बळयिर 15:2 - माडिया गोंड पवित्र सास्त्रम

² इदिन केंजिसि पोलु, बार्नबस, वेर अद्रम काग़्हवालोरा संगे पका जग्ळम आतपे, पोल्‍लोने गिटोगटो आतोर. पया अंताकियातोर विस्वसिर बाताल इतोर, “पोलु, बार्नबस ओसो उय्तुर विस्वसिर येरुसलेम अन्जि, बळयिरिन ओसो विस्वसिराङ पेदल्किन इद पोल्‍लोतुन देहतलाहि, ताल्ह्‌किस वायिर,” इनजोर इतोर.

बळयिर 15:2 Referans Kwoze

गलातितोर 2:5

मति ओरा पोल्‍लोतुन माट मुर्तिय केंजोम! मीट गलातितोरिर येसुसामिना सेतेम कबुरतुन विळ्सनदायो इन्जि, ओरा पोल्‍लोतुन माट मुर्तिय केंजोम!

2 कुरिंततोर 11:5

किर्स्तुनाङ बळयिरगाह्‌क माट सबेटोरिह्‌क बेरोरोम इनजोर, ओर तम्क इन्ह्‌तोर, मति नना इतेके, ओरिह्‌काय कमितोनन आयोन!

बळयिर 15:4

अद्रमे पया येरुसलेम एवतोर, एवतस्के विस्वसिरा मुलु, बळयिर, विस्वसिराङ पेदल्कु, ओरिन गिर्दाते कलियतोर. कलियतस्के पोलु, बार्नबस, तमा कयदे यहुदि आयवोरगा, देवुळि बाताल बाताल कबळ कीता इनजोर, कतम पोल्‍लोन ओरिह्‌क वेहचीतोर.

बळयिर 11:30

पया अद्रमे कोताङ अर्हचि, अव कोतानु बार्नबसना, सोलुना कयदे ईसि, येरुसलेम मतोर विस्वसिराङ पेदल्कनगा लोहतोर.

यहुदाल 1:3

नावा गोततोरिर! देवुळि माट सबेटोर मन्कलोरिन पिसिह कीतद पोल्‍लोतुन रासलाहि, नाक पकाय विचर वास मता. मति उच्वुर मन्कलोर मावा मुडगा कुस्क्ने नेङतोर. ओरिह्‌क देवुळताहि सिक्सा दोर्किह्‌ता इनजोर, मुनेन ताना सास्त्रमतगा रासतद मन्ह्‌ता. ओर देवुळतुन माळवोर मन्कलोरु. अद तना दयाते मावा पापमतुन मापि कीस्ता इतेके, माट विचर वातपु बातय कीया पग़यह्‌नल इनजोर काग़्हतह्‌तोर. ओसो मावा वग़ोग़े माल्काल येसुसामि किर्स्तुना अदिकरते मनोर. अदिह्‌क मीट ओरा अडम मन्जि, येसुसामि माक ईतद कबुरतेनाह्‌क लळेम आयना इन्जि, इंजेक मीक रासलाह आतन. इद कबुरतुन बोग़े बेस्केन मिळ्हतनदनायो इन्जि, येसुसामि तान माक पोकुर कीया वेहतोग़.

1 कुरिंततोर 1:1

देवुळि तना विचरते, किर्स्तु येसुना बळयि आयलाह, निल्पिह कीतोग़ पोलुनन इद सीटटुन रासिह्‌नन. नना मावा तोळतोग़ विस्वसि सोस्तिनेसना संगे इगा मह्‌नन.

बळयिर 21:18

इमा दिया पोलु माक पोसि, वेरा मुक्याल याकुबनगा ओतोग़. अगा दुस्रोर सबेटोर मुक्यालोर वने, जमा आस मतोर.

बळयिर 16:4

अद्रमे पया पोलु, सीलास, तिमोति, वेर मुवुर अग्डाङ सहर्कनाङ विस्वसिरिन कलियसोर, येरुसलेमताङबळयिर ओसो विस्वसिराङ पेदल्क ईतव अडोन ओरिह्‌क ईसोर, अव अडोने ताकलाह वेहतोर.

बळयिर 15:27

माट रासतदिन यहुदाल ओसो सीलास, वेर मीकु वेहतनुर.

बळयिर 15:25

अदिह्‌क माट सबेटोरोम कलियिसि, इर्वुर मन्कलोरिन आचिसि, मियगा कबुर लोहतकल इनजोर, विचर कीतोम. ओर आचतोरु, (यहुदाल ओसो सीलास,) मावा गोततोर बार्नबसना, पोलुना संगे मियगा वास्तोर.

बळयिर 11:12

पया देवुळता जीवा नाक इता, ‘ओर यहुदिर आयोर इन्जि, उन्क-मन्क आयवा, ओरा संगे अन,’ इनजोर इता. पया नावा संगे वेर आग़वुर यापा नाटेनोर विस्वसिर वने, केसरिया सहरते वातोर. पया माट कुरनेलिना लोन अतोम.

बळयिर 10:23

पया पत्रु ओरिन लोप्पा ओसि, ओरिह्‌क मनदलाह जागा कीतोग़. पया इमा दिया पत्रु ओसो यापा नाटेनोर उय्तुर विस्वसिर, कुरनेलि लोहतोरा संगे अतोर.