20 पया लुस्त्रातोर पूनोर विस्वसिर, ओनगा वासि सर्ने नितोर. अस्के पोलु तेदिसि, ओरा संगे सहरतगा अतोग़. पया इमा दिया बार्नबस बार, दिरबे सहरते अतोर.
उच्वुर माक अदिकरलेवोर इन्ह्तोर, वेल्लाटोर बार माक किर्स्तुनाङ बळयिर इन्जि, बेस पुन्ह्तोर. डोललाह आतोर इनजोर, मन्कलोर माक इन्ह्तोर, मति इदु! माट जीवातेन मह्नोम. देवुळि माक सुद्रे कीसोर मन्ह्ताये, मति मावा जीवातुन ओयो.
अद्रमे विरुद कीयनद कट्ला रोमता. पया पोलु विस्वसिरिन तनगा केयतोग़. ओर ओनगा वातस्के, ओरिह्क दीरा वानाह वेहतोग़. वेहचि, दाय्ह्नन इनजोर ओरिन कलियिस, इपिसुस सहरताहि मकिदुनिया पटटे दायलाह बोटटोग़.
पया पोलु, सीलास लुदियाना लोन अतोर. अन्जि अगा विस्वसिरिन कलियतोर. येसुसामिन विळ्सवालेवा विस्वस कीसोर मन्ह्टु इनजोर, ओरिह्क दीरा ईसि, पिलिपि सहरताहि पेसिस अतोर.
इद पोल्लो पोलुह्क, बार्नबसिह्कु, एर्का आता. अदिनेनाह्क ओर इकुनियुमताहि पेसिस, गलाति पटटा लुकावनिया जिलाते विततोर. अद जिलाता लुस्त्रा सहरते, दिरबे सहरते, ओसो एरे-गूरेताङ नाह्कनगा अन्जि, बेसता कबुरतुन पोकुर कींदुर.
पया पोलु, (सीलास, गलाति पटटा) दिरबे ओसो लुस्त्रा, इव सहर्कने अतोर. लुस्त्रा सहरतगा तिमोति पेदिरतोग़ ओर्वोग़ विस्वसि मतोग़, ओना तपे युनानि जाततोग़ु, मति तलोग़ि यहुदि आंचाळ आंदु, अद विस्वस वने कींदु.
अद्रमे पया पोलु, बार्नबस, विस्वसिरा संगे वेल्लाङे दियाङ अगान मतोर.
अस्के पत्रु, केमेन मन्ह्टु इनदलाह कय अहतोग़. अह कीसि, देवुळि नाक बह कीस जेलताहि पलत पेसिह कीता इनजोर, अव सबे पोल्लोन ओरिह्क वेहतोग़. वेहचि, “याकुबिह्क ओसो दुस्रोर विस्वसिरिह्क इव पोल्लोन वेहचीम्ह्टु,” इनजोर वेहचि, अग्डाहि दुस्रा नाटे अतोग़.
अस्के ओन अगा दोर्किह कीसि, (येसुना सेवाते तना तोळ आयलाह,) ओन अंताकिया सहरते ततोग़. पया वर्सामेंड ओर इर्वुर, विस्वसिरा मुडा संगे मन्जि, वेल्लाटोरिन येसुना पोल्लोतुन काग़्हन्दुर. अस्के मुने-मुने अंताकिया सहरतगान, विस्वसिरिन किर्स्तुनोर इन्जि, लोकुर पेदिर तासतोर.
(ओर बेद-बेद सहरते मलतोर,) अग्डोर विस्वसिरिन “बेचोन तिपल वातेक तेला, येसुन विळ्सवा विस्वसते मन्ह्टु. देवुळदीपता राजेमते दायनामुने, माकु ऊक-ऊके विरुदतुन आप पोयग़ाये” इनजोर, पका विस्वस कीयलाह वेहचि, ओरिह्क दीरा ईतोर.
इदिन केंजिसि, अंताकिया सहरतोर विस्वसिर, वग़ोग़-वग़ोग़ मन्कल बेचोक कोताङ ईया पग़यह्तोग़, अचोक अर्हचि, यहुदा पटटोर विस्वसिरिह्क लोहतकल इनजोर, विचर कीतोर.