बळयिर 18:4 - माडिया गोंड पवित्र सास्त्रम

⁴ ओसो वारम-वारमता पोल्वादियाते देवुळता पार्तनाता लोन अंदोग़. अगा यहुदिरिह्‌क, युनानिरिह्‌क, यहुदिरा सास्त्रमतुन अर्विसि, येसुना पोल्‍लोतुन तेळियिह कीस वेहन्दोग़.

बळयिर 18:4 Referans Kwoze

2 कुरिंततोर 5:11

अदिनेनाह्‌क सामिह्‌क रेयिस पिसनदिन पुतोम. पुताह्‌कु, मावा पोल्‍लोतुन विस्वस कीम्ह्‌टु इनजोर, मन्कलोरिन तेळियिह कीय्ह्‌नोम. मावाङ विचर्क देवुळतुह्‌क पोळ्क्ने दिसिह्‌ताङ! मीवा जीवातुह्‌क वने, मावाङ विचर्क पोळ्क्ने दिसिस मनदनुङ इन्जि, नना आसा कीतन.

बळयिर 28:23

पया ओरु पलाना दिया नियगा केंजलाह माट वायकोम इनजोर, वेहच अतोर. अद्रमे पया अद वेहच मतद दियाते, वेल्‍लाटोर यहुदिर ओना लोन वातोर. वातस्के पोलु सकरताहि नुल्पे आनाहि, ओरिन देवुळि बेद्रम मन्कलोरगा राजेम कीयलाह आता, अदिन वेहतोग़. अद्रमे मोसानाङ अडोना सास्त्रमते, ओसो देवुळता कबुरतोरा सास्त्रमते रासतपु, येसुये (देवुळ लोहतोग़ किर्स्तु राजाल आंदोग़, ओने विस्वस कीयना इनजोर,) साक्सि वेहतोग़. इद्रमलेह्‌का पोलु ओरिन येसुना कबुर तेळियिह कीस वेहतोग़.

बळयिर 17:17

अदिह्‌क यहुदिरा पार्तनाता लोन अन्जि, अगा यहुदिर ओसो देवुळतुन मोळ्कवालोर युनानिरा संगे, देवुळता पोल्‍लोतुन वेहतलाह आतोग़. ओसो दिनम बजरतगा अन्जि, ओन्क कलियवालोरा संगे, देवुळता पोल्‍लोतुन वेहन्दोग़.

बळयिर 26:28

अस्के अग्रिपा राजाल पोलुन इतोग़, “गळ्किह्‌के नाक किर्स्तुना विस्वसि कीयलाहि ऊळिह्‌निन अय?”

बळयिर 19:26

मति इंजेके वेग़ पोलु बाताल कीयलाह आतोग़, अदिन मीट इतेके ऊळसोरेन-केंजसोरेन मह्‌निर. कयदे पंडटव पेन्कु बाताङ इलेङ, उगसताङे मन्ह्‌ताङ इनजोर, लोकुरिन वेहता बोटटोग़. अह इनजोर सिरप इपिसुस सहरतगान आयो, मति मावा आसिया पटटोर वेल्‍लाटोर मन्कलोरिन, तना पोल्‍लोतुन विस्वस कीयनाह वेहतोग़.

बळयिर 19:8

अद्रमे पया मूंड नेलाङ आनाहि, पोलु देवुळता पार्तनाता लोन अंदोग़. अन्जि, अग्डोर यहुदिरा संगे, देवुळि मन्कलोरगा राजेम कीयनद पोल्‍लोतुन, रेयवालेवा दीराते तेळियिह कीसि वेहन्दोग़.

बळयिर 18:13

“वेग़ मन्कल देवुळतुन बेद्रम मोळ्कना इनजोर, मन्कलोरिन काग़्हता बोटटोग़, मति वेग़ वेहतनाङ पोल्‍लोङ काय्दाता अडम मन्ह्‌ताङ,” इतोर.

बळयिर 17:11

बिरिया सहरतोर यहुदिर, तिसलुनि सहरतोर यहुदिरा लेह्‌काडोर कैंगम बुदतोर आयोर. अदिनेनाह्‌क पोलु वेहतद पोल्‍लोतुन, बेस केव वाटिस केंजिदुर. ओसो इव पोल्‍लोङ निटमेया-जोलिया इनजोर, दिनमे पोलु वेहतदिन, सास्त्रमतगा पर्ह्‌किस ऊळिंदुर.

बळयिर 13:14

पया पोलु, बार्नबस, पिरगा सहरताहि पिसिदिया एरियाता उंद सहरते एवतोर; अद सहरता पेदिर वने अंताकिया आंदु. वारमता पोल्वादियाते, देवुळता पार्तनाता लोतगा अन्जि, अग्डोरा संगे मोळ्कलाह उदतोर.

लूकाल 16:31

अस्के अब्रहम ओन इतोग़, ‘मोसाल रासतव अडोना, ओसो दुस्रोर देवुळता कबुरतोराङ पुस्तकिना पोल्‍लोतुन केंजोर इतेके, डोलतोग़ मन्कल जीवा अर्सि, ओरिन वेहतलाह अतेक वने, ओर केंजोर आयनुर,’ इनजोर इतोग़.”

लूकाल 4:16

अद्रमे पया येसु तना नासरेत नाग़ अतोग़. अन्जि वारमता पोल्वादियाते तना अल्वट मतपु, अग्डा पार्तनाता लोन अतोग़. अन्जि देवुळता सास्त्रम अर्वलाह नितोग़.

योहन 7:35

यहुदिराङ पेदल्क तमतमाय वळ्‍ह्‌कलातोर, “माट पर्ह्‌कतेकाय दोर्कवाह, वेग़ बेगा दायनोग़, रा? दुस्राङ देसेह्‌कने बिरोबटो आस मनवालोर मावा लोकुरिन, काग़्हतनोग़ा, दुस्रा जाततोरिन वने काग़्हतनोग़ा?

बळयिर 9:20

अगा मनेके, सोलु यहुदिरा पार्तनाताङ लोह्‌कनगा अन्जि, येसुये देवुळता मग़ि इन्जि, पोकुर कीया बोटटोग़.

बळयिर 14:1

इकुनियुम सहरतगा इद्रम आता इतेके, पोलु, बार्नबस, मुनेता लेह्‌का यहुदिरा पार्तनाता लोन अतोर. अगा वेल्‍लाटोरा जीवातगा गडनाह, येसुना बेसता कबुरतुन वेहतोर. अदिह्‌क यहुदिर ओसो दुस्राङ जातिनोर वेल्‍लाटोरे लोकुर, येसुन विस्वस कीतोर.

बळयिर 18:19

उदिसि आसिया पटटा इपिसुस सहरते रेगतोर. रेगतापया ओर आळ इर्वुर उंद अग़दे अतोर. पोलु बार देवुळता पार्तनाता लोन अतोग़, अन्जि यहुदिरिह्‌क येसुनाङ पोल्‍लोङ वेहतोग़.