बळयिर 18:3 - माडिया गोंड पवित्र सास्त्रम

³ ओर आळ इर्वुर टमिङ पंडिस वमना दंदा कींदुर. पोलु वने टमिङ पंडिंदोग़, अदिह्‌क ओग़ वने ओरगा मन्जि, अद कबळ कींदोग़.

बळयिर 18:3 Referans Kwoze

1 तिसलुनितोर 2:9

मावोर विस्वसिरिर! मियगा मनदह्‌पा, माट बेद्रम एपुर पेसनाह कह्‌टेम कीतोम, इदिन मीट सीता कीय्ह्‌निर! मियग्डाहि बोनगाने माट ताल्ह्‌किस तिनदनद आयो इन्जि, नग़्का पिळ्‍विळ पियल-पोळ्‍दु, कबळ कीस तितोम! अद्रम मनजोरे मीक देवुळता बेसता कबुरतुन पोकुर कीतोम.

1 कुरिंततोर 4:12

मावाङे कय्कने कबळ कीस पिसिह्‌नोम. मन्कलोर माक पळ्मिङ ईस्तोर, मति माट ओरिन देवुळि मीक बर्कत ईयि इनजोर वेहतह्‌नोम. माक तिपल कीस्तोर, मति माट केमेन मन्जि आपिह्‌नोम.

2 कुरिंततोर 11:9

नना मियगा मतन अस्के, नाक कोताना गर्ज अर्स मताये! मति नना बोनाय पोग़ोन मोता वाटोन. मकिदुनिया पटटाहि वास मतोर विस्वसिर, नावा गर्जतेनाह्‌क पूरा तोळ ईतोर. इचानाह नना मियग्डोग़ बोनाय पोग़ोन मोता वाटोन, इंजेक मुनेह वने अद्रमलेह्‌कान मोता वाटोन.

2 कुरिंततोर 12:13

इचोन कबळ मियगा आता. नना मियगा बाताल कबळ विळ्सतन? बेदिना लोप्पा, दुस्रोर विस्वसिरा मुडुह्‌काय कमि आतिर? सिरप उंदिय विळ्सतन! मियगा मोता अरवा मतन! इदे तप आता अय? अले नावा तपतुन मापि कीम्ह्‌टु!

2 कुरिंततोर 11:7

मियग्डाहि कोताङ एनवा, पुनेमते देवुळता बेसता कबुरतुन मियगा पोकुर कीतन; मीट बेरोर आयना इनजोर, नाके उड्लोनन कीतन! इद बह पापम आताया?

1 कुरिंततोर 9:14

अद्रमलेह्‌काने किर्स्तुना बेसता कबुरतुन पोकुर केवालोरिह्‌क, अद कबुरतुन केंजिसि विस्वस केवालोर तीहतना इनजोर, सामिना उकुम मन्ह्‌ता.

1 कुरिंततोर 9:15

(नाक तीहाट इनजोर मीक वेहतलाह,) नाक अदिकर मन्ह्‌ता. मति नना इचानाह बोने अद्रम इनोन. इंजेक मन्कलोर नाक तीहिर इनजोर वने, इव पोल्‍लोङ रासोन.(कोताङ एनवालेवा सामिना कबळ कीतन इनजोर,) नना निटम पोग़यसोर तिरियलाह आतन. बोग़ाय नना पोग़यनद पोल्‍लोतुन मायिह कीयना बद्ला, नना डोलतेक तेला बेसु.

1 कुरिंततोर 9:18

पया नावा बूत बातालि? नावा अदिकरतुन पोहचि, किर्स्तुना बेसता कबुरतुन पुनेमते पोकुर कीय्ह्‌नन इन्जि, नाक पोग़यलाह दोर्किह्‌ता. अदे नावा बूति.

1 तिसलुनितोर 4:11

माट मीवा संगे मनदह्‌पा, मीक उकुम ईतप लेह्‌कान, दुस्रोरिह्‌क तिपल एवा, आपुना-आपुना कबळ-कामतुन ऊळाटु, लंडा आयवा कह्‌टेम कीम्ह्‌टु.