बळयिर 15:23 - माडिया गोंड पवित्र सास्त्रम

²³ वेरा कयदे विस्वसिरिह्‌क सीटि लोहतोर, अद सीटटगा इद्रम रासिस मता. “अंताकिया सहरतगा, सुरिया पटटगा, किलिकिया पटटगा मनवालोर यहुदि आयवोर विस्वसिरिह्‌क: “माट मीवा ऐंगेटोर विस्वसिरोम, इतेके येसुसामिनाङ बळयिरोम, ओसो विस्वसिराङ पेदल्कनोम, सीटि रासलाह आतोम, मयेनाह मीक जोहर.

बळयिर 15:23 Referans Kwoze

बळयिर 23:26

“नना कलोदियुस लूसियानन, गुमसि पेलिक्स महरज साय्बाह्‌क सीटि रासलाह आतन, नीक जोहर.

याकुब 1:1

नना याकुबनन, देवुळता ओसो किर्स्तु येसुसामिना सेवकनन आंदन. मावा इस्रयेल लोकुर बारा कूळिनोर, दुस्राङ-दुस्राङ देसेह्‌कने बिरोबटो आसि मनवालोर, सबेटोर विस्वसिरिह्‌क नयेनाह जोहर!

गलातितोर 1:21

ताना पया नना सुरिया, किलिकिया, अव पटिनके अतन.

बळयिर 15:22

पया बळयिर, विस्वसिराङ पेदल्कु, येरुसलेमतोर विस्वसिरा पूरा मुलु, बाताल इतोर इतेके, “इंजेके याकुब इतव पोल्‍लोन रासिसि, मयग्डोर विस्वसिरा कयदे अंताकिया सहरते लोहतकल. ओरु पोलुना, बार्नबसिना संगे दायनुर,” इतोर. पया यहुदा बार्सबा इनवान आचतोर, ओसो सीलास इनवान वने आचतोर. वेर इर्वुर आसि विस्वसिरगा पेदा मन्कलोर मतोर.

3 योहन 1:14

मति नीक बेस्के कलियकन अस्केन, माट ओर्विह्‌क-ओर्वोग़ मोकम मुनेह वळ्ह्‌ककल इन्जि, नना आसा कीयलाह आतन.

2 योहन 1:13

देवुळ आचतद नीवा एलानाङ पिलाङ-पेकोर, मीक जय येसु इनदलाह आतोर.

2 योहन 1:10

अदिनेनाह्‌क वेहतलाह आतन, किर्स्तु काग़्हतव पोल्‍लोन काग़्हवोग़ मन्कल, मियगा काग़्हतलाह वातेके, ओन मीवा लोते केयमाटु, ओसो जोहर वने केमाटु.

2 योहन 1:3

माट सेतेमतुन पुताह्‌कु, ओर्विह्‌क-ओर्वोग़ जीवा कीयलाह आतल. अदिनेनाह्‌क मावा देवुळबाबाल ओसो ओना मग़ि येसु किर्स्तु, माक देय्वा ईयनुर, जीवा लोपनुर, सुकमते तासनुर.

बळयिर 15:41

पया पोलु, सीलासिना संगे पूरा सुरिया पटटे, किलिकिया पटटे तिरियतोग़. बेद-बेद नाग़ अंदुर, अग्डोर विस्वसिरा मुडा विस्वसतुन मेग़्किह कीसोर अंदुर.

बळयिर 15:4

अद्रमे पया येरुसलेम एवतोर, एवतस्के विस्वसिरा मुलु, बळयिर, विस्वसिराङ पेदल्कु, ओरिन गिर्दाते कलियतोर. कलियतस्के पोलु, बार्नबस, तमा कयदे यहुदि आयवोरगा, देवुळि बाताल बाताल कबळ कीता इनजोर, कतम पोल्‍लोन ओरिह्‌क वेहचीतोर.

बळयिर 15:1

अद्रमे पया उंद दिया, उय्तुर यहुदि विस्वसिर, यहुदा पटटाहि(सुरिया पटटकेडा अंताकिया सहरते) वासि, अग्डोर विस्वसिरिन कलियतोर. कलियिसि “मीट मोसानाङ अडोङ वेहतपु डायना रिवज केवेके, देवुळ मीकु पिसिह केवो आयग़ा,” इनजोर काग़्हता बोटटोर.

