बळयिर 13:29 - माडिया गोंड पवित्र सास्त्रम

²⁹ अस्के वेल्‍लाय मुनेन, मन्कलोर देवुळ लोहवाल पिसिह केवान इद्रम इद्रम कीयनुर इनजोर, देवुळता कबुरतोर रासिस मतोर, अव सबे पोल्‍लोङ करल आताङ. अस्के पया हव्कनागुटाताहि येसुना सेत्तातुन रेहचि, गुमयातगा मिसतोर.

बळयिर 13:29 Referans Kwoze

लूकाल 23:53

ताल्ह्‌किस सेत्तातुन हव्कनागुटातग्डाह रेहतोर. पया वेल्‍ला दाराता हामुर-गेंदेते सेत्तातुन ऊर्हतोर. अह कीसि बेरा आद बंडातगा तर्विस मतदु, मुने बोने पोहवद पूना गुमयातगा, येसुना सेत्तातुन तासतोर.

योहन 19:30

अस्के येसु तानु ऊतिसि, “नना नावा कबळतुन कतम मारिह कीतन!” इनजोर इतोग़. अह इतस्के, इळ्न तला वग़्हचि, ओग़ हातोग़.

योहन 19:28

अस्के पया, नावा कबळतुन नना कतम मारिह कीतन इन्जि, येसु पुतोग़. अस्के, सास्त्रमते रासतद पोल्‍लो करल आयना इन्जि, “नाक एग़ उनडा वसता,” इनजोर इतोग़.

1 कुरिंततोर 15:4

ओग़ डोलतस्के, मन्कलोर ओना सेत्तातुन गुमयातगा मिसतोर. देवुळता सास्त्रमतगा मुनेन रासतप लेह्‌का, मूंड दियाने देवुळि ओन जीवा अर्हचीता.

बळयिर 5:30

येसुन मीट मराता हव्कनागुटातगा वेळ्हच हव्कनाह कीतिर, मति मावाङ तादोर-बाबोरा देवुळि ओन जीवा अर्हता.

लूकाल 24:44

तिन्जि ओरिन इद्रम इतोग़, “इव पोल्‍लोङ बेव इतेके नाक हव्कनामुने मीवा संगे मतन, अस्के मीक वेहतव आंदुङ. मोसानाङ अडोना सास्त्रमतगा, देवुळता कबुरतोराङ पुस्तकिनगा, ओसो देवुळताङ पाटानगा, नावा लोप्पा रासतव सबे पोल्‍लोङ करल आयनद मता. अदिनेनाह्‌क इद्रम आता,” इनजोर वेहतोग़.

बळयिर 13:27

येरुसलेमते मनवालोर यहुदिर, ओसो ओरा मुक्यालोर, येसुये पिसिह केवाल इनजोर पुनोर आस मतोर. वारम-वारमता पोल्वादियाते, देवुळता कबुरतोरा सास्त्रमतुन अर्विंदुर, मति तान ओर पुनोर. पुनवालेवा येसुन हव्कनाह कीसि, अदे सास्त्रम करल आता.

बळयिर 2:23

ओग़ येसुनु यहुदाल मीवा कयदगा पोस ईतापया, मीट देवुळताङ अडोङ पुनवोरा संगे, हव्कनागुटातगा मोल्‍लाङ कोटिस हामुरता सिक्सा ईतिर. इद देवुळता मुनेताहि विचर मता,(अद्रमे पनस दियाङ मुने करल आता).

मार्कल 15:42

वारमता पोल्वादियातेनाह्‌क तयर आयनद दियाते येसु हातोग़. अस्के बह्‌ट अर्स मता. पया बाताल आता, यहुदिराङ तग्वाङ केवालोरग्डाह ओर्वोग़ मतोग़, अरिमतेया नाटेनोग़ योसेपि पेदिरतोग़ु. लोकुर ओन मान ईंदुर. ओग़ु देवुळ राजेम कीयनद दिया बेस्के वास्ता इनजोर, अग़ ऊळसोर मंदोग़. गळ्क इतेके पोळ्‍द अरयनस्के वारमता पोल्वादिया सुरु आयग़ा इनजोर, ओग़ दीराते गुमसि पिलातिनगा अन्जि, “येसुना सेत्तातुन पोहतलाह ओयकन,” इनजोर ताल्ह्‌कतोग़.

लूकाल 23:50

पया अगा यहुदा पटटा अरिमतेया नाटेनोग़, योसेप इनवाल ओर्वोग़ मन्कल मतोग़; ओग़ु यहुदिराङ तग्वाङ केवालोरग्डाह ओर्वोग़ मतोग़. ओसो तग्वाङ केवालोर येसुना नेयम कीतस्के, अगा तोळ आयोग़. बह इतेके ओग़ बेसतोग़ सेतेम मन्कल मतोग़. देवुळि बेस्के मावा इस्रयेल देसेमते तना राजेम निल्पिह कीयग़ा इनजोर केपिंदोग़.

बळयिर 26:22

मति नेंड एवनाह देवुळि नाक तोळ ईता, अदिह्‌क उड्लोर-बेरोर सबेटोरिह्‌क साक्सि ईयलाह आतन. देवुळता कबुरतोरु ओसो मोसा मुय्तोना सास्त्रम, (येसुसामि बाताल कीयनोग़ इन्जि,) मुनेन वेहच मतोर. अद सास्त्रमतुन विळ्सिस, नना बेदे वेहोन.