बळयिर 19:2 - माडिया गोंड पवित्र सास्त्रम

² कलियतस्के ओरिन ताल्ह्‌कतोग़, “मीट येसुन विस्वस कीतिर अस्के, मीवा पोग़ोन देवुळता पवित्र जीवा रेगताया?” इतोग़. इतस्के ओर इतोर, “पवित्र जीवा इतेके बातालि, इद पोल्‍लो माट बेस्कन केंजोम!” इतोर.

बळयिर 19:2 Referans Kwoze

गलातितोर 3:5

इतेके देवुळि तना पवित्र जीवा मीक ईस्ता, मियेनाह्‌कु बामिह कीयनाङ कबस्क कीस्ता बहु? मीट अडोन माळताह्‌कु कीस्ताया, बार किर्स्तुनाङ केंजिसि, विस्वस तासताह्‌कु कीस्ताया?

योहन 7:39

येसुन नमवालोरिह्‌क देवुळता जीवा दोर्कना मता, अदे जीवाता लोप्पा येसु इद पोल्‍लो वळ्ह्‌कतोग़. (येसु हातोग़, तेग़्कतोग़, पया देवुळतके मल्स अतोग़, अस्के) ओन्क देवुळताहि मान दोर्कता.(दोर्कतस्के ओग़ पवित्र जीवातुन बूमते लोहचीतोग़.) मति अद कगो इंका एववाय मता, अदिह्‌के पवित्र जीवा बोनगान रेगवाय मता, इनजोर इह वळ्ह्‌कतोग़.

बळयिर 19:5

वेहतस्के पया, ओर येसु किर्स्तुना पेदिरते एग़ मीतोर.

बळयिर 10:44

पत्रु इव पोल्‍लोङ वेहतह्‌पा, ओनाङ पोल्‍लोन केंजवालोर सबेटोरा पोग़ोन पवित्र जीवा रेगता.

बळयिर 2:17

ओग़ इद्रम रासतोग़: देवुळि इन्ह्‌ता, ‘आक्रिताङ दियाने नना नावा जीवातुन कतमतोरा पोग़ोन उदिह कीकन. अस्के मीवाङ मग़्क-मयास्‍क वने नावा कबुर वेहतनुर. मियग्डोर लेया मन्कलोर नना तोहतनद लेकातुन ऊळनुर. मुय्तो मन्कलोर बार नना ईतव कलाङ कळ्स्कनुर.

रोम सहरतोर 1:11

बाराह्‌क इतेके, नावा सेवाता मेटे, मीकु देवुळता जीवाताहि बुद दोर्किसि, मीवा विस्वस बेस मेग़्कना इन्जि, नना मियगा वायलाह ऊळिह्‌नन.