बळयिर 14:27

वातस्के विस्वसिरा मुडुन जमा कीतोर. जमा कीसि, देवुळि ओरा कयदे कीतव बेराङ-बेराङ कबस्किन वेहतोर. ओसो यहुदि आयवोरेनाह्‌क वने, येसुन विस्वस कीयलाहि, देवुळि बेद्रम अग़दुन तेग़यिस ईता, इन्जि वने वेहतोर.

बळयिर 21:25

मति यहुदि आयवोर विस्वसिरिह्‌क बार, इव अडोन नोम पोयो. ओरगा मुने लोहतद सीटटगा वेहतप लेह्‌का, पेन्किह्‌क वाटटव अविङ ओसो नेतुरतुन एच तिनमाकिर, नेतुर पोववालेवा हव्कतविनाङ अविङ तिनमाकिर. साट्याल कबस्क केमाकिर इनजोर रासिस मतोम,” इन्जि विस्वसिराङ मुक्यालोर पोलुन वेहतोर.

बळयिर 21:3

अनेक अनेके मावा दावळ बाजे, माकु कुपरुस देसेम दिसता. तान वीळिसि, सुरिया पटटेके मावा ओडातुन पेहतोम, अनेक अनेके अद पटटा सोर सहरते एव्सि, अगा रेगतोम. अगा ओडातोरिह्‌क ओडातगा मतद मादुन रेहतना मता.

बळयिर 18:18

अद्रमे पया पोलु कुरिंत सहरतोर विस्वसिरा संगे, वेल्‍लाङे दियाङ मतोग़. पया दाय्ह्‌नन इनजोर वेहचि, मुने देवुळतुन किरिया कीस मताह्‌कु, किंक्रिया नाटे अन्जि, तला कोग़ियतोग़. पया पोलुना संगे पिरिस्किलालि ओसो अक्‍विलाल वनेसुरिया पटटे दायलाह, ओडातगा उदतोर.

बळयिर 11:18

पया पत्रुना संगे गिटोगटो आसोर मतोर मन्कलोर, इद पोल्‍लोतुन केंजिसि, केमेन आतोर. आसि ओर इतोर, “पापमता अग़दाहि मल्सि, तना पिसमुळ दोर्किह कीयलाहि, यहुदि आयवोरिह्‌क इंका, देवुळि अग़ ईता,” इनजोर देवुळतुन जोहर कीतोर.

मत्याल 4:24

येसुनाङ कीताङ कबस्क पूरा सुरिया पटमेंड आबुर आताङ. अस्के सबे रीतिनाङ रोगह्‌कने ऊटेम आस मतोरु, कुर्मुटटप आतोरु, पटापुटा नोयनद दुकतोरु ओसो देयह्‌क पोयतोरु, कुळ्न्दिल रोगह्‌कनोरु, कय्क-काल्क वाग़तोरु, इद्रम सबे रोगह्‌कनोरिन येसुनके ततोर. ततस्के येसु सबेटोरिन सव्रे कीसीतोग़.

बळयिर 6:9

अस्के पया इद्रम आता इतेके, उय्तुर कुरेने सहरतोर, सिकंदरिया सहरतोर, किलिकिया पटटोर,आसिया पटटोर मन्कलोर मतोर, वेर रोम सर्करतोर विळ्सिसीतोर यहुदिरा पार्तनाता लोतगा जमा आस मतोर. ओरग्डाहि उय्तुर इस्तिपननगा वास तेल्वेङ कीया बोटटोर.

बळयिर 11:20

मति ओरा संगे उय्तुर कुपरुस देसेमतोर विस्वसिर मतोर, उय्तुर कुरेने सहरतोर मतोर, ओर अंताकिया सहरते वासि, यहुदि आयवोरिह्‌क वने येसुसामिना बेसता कबुरतुन वेहतोर.

बळयिर 15:2

इदिन केंजिसि पोलु, बार्नबस, वेर अद्रम काग़्हवालोरा संगे पका जग्ळम आतपे, पोल्‍लोने गिटोगटो आतोर. पया अंताकियातोर विस्वसिर बाताल इतोर, “पोलु, बार्नबस ओसो उय्तुर विस्वसिर येरुसलेम अन्जि, बळयिरिन ओसो विस्वसिराङ पेदल्किन इद पोल्‍लोतुन देहतलाहि, ताल्ह्‌किस वायिर,” इनजोर इतोर.