बळयिर 13:38 - माडिया गोंड पवित्र सास्त्रम

³⁸ “अदिह्‌क मावोरिर, इद पोल्‍लोतुन पुन्ज मन्ह्‌टु. इद्रम देवुळि येसुना मेटे, मीवा पापमतुन मापि कीयग़ा इन्जि, माट मीकु वेहतलाह आतोम.

बळयिर 13:38 Referans Kwoze

लूकाल 24:47

अदिनेनाह्‌क पापमता मापि दोर्कना इतेके, पापमता अग़दाहि मलयना. इद कबुरतुन किर्स्तुना अदिकरते येरुसलेमतग्डाह सुरु कीसि, पूरा बूममेंड पोकुर केमुळ आयग़ा.

1 योहन 2:12

ए पेकोरिर, येसु किर्स्तुना मेटे, मीवा पापमता मापि आता इन्जि, मीक इव पोल्‍लोङ रासलाह आतन.

बळयिर 5:31

जीवा अर्हचि, ओने सामि, पिसिह केवाल इन्जि, देवुळि निल्पिह कीता. मावा इस्रयेलतोरिन पापमता अग़दाहि मल्हतलाहि, मावा पापमतुन मापि कीयलाहि, ओने निल्पिह कीसि, तना तिनळ बाजे पका कदर ईसि उदिह कीता.

कुलुसितोर 1:14

ओग़े माक विळ्सिह केवाल आंदोग़, ओनाय मोकतेनाह्‌कु मावा पापमता मापि आता.

इपिसुसतोर 1:7

मावा पोग़ोन पका दया कीता, अदिनेनाह्‌क तना मग़ि नेतुर पोहच डोलताह्‌कु, मावा पापमतुन मापि कीसि, ओना मेटे माक पापमताहि विळ्सिह कीता.

बळयिर 28:28

इंजेके नावा पोल्‍लोतुन केंजाटु! देवुळि मन्कलोरिन पिसिह कीयनद कबुरतुन, (मीट यहुदिरिर पास्कतिर. अदिह्‌क अद कबुरतुन)यहुदि आयवोरगा लोहता, ओर तान केंजनुर, इदिन पुन्ज मन्ह्‌टु,” इनजोर पोलु इतोग़. [

बळयिर 2:38

इतस्के पत्रु इतोग़, “मीट ओर्वोग़-ओर्वोग़ मन्कल पापमता अग़दाहि जर मल्सि, देवुळ लोहतोग़ किर्स्तु इनवाल येसुराजाना पेदिरते एग़ मीम्ह्‌टु. अस्के देवुळि मीवा पापमतुन मापि कीसि, तना पवित्र जीवाता बर्कत ईयग़ा.

बळयिर 10:43

येसुना मोकतेनाह्‌कु, येसुन विस्वस कीतोर कतमतोरा पापमतुन देवुळि मापि कीस्ता इन्जि, मुनेतोर देवुळताङ सबेटोर कबुरतोरा सास्त्रम वेहतह्‌ता,” इनजोर पत्रु इतोग़.

योहन 1:29

इमा दिया, योहन तनके येसु वायनदिन ऊळिसि, लोकुरिन इतोग़, “वेन ऊळाटु, मोक आयवाल देवुळता गोरेपिलालेह्‌काडोग़, दुनियातोरा पापमतुन एडिह केवाल!

इब्रितोर 9:22

निटमे मोसानाङ अडोङ वेहतपु, जोक-जोक सबे मालु नेतुरतेने एडनदु. नेतुर पोववालेवा पापमता मापि आयो.

इपिसुसतोर 4:32

ओर्विह्‌क-ओर्वोग़ गूनमते मन्ह्‌टु, ओसो दुस्रोरिन ऊळिस जीवा लोपवालोरिर आम्ह्‌टु. किर्स्तुना मेटे देवुळि मीवा पापमतुन मापि कीता. अद्रमे मीट वने ओर्विना-ओर्वोग़ कीतव कसुर्किन मापि कीसीम्ह्‌टु.

बळयिर 4:10

मीट ओसो मावोर सबेटोर इस्रयेलतोर बेस पुन्ह्‌टु, नासरेत नाटेनोग़ येसु किर्स्तुन हव्कनागुटातगा हव्कनाह कीतिर, मति देवुळि ओन जीवा अर्हचीता. ओग़े येसु किर्स्तुना अदिकरते, वेग़ मन्कल सव्रेम आसि, मीवा मुनेह नितोग़.

बळयिर 2:14

अचोटेन पत्रु, किर्स्तुना अक्रा बळयिरा संगे निचि, जोरते इद्रम इतोग़: “मावोर यहुदिरिर ओसो येरुसलेमते मनवालोरिर, मीट ऊळतदिन पुनदलाह, मियेनाह्‌क पोल्‍लो वेहचोर मह्‌नन, नावा पोल्‍लो केंजाट!

इब्रितोर 8:6

मति इंजेके देवुळता पूना करलते, माक कलियिह केवाल येसुये आंदोग़. इद करल इतेके, मुनेता करलतुह्‌काय पका बेसतल आंदु. बह इतेके इद पूना करलते, देवुळि विळ्सिस मतव पोल्‍लोङ, मुनेता करलताङ पोल्‍लोह्‌काय एक्‍वा बेसताङ. इद्रमलेह्‌का इद बूमतोर पेर्मालोरिह्‌काय, येसुह्‌कु पका बेसतल सेवा दोर्कता.

मत्याल 1:21

अदु पेकान पुटिह कीयग़ा, ओना पेदिरि येसु (इतेके देवुळि पिसिह कीस्ता) इनजोर तासा. बाराह्‌क इतेके ओग़े तना लोकुरिन, ओरा पापमताहि पिसिह केवाल आयनोग़,” इन्जि देवतुल वेहता.