाक लजा कीयह्‌पा, नाक नल्हतना-कोह्‌कना कीयह्‌पा, तिपल आयह्‌पा, इव सबे पोल्‍लोङ किर्स्तुनेनाह्‌क आयह्‌पा, नना बेस गिर्दा आय्ह्‌नन.

बळयिर 21:13

मति पोलु इतोग़, “मीट इद्रम बाराह्‌क इह्‌निर? मीट सबेटोरिर अळसि, नावा जीवातुन उड्ला केमाटु. नना येसु किर्स्तुनेनाह्‌कु येरुसलेमतगा जेलते मनदकन, अचोने आयो, मति ओनेनाह्‌क डोललाह वने तयरे मह्‌नन,” इनजोर इतोग़.

1 कुरिंततोर 15:58

अदिनेनाह्‌क मावोर गोततोरिर! मीवा विस्वसते इळ्न अरवालेवा, मेग़्किस मन्ह्‌टु. मीट सामिनेनाह्‌क कह्‌टेम कीयनद कबळ उगस अनो इनजोर पुतिर, अदिनेनाह्‌क सामिना कबळते बेर्ससोर अन्ह्‌टु.

रोम सहरतोर 11:6

माट कीतव बेसताङ कबस्किन ऊळिस आयो, मति अद दया कीताह्‌के, तान विस्वस कीयलाहि, उच्वुरिन आचता. मावाङ कबस्किन ऊळिस आचता इतेके, देवुळता पिसमुळ माक कमय कीतप दोर्कालि, ताना दयाता पोल्‍लो आयो आवालि.

बळयिर 14:3

अस्के पोलु, बार्नबस, वेर इर्वुर बळयिर वेल्‍लाङे दियाङ अगान मतोर. येसुसामिना पोग़ोन विस्वस कीसि रेयवालेवा, ओना दयाता पोल्‍लोतुन पोकुर कीसोर मतोर. पोकुर कीनेके, येसु ओरा कयदे तना लावताङ वेल्‍लाङे बामिह कीयनाङ सीनाङ तोहचि, ओर वेहतनाङ पोल्‍लोङ सेतेमे इनजोर तोहतोग़.

1 पत्रु 5:12

नना मीकु इद उड्ला सीटि, नावा तमोग़लेह्‌का मनवाल, कर्तुळ विस्वसि सीलास, वेना साय्ताते रासिस लोहतह्‌नन. मीकु बाताले आयि, देवुळता देय्वा मियगा अमेसा तोळ मन्ह्‌ता इन्जि, मीकु तेळियिह कीयलाहि, ओसो पेग़्के-मुनेह आलिह केवा, मीट विस्वसतुन पोस मन्ह्‌टु इन्जि बुद वेहतलाह, नना इद सीटि रासतन.

गलातितोर 1:1

नना पोलुनन, येसु किर्स्तुना बळयिनन, ननाये इद सीटि रासवानन. नना मन्कना कयदे बळयिनन आयोन, ओसो मन्कना मेटे वने बळयिनन आयोन; मति येसु किर्स्तु, ओसो वेन हामुरताहि तेग़्किह कीतोग़ देवुळबाबाल, वेरे इर्वुर नाकु बळयि आयनोग़ इन्जि तासतोर.

2 कुरिंततोर 5:8

अदिनेनाह्‌क दीरा पोस मह्‌नोमे, मति इद मेंदुलतुन विळ्सिसि, पोग़ोन किर्स्तुनगा मनदनदिन पका विचर कीय्ह्‌नोम, इद मेंदुलते मनदनदिन आयो!

बळयिर 20:32

“इंजेके नना मीकु देवुळता कयदे विळ्सिस ईय्ह्‌नन. ताना दयाता पोल्‍लोतुन सीता कीसोर मन्ह्‌टु. अद्रम सीता कीतेके, अद मीवा विस्वसतुन बेर्सिह कीसोर दायग़ा. ओसो बेद बर्कत देवुळि तना पवित्र लोकुरेनाह्‌क तासतद मन्ह्‌ता, अद बर्कत मीक दोर्कग़ा.

