बळयिर 12:7 - माडिया गोंड पवित्र सास्त्रम

⁷ अस्के बाताल आता इतेके, दोम्ह्‌क्नेन देवुळता देवतुलि पत्रुन दोहच मतद अरातगा वासि निता. नितस्के अद अरातगा वेह्‌च आता. अस्के अद बाताल कीता इतेके, पत्रुना मेंदुदुन मेल्हचि, “अले पत्रु चट्पिट तेदा!” इनजोर इता. इतस्के पया, (सीपय्क तेदवाय,) पत्रुन दोहच मतव गोल्स्क ओनाङ कय्कनाहि तमतमाय कुसताङ.

बळयिर 12:7 Referans Kwoze

बळयिर 5:19

पया ओर जेलते मनदह्‌पा, नग़्काडा वेलाते बाताल आता इतेके, देवुळता देवतुल वासि, जेलता अग़दुन तेग़यता, तेग़यिस (बोन्के दिसवाह,) ओरिन पेसिह कीता.

बळयिर 16:26

अचोटेन उंदियदेबा बूम गल्जता, गल्जतस्के जेलताङ पाय्वाङ पका जोरते मेलियताङ. अस्के चट्‌नेन जेलताङ तेल्पिनाङ तालह्‌क, तमतमाय कुय्ह वाताङ; ओसो जेलते मतोर मन्कलोरिन दोहच मतव गोल्स्क, ओराङ कय्कनाहि पिह्‌ट अरताङ.

बळयिर 10:30

अस्के कुरनेलि इतोग़, “मूंड दियाङ मुने, बह्‌ट अर्स मतस्के, नावा लोतगा पार्तना कीसोर मतन. अस्के ऊळा, तिर्मिळ्स्कना जगा केग़तोग़ ओर्वोग़ मन्कल, नावा मुनेह वास नितोग़.

इपिसुसतोर 5:14

बेव कबस्कनगा वेह्‌च दींचिह्‌ता, अव वने दींचिह्‌ताङ. अदिनेनाह्‌क इद्रम वेहतद मन्ह्‌ता: “ए पापमते उंजवानिन! तेदा! देवुळतग्डाहि एग़िसि, डोलतप लेह्‌का मनवानिन. इंजेके जीवा अर्मु! किर्स्तु तना वेह्‌चतुन नीवा पोग़ोन अर्हतनोग़” इनजोर वेहतद मन्ह्‌ता.

बळयिर 2:24

मति हामुर ओन मुर्तिय पोस तास पग़वो, अदिह्‌क हामुरता तिपलताहि, देवुळि ओन पिसिह कीसि, जीवा अर्हचीता.

लूकाल 24:4

दिसवाह्‌कु अव आस्कु एक्बेक आताङ. अस्के दोम्ह्‌क्नेन तिर्मिळ्स्कनाङ जगाङ केग़तोर इर्वुर मन्कलोर, अविस्कनगा वास नितोर.

लूकाल 2:9

अस्के अगा देवुळता देवतुल ओरिह्‌क दिसता. दिसतस्के देवुळता लावता वेह्‌च ओरगा अरता. अरतस्के कोपालोर वेह्‌चतुन ऊळिस पका रेयतोर.

बळयिर 12:23

मति, राजाल (“आयो, नना मन्कनने,” इन्जि वेहोग़,) देवुळतुह्‌क मान एवोग़. एवाह्‌कु देवुळता देवतुल ओनगा पीळा लोहता. अदिनेनाह्‌क ओग़ बेमर आसि, पोटालोप्पा पुळ्क अर्सि डोलतोग़.

बळयिर 9:3

पया सोलु अद सीटटुन पोसि, दमिस्क सहरते दायलाह आतोग़. अद सहरता एरे-एरे एव्स मतोग़, अस्के पोग़ोटाहि दोम्ह्‌क्ने ओना सर्ने वेह्‌च अरता.

तोहचीतव पोल्‍लोङ 18:1

पया ओसो उंद देवतुल, पोग़ोन देवुळता जागाताहि रेगनद ऊळतन. तान्क पकाय अदिकर मता. ताना सोबाता वेह्‌चते पूरा बूमतगा वेह्‌च आता.

इब्रितोर 1:14

पोग़ोटाङ देवतुल्क राजेम कीयनव आयोङ, देवुळता सेवा कीयनव जीवाङ. बोर-बोरिह्‌क देवुळता पिसमुळ दोर्किह्‌ता, ओरा सेवा कीयलाहे, अद लोहतनव जीवाङ आंदुङ.

बळयिर 12:6

(पया पंडुम मारिस इमा दिया,) एरोद राजाल पत्रुन जेलताहि पेसिह कीसि, लोकुरा मुनेह नेयम कीयना मता. अद नग़्का, पत्रुन नडुम कीसि, पत्रुनाङ कय्किन तमाङ कय्कना संगे इके-अके रेंड गोल्स्कने दोहचि, इर्वुर सीपय्क उंजिस मतोर. ओसो जेलता अग़दगा, उय्तुर सीपय्क वने ओना पह्‌रातुह्‌क मतोर.

मत्याल 2:13

उकान ऊळवालोर अतापया ऊळाटु, योसेपिन उंदि देवतुल कलाते कलियिसि वेहता, “पेकान हव्कलाहि, एरोद राजाल कोज पेह्‌कसोर मन्ह्‌तोग़. अदिह्‌के निमा तेदा, पेकानु, ओना तलिनु पोसि मिसर देसेमते विता. अहे अग्डाहि मल्स वाटु इन्जि, नना नीक वेहनाह्‌जोम, मीटु अगाने मