बळयिर 18:23 - माडिया गोंड पवित्र सास्त्रम

²³ अगा उचुक दियाङ मन्जि, ओसोवने पेसिस, गलाति पटटा पुरुगिया एरियातोर विस्वसिरिह्‌क दीरा ईसोर तिरियतोग़.

बळयिर 18:23 Referans Kwoze

बळयिर 14:22

(ओर बेद-बेद सहरते मलतोर,) अग्डोर विस्वसिरिन “बेचोन तिपल वातेक तेला, येसुन विळ्सवा विस्वसते मन्ह्‌टु. देवुळदीपता राजेमते दायनामुने, माकु ऊक-ऊके विरुदतुन आप पोयग़ाये” इनजोर, पका विस्वस कीयलाह वेहचि, ओरिह्‌क दीरा ईतोर.

बळयिर 16:6

पया वेर मुवुर सेवकिर, देवुळता पोल्‍लोतुन पोकुर कीयलाह, आसिया पटटे दायलाह ऊळतोर. मति देवुळता पवित्र जीवा ओरिन अगा दाया एवो. अदिह्‌क ओर अके अनवा, गलाति पटटा पुरुगिया एरियाते अतोर.

बळयिर 15:41

पया पोलु, सीलासिना संगे पूरा सुरिया पटटे, किलिकिया पटटे तिरियतोग़. बेद-बेद नाग़ अंदुर, अग्डोर विस्वसिरा मुडा विस्वसतुन मेग़्किह कीसोर अंदुर.

बळयिर 15:32

यहुदाल, सीलासि देवुळता कबुरतोर मताह्‌कु, ओर वने विस्वसिरिन वेल्‍लाङे पोल्‍लोङ वेहतोर. वेहचि ओरा जीवातुह्‌क दीरा ईसि, ओरा विस्वसतुन बेर्सिह कीतोर.

1 तिसलुनितोर 5:14

मावोर विस्वसिरिर! ओसो उंद पोल्‍लो वेहतह्‌नन: कबळतुह्‌क लंडालोरिन बुदि काग़्हाटु, आरेम आतोरा जीवातुह्‌क दीरा ईम्ह्‌टु, विस्वसते मेग़्कवोरिह्‌क तोळ ईम्ह्‌टु, सबेटोर मन्कलोरा संगे ओङ आयवा मन्ह्‌टु.

गलातितोर 4:14

अस्के नावा दुकतेनाह्‌क, मीकु तिपल आस तेला, मीट नाक सेट्बेट ऊळविर. मति लोन देवतुल वातपे, नाकु बेस ऊळतिर, किर्स्तु येसु कुदि लोन वातपे ऊळतिर.

1 कुरिंततोर 16:1

कोताङ अर्हतनद पोल्‍लोतुन ताल्ह्‌किस मतिर, अदिन वेहतह्‌नन: येरुसलेम सहरतोर देवुळता मन्कलोरेनाह्‌क, कोताङ अर्हतनद पोल्‍लोता लोप्पा, गलाति पटटोरविस्वसिरा मुडुन नना बह वेहतन, अद्रम मीट वने कीम्ह्‌टु.

1 तिसलुनितोर 4:18

इव पोल्‍लोङ वेहचि पया, ओर्विह्‌क-ओर्वोग़ दीरा ईसोर मन्ह्‌टु.

1 तिसलुनितोर 3:2

मावा तोळतोग़ तिमोतिन मियगा लोहतलाह विचर कीतोम. ओग़ किर्स्तुना बेसता कबुर पोकुर कीयनद कबळते, मावा ऐंगेटोग़ देवुळता सेवा केवाल आंदोग़; इंजेके किर्स्तुनेनाह्‌क वायनव तिपल्कनेनाह्‌कु, बोग़े पेग़्के-मुनेह आयमाकेग़ इनजोर, मीवा विस्वसतुन मेग़्किह कीसीयलाह, मीवा जीवातुन सितुर कीसीयलाह, ओन लोहतोम. माट विस्वसिरल किर्स्तुनेनाह्‌क तिपल आयना इन्जि, देवुळता विचर मन्ह्‌ता इनजोर, मीट पुतिरे.

गलातितोर 1:2

मीट गलाति पटटे मनवालोर किर्स्तुना मुडोरिर, मीके इद सीटि रासिह्‌नन, इगा मनवालोर विस्वसिरा संगे ऐंगेन कलियिस, इद सीटि रासिस लोहतह्‌नन.

बळयिर 16:40

पया पोलु, सीलास लुदियाना लोन अतोर. अन्जि अगा विस्वसिरिन कलियतोर. येसुसामिन विळ्सवालेवा विस्वस कीसोर मन्ह्‌टु इनजोर, ओरिह्‌क दीरा ईसि, पिलिपि सहरताहि पेसिस अतोर.

लूकाल 22:43

अस्के पोग़ोटाहि उंद देवतुल अगा वासि ओन्क लाव ईंदु.

लूकाल 22:32

अदिह्‌क निमा विस्वसतुन विळ्सना आयो इनजोर, नना नियेनाह्‌क पार्तना कीतन. मति निमा ओसोवने विस्वसते मलतस्के, नीवा गोततोरा विस्वसतुन बेर्सिह कीसीम,” इनजोर वेहतोग़.

बळयिर 19:1

अद्रमे अपुलोस अकाया पटटा कुरिंत सहरतगा मनदह्‌पा, पोलु गलाति पटटाहि पेसिस वानेके, इपिसुस सहरते एवतोग़. एवतस्के अगा ओन्क उच्वुर विस्वसिर कलियतोर.

गलातितोर 1:9

माट मुने मीक वेहच मतोम, इंजेक ओसो नना सीता कीसीय्ह्‌नन, बेस केंजाटु. मीट मुने नमतद बेसता कबुरतुन विळ्सिसि, अलगता कबुर मीक बोर वेहतह्‌तोर, ओरिन देवुळि बूळे कीयि.