बळयिर 11:23

बार्नबस अगा एवतोग़ अस्के, देवुळि अग्डोर विस्वसिरिह्‌क बेद्रम देय्वा ईता इनजोर, ओग़ ऊळिसि, पका गिर्दा आतोग़. ओग़ इतेके सेतेमतोग़ मन्कल, पका विस्वस केवाल, ओसो देवुळता जीवाते निंदिस मनवाल. “मीवा पूरा जीवाताहि येसुन विळ्सवालेवा निच मन्ह्‌टु” इन्जि, ओर विस्वसिरिन वेहतोग़. पया बार्नबस अगा मनदह्‌पा, वेल्‍लाटोर येसुन विस्वस कीतोर.

पिलिपितोर 2:17

बूमयालोर देवुळतुह्‌क जन्वरता पूरा मोक ईतप लेह्‌का, मीट अगा पिलिपि सहरते, मीवा विस्वसतेनाह्‌कु, तिपल आसोरेन मह्‌निर, अद्रम मीट देवुळतुन माळिह्‌निर. (नाक इगा रोम सहरतेहव्कतेक वने,) नावा नेतुर मीवा मोकतगा वळ्पतप आयग़ा. अदिह्‌क नना बेस गिर्दा आयकन. इंगो! मीवा संगे बेस गिर्दा आयकन.

बळयिर 9:15

इतस्के येसु इतोग़, “आयो, निमा ओनगा अन. बाराह्‌क इतेके, नावा पोल्‍लोतुन यहुदि आयवोर दुस्राङ जातिनोरगा, ओरा राजालोरगा, ओसो इस्रयेल लोकुरगा इतेके यहुदिरगा एव्सिह कीयलाहि, ओग़ नावा आचतोग़ सेवक आंदोग़.

योहन 17:4

बेद कबळ निमा नाक कीयलाह ईतिन, अदिन मारिह कीसि, नना इद बूमतगा नीक मान ईतन.

तोहचीतव पोल्‍लोङ 12:11

गोरेपिलाता नेतुर मावाङ सबे कसुर्किन एडिह कीता इदिन पुन्जि, मावोर विस्वसिर मासुंडता कसुर ओपतदिन रेयोर. माट येसुनोरोम इन्जि साक्सि ईताह्‌कु, हामुर वायग़ा इन्जि पुतोर, पुन्जाय मति ओर तमा जीवाता पर्वा केवोर. इद्रमलेह्‌का ओर मासुंडतुन आरे कीतोर.

1 योहन 3:16

येसुसामि मयेनाह्‌क तना जीवा ईतोग़. अस्केडाहिये जीवा कीयनद पोल्‍लोतुन माट पुतल. अदिनेनाह्‌क माट वने मावा ऐंगेटोर विस्वसिरासाटि गर्ज अरतेके, जीवा वने ईयलाह तयर मनदना गावले.

2 तिमोति 1:12

अदिनेनाह्‌क नाकु इव तिपल्क वाताङ, वातेक तेला नना लजा आयोन. बाराह्‌क इतेके, नना बोन विस्वस कीतन इनजोर पुतन. (नना देवुळतुन विस्वस कीतन,) नना ताना कयदे तासिसीतद नावा जीवातुन, अदु किर्स्तु मल्स वायनद दिया एवनाह, राका कीस तास पग़यह्‌ता इनजोर, बेस-नेह्‌ना पुतन.

कुलुसितोर 1:24

माट विस्वसिरा मुलु, किर्स्तुना मेंदुलता लेह्‌कान मह्‌नल. तना मेंदुलतेनाह्‌कु, किर्स्तुना तिपल इंका मारोये, ओना तिपलते नना वने कलियिह्‌नन. अदिनेनाह्‌क नावा मेंदुदगा तिपल आतेक तेला, गिर्दातेन मह्‌नन.

इपिसुसतोर 3:13

अदिनेनाह्‌क नना जेलतगा मियेनाह्‌क सिक्सा आयनदिन ऊळिस, मीट आरेम आयमाटु इनजोर, मीक वेहतह्‌नन. (किर्स्तुनगा मनदनद बर्कततुन, मीट यहुदि आयवोरगा एव्सिह कीताह्‌के, नाक इद्रम आता इतेके,) नावा तिपलतेनाह्‌क वने, मीवाय पाय्दा आस्ता.

