बळयिर 17:30 - माडिया गोंड पवित्र सास्त्रम

³⁰ लोकुर देवुळतुन पुनवालेवा मताह्‌कु, अद कालमतस्के देवुळि ओरा पापमता नेयम केवो. मति इंजेके दुनियामेटोर कतमतोर पापमता अग़दुन विळ्सिसि तानक्‍के वायना इनजोर, उकुम ईता.

बळयिर 17:30 Referans Kwoze

बळयिर 14:16

देवुळि मुने, मीट यहुदि आयवोर दुस्राङ जातिनोरिह्‌क, विचर वातविन मोळ्कलाह ईस मता.

लूकाल 24:47

अदिनेनाह्‌क पापमता मापि दोर्कना इतेके, पापमता अग़दाहि मलयना. इद कबुरतुन किर्स्तुना अदिकरते येरुसलेमतग्डाह सुरु कीसि, पूरा बूममेंड पोकुर केमुळ आयग़ा.

1 पत्रु 4:3

मुने मीटु देवुळतुन पुनवोरिर मतिर अस्के, लाग्वा विचरते तिरियताह्‌कु, गोचुर आयना, सिंड्रि-साट्याल आयना, कल लोटि आयना, वेल्‍लाटोर कलियिसि कडा रिमाते विचर वातप कीयना, बोमान मोळ्कना, इद्रमताङ मीट कींदिर. मीट मुने अह कीताङ दियाङ मारताङ, इंजेटाहि अद्रमताङ केमाटु.

रोम सहरतोर 3:25

मन्कलोर तना संगे गूनम आयना इनजोर देवुळि, येसुनु मावा पापमता सिक्सातेनाह्‌क मोक आयलाह, निल्पिह कीता. येसु तना जीवा ईसि, नेतुर पोहतोग़ इन्जि, माट विस्वस कीताह्‌कु, देवुळि माक सेतेमतोर इन्ह्‌ता. येसु वायनामुने, मन्कलोरिह्‌क ओरा पापमता सिक्सा देवुळि एवो. बाराह्‌क इतेके, पया येसु ओरा पापमतेनाह्‌कु, मोक अरयनोग़ इनजोर पुन्जि, देवुळि केपिंदु. इद्रमि, देवुळि सेतेमता मन्ह्‌ता, अहे येसुन विस्वस केवालोरिन, सेतेमतोर कीयनद मन्ह्‌ता इनजोर, माट इंजेक पुह्‌नल.

बळयिर 3:19

अदिह्‌क इंजेके मीट पापमता अग़दाहि मिळ्न्दिसि देवुळतके मल्म्ह्‌टु, अस्के देवुळि मीवा पापमतुन एडिह कीयग़ा. एडिह कीसि अद मीवा जीवातुह्‌क आरम ईयग़ा.

रोम सहरतोर 2:4

देवुळि नीक बेचोन गूनम तोहतह्‌ता, उंदिय देबा नीक सिक्सा एवो, मति निमा तानेके मिळ्न्दलाहि, अद नीक केपिह्‌ता. इव पोल्‍लोना निमा सीता केविना? केंजा, देवुळता गूनमतुन ऊळिसि, नीवा पापमतुन विळ्सिसि, नीक देवुळतेके वाया पोयह्‌ता.

रोम सहरतोर 1:28

ओरिह्‌क देवुळतुन सीता कीयलाह, मुर्तिय विचर वावो. अदिनेनाह्‌क ओरा बुद करबता मनि, ओप्पवव कबस्क कीयिर इनजोर, देवुळि ओरिन विळ्सिसीता.

बळयिर 20:21

पापमता अग़दाहि जर मल्सि, देवुळता पोल्‍लो केंजिसि, मावा येसुसामिन विस्वस कीयना इनजोर, यहुदिरिह्‌क ओसो युनानिरिह्‌क वेहतन.

लूकाल 13:5

अद्रम आयो! नना मीकु वेहतह्‌नन, मीट सबेटोरिर वने पापमता अग़दाहि मलवेके, अद्रमे डोलकिर,” इनजोर वेहतोग़.

बळयिर 17:23

इद्रम बाराह्‌क इह्‌नन इतेके, मीवाङ रावुळ्किन ऊळसोर तिरियनेके, उंद गर्यातुन ऊळतन. अगा ‘माट पुनवद पेनतेनाह्‌क’ इनजोर रासिस मता. मीट पुनवालेवा मोळ्किह्‌निर, अदे देवुळता पोल्‍लोतुन नना इंजेके मीक वेहतह्‌नन.

बळयिर 11:18

पया पत्रुना संगे गिटोगटो आसोर मतोर मन्कलोर, इद पोल्‍लोतुन केंजिसि, केमेन आतोर. आसि ओर इतोर, “पापमता अग़दाहि मल्सि, तना पिसमुळ दोर्किह कीयलाहि, यहुदि आयवोरिह्‌क इंका, देवुळि अग़ ईता,” इनजोर देवुळतुन जोहर कीतोर.

मार्कल 6:12

अद्रमलेह्‌काने पया ओर सेवातुह्‌क अन्जि, पापमता अग़दाहि मल्सि, देवुळतके वाटु इनजोर, पोकुर कीसोर तिरियतोर.

मार्कल 1:15

येसु इद्रम इंदोग़, “देवुळ वेहतद कगो एरे एवता; इंजेके देवुळि मन्कलोरगा राजेम कीयनद दिया एवयलाह आता. मीट पापमता अग़दाहि मल्सि, बेसता कबुरतुन विस्वस कीम्ह्‌टु,” इनजोर इंदोग़.

मत्याल 3:2

“देवुळि मन्कलोरगा राजेम कीयनद कगो एवयलाह आता. अदिह्‌क मीटु मीवा पापमताहि मिळ्न्दिसि देवुळतके वाटु,” इद्रम वेग़ वेहन्दोग़.

2 कुरिंततोर 7:10

माट देवुळतुह्‌क विचर वातप दुकम आतेकेने, पापमता अग़दाहि देवुळतके मलयह्‌नल. अद इसबते देवुळि माक पिसिह कीस्ता. अद्रमता दुकम आतेक, ताना लोप्पा आल्समुळ आयो. मति देवुळतगा मलवा, उगस दुकम आतेक बारा, इद्रमता दुकमि माक देवुळता पिसमुळताहि जेक कीस्ता.

लूकाल 15:10

नना मीक वेहतह्‌नन, अद्रमे पापमता अग़दाहि मलवाल ओर्वोग़ पापि मन्कनेनाह्‌कु, देवुळदीपतगा देवुळि, तनाङ देवतुल्कना संगे गिर्दा कीयग़ा,” इनजोर वेहतोग़.

मत्याल 4:17

अस्केडाहि देवुळता पोल्‍लो येसु वेहता बोटटोग़: “देवुळि मन्कलोरगा राजेम कीयनद कगो एवयलाह आता. अदिह्‌क मीटु मीवा पापमताहि मिळ्न्दिसि, देवुळतके वाटु,” इद्रम वेग़ वेहन्दोग़.

मत्याल 20:7

‘माक बोग़े बूततुह्‌क केयोग़, अदिह्‌के माट नितोम, दादा!’ इनजोर इतोर. पया ओग़ इतोग़, ‘अह इतेक, मीट वने नावा अंगुर वाळुमते अन्ह्‌ट.’ इतस्के ओर अतोर.