बळयिर 14:8 - माडिया गोंड पवित्र सास्त्रम

⁸ अद्रमे लुस्त्रा सहरतगा ओर्वोग़ काल्क वावोग़ पुटकूटाल मतोग़, ओग़ पुटटग्डाहि बेस्केन ताकवाय मतोग़.

बळयिर 14:8 Referans Kwoze

बळयिर 3:2

मंदिरतगा एवतस्के ओर्वोग़ पुटिय ताक पग़वोग़ मन्कल ओरिह्‌क दिसतोग़. ओग़ मंदिरतगा अनवालोर वावालोरिन ताल्ह्‌किस तिनेग़ इन्जि, दिनम उय्तुर ओन मंदिरतगा एवनाह कांजिस तंदुर. तचि वेल्‍लाय सोबाता अग़ इनदनद अग़दगा उदिह कीस अंदुर.

बळयिर 4:9

रोगमतोनेनाह्‌क माट बेसता कबळ कीतोम, अदिन वेग़ बह आस बेस आतोग़ इन्जि, मीट नेंड माक पर्ह्‌किस ऊळिह्‌निर.

योहन 5:7

“इंगो साय्ब, मति इद एतुन मेल्हतनस्के, नाकु अद एतगा ओयलाह, मावोर बोरे नाक तोळ इलेर. अदिनेनाह्‌क एग़ मेलियनेके दाय्ह्‌नन मति, नाकाय मुनेन बोग़ाय रेगिह्‌तोग़,” इन्जि वेग़ इतोग़.

बळयिर 14:6

इद पोल्‍लो पोलुह्‌क, बार्नबसिह्‌कु, एर्का आता. अदिनेनाह्‌क ओर इकुनियुमताहि पेसिस, गलाति पटटा लुकावनिया जिलाते विततोर. अद जिलाता लुस्त्रा सहरते, दिरबे सहरते, ओसो एरे-गूरेताङ नाह्‌कनगा अन्जि, बेसता कबुरतुन पोकुर कींदुर.

बळयिर 14:21

पया पोलु, बार्नबस, वेर दिरबे सहरतोर लोकुरिह्‌क, येसुना बेसता कबुरतुन वेहतोर. वेरा पोल्‍लोतुन केंजिस, वेल्‍लाटोर येसुन विस्वस कीतोर. ताना पया वेर दिरबे सहरताहि लुस्त्रा सहरते मलतोर, अग्डाहि पया इकुनियुम सहरते वातोर, इकुनियुमताहि पिसिदिया एरियाता अंताकिया सहरते अतोर.

बळयिर 16:1

पया पोलु, (सीलास, गलाति पटटा) दिरबे ओसो लुस्त्रा, इव सहर्कने अतोर. लुस्त्रा सहरतगा तिमोति पेदिरतोग़ ओर्वोग़ विस्वसि मतोग़, ओना तपे युनानि जाततोग़ु, मति तलोग़ि यहुदि आंचाळ आंदु, अद विस्वस वने कींदु.

2 तिमोति 3:11

पिसिदिया एरियाता अंताकिया सहरतगा, इकुनियुम सहरतगा, लुस्त्रा सहरतगा, मन्कलोर नाक तिपल कीतदिन, नना सिक्सा आतदिन, मन्कलोर नाक बेद्रमताङ तिपल्क ईतोर, इव तिपल्किन नना आपतदिन वने पुतिन. सामि नाक तोळ आताह्‌कु, नना अव सबे तिपल्कनाहि पिसतन.