2 कुरिंततोर 7:4

मकिदुनिया पटटे एव्स मतोम अस्के, माक मुर्तिय आरम दोर्को आसि. मावा सर्ने तिपल्के मताङ. मन्कलोर माक जग्ळम कींदुर. मावा जीवा वने पका रेयिस मता. मति मेसेह्‌ने मनवालोरा जीवातुन सितुर कीयनद देवुळि, तीतुसिन मयगा लोहचि, मावा जीवातुन सितुर कीसीता. सिरप ओग़ वाताह्‌के आयो, मति ओग़ मियग्डा कबुर वने ततोग़. मीट ओना जीवातुन सितुर कीसीतिर. नाक ऊळलाह पकाय मीवा जीवा पर्ह्‌किह्‌ता; ओसो मीट गल्ति कीताह्‌कु, आलिह कीय्ह्‌निर; अहे नावा संगे गूनम आयलाह, पकाय मीवा जीवा पर्ह्‌किह्‌ता इनजोर वने वेहतोग़. मीट माक जीवा कीतिर इनजोर नना पुताह्‌कु, बाताले मकिह केवालेवा, वेहतलाह आतन. मीवा लोप्पा नना पोग़यिह्‌नन. मीट नावा जीवातुन सितुर कीतिर. माट पकाय तिपल आतेक तेला, नना ओसोय गिर्दाते मह्‌नन.

इब्रितोर 10:34

विस्वसतेनाह्‌क जेलते मतोरा दुकमते, मीट वने कलियतिर. मीक पोग़ोन देवुळतगा बेचोन बेसतल, बेस्केन बूळेम आयवद मालसोम दोर्किह्‌ता इनजोर पुन्ज मतिर. अदिनेनाह्‌क मन्कलोर मीक विरुद कीसि, मीवा सामनतुन ऊंदिस ओयनस्के, मीवा गिर्दातुन ऊंद पग़वोर.

तीतुस 2:11

सबेटोर मन्कलोरिन पापमताहि पिसिह कीयलाहि, देवुळि तना दयातुन पुन्पिह कीयलाह आता.

2 तिमोति 4:17

मति येसुसामि नावा संगे निचि, नाक लाव ईतोग़. बह इतेके नावा नेयम कीयनगा, यहुदि आयवोर सबेटोर केंजनाह, नावा मेटे बेसता कबुर पूरा पोकुर आयना इनजोरे. (ओसो नेयम केवाल बेरोग़ साय्बाल, नाक हामुरता सिक्सा ईस मनेग़,) मति सामि नाक तोळ आताह्‌कु, नना पिसतन.

बळयिर 22:21

मति येसु इतोग़, ‘आयो, यहुदि आयवोरिन नावा पोल्‍लोतुन वेहतलाह नना नीक जेक-जेक लोहतह्‌नन, इग्डाहि अन!’ इतोग़.”

1 तिसलुनितोर 2:2

मीवा सहरते वावस्के, पिलिपि सहरतगा पकाय तिपल आतोम. अग्डोर मन्कलोर माक बेद्रम उस्कतोर-पास्कतोर, इद मीट पुतिरे. अद्रमलेह्‌का मियग्डोर लोकुर वने माक पकाय विरुद कीसाय मति, देवुळता बेसता कबुरतुन मीक वेहतलाहि, दीरा पोस मतोम; मावा देवुळि माक दीरा ईस मता.

बळयिर 20:21

पापमता अग़दाहि जर मल्सि, देवुळता पोल्‍लो केंजिसि, मावा येसुसामिन विस्वस कीयना इनजोर, यहुदिरिह्‌क ओसो युनानिरिह्‌क वेहतन.

इपिसुसतोर 1:6

ताना जीवा कीतोग़ मग़ि किर्स्तुना लोकुरल माट आताह्‌कु, अद मावा पोग़ोन लेकालेवा दया कीता. माट तान मान ईसि जोहर कीयना इनजोर, माक अद्रम दया कीता.

2 तिमोति 3:11

पिसिदिया एरियाता अंताकिया सहरतगा, इकुनियुम सहरतगा, लुस्त्रा सहरतगा, मन्कलोर नाक तिपल कीतदिन, नना सिक्सा आतदिन, मन्कलोर नाक बेद्रमताङ तिपल्क ईतोर, इव तिपल्किन नना आपतदिन वने पुतिन. सामि नाक तोळ आताह्‌कु, नना अव सबे तिपल्कनाहि पिसतन.

रोम सहरतोर 4:4

इंजेके कबळतुह्‌क अनवाह्‌कु, दोर्कनव कोतानु कूलि इन्ह्‌तोर. दर्मम कोताङ दोर्कताङ इनजोर इनोर. ओग़ कबळ कीताह्‌के, अव कोताङ ओन्क दोर्कताङ.

योहन 15:27

ओसो मीट वने नना बोनन आंदन इन्जि वेहतकिर. बाराह्‌क इतेके बेस्के नना काग़्हता बोटटन, अस्केडाहि मीट नावा संगे मंदिर.

लूकाल 16:28

बाराह्‌क इतेके नाक एयवुर तमोर मन्ह्‌तोर, (ओर नावा लेह्‌का पापि बुदते मनमाकिर इनजोर,) ओरिन अन्ज वेहतेके, नना पका तिपल आय्ह्‌नन इद जागातगा, ओर वावोर आयनुर,’ इनजोर इतोग़.

बळयिर 13:25

योहन तना कबळतुन मारिह कीयनद वेला एवयह्‌पा, मन्कलोरिन इद्रम इंदोग़, ‘नना बोनन इन्जि मीट विचर कीतिर? (मीट बोन केपतिर,) ओग़ नना आयोन, ओग़ पया वायनोग़. नना ओना कादुन इटलाह वने ओप्पोन,’ इंदोग़.

बळयिर 15:7

अस्के वेल्‍लाय जोम, पोल्‍लोने ईनाह-आनाह गिटोगटो आतोर. पया पत्रु तेदिसि इद्रम इतोग़, “मावोरिर वेल्‍लाङे दियाङ मुने, देवुळि नावा तोडटे यहुदि आयवोर बेसता कबुरतुन केंजिसि, येसुन विस्वस कीयिर इनजोर, मयग्डाहि नाक आचता, इदिन मीट पुतिरे.

बळयिर 18:5

पया सीलासि, तिमोति, मकिदुनिया पटटाहि कुरिंत सहरते वातोर. ओर वातापया, पोलु (तना टमिना कबळतुन विळ्सिस,) देवुळता पोल्‍लोतुन दिनमे पोकुर कींदोग़. सास्त्रम वेहतपु, देवुळि बोग़ पिसिह केवान लोहतना मता, ओग़ येसुये आंदोग़ इनजोर, यहुदिरगा साक्सि वेहन्दोग़.

बळयिर 20:23

मति इचोने पुतन: ‘मन्कलोर नीक तिपल कीयनुर ओसो जेलते वाटनुर’ इनजोर, नना तिरियनव सबे सहर्कने, देवुळता जीवा नाक मुनेन वेहचोरेन मन्ह्‌ता.

तोहचीतव पोल्‍लोङ 6:11

अस्के अव उंद-उंदतुह्‌क, पांड्रि गेंदे केग़यलाह दोर्कता. पया देवुळि अविस्किन इता, “मीवा ऐंगेटोर विस्वसिर बूमतगा नाक माळिह्‌तोर. ओरिन वने मीक हव्कतप लेह्‌कान, हव्कना मन्ह्‌ता. बेच्वुर डोलना इनजोर नना विचर कीस तासतन, अच्वुर डोलनाह, मीट वने गळ्क केपिस मन्ह्‌टु,” इनजोर इता.

2 कुरिंततोर 4:12

इद्रम मीक बेसता कबुरतुन पोकुर कीयनाह्‌कु, माक हामुरता दोका मन्ह्‌ता. मति अद कबुर मियगा एवताह्‌कु, मीक देवुळ ईयनद पिसमुळ मन्ह्‌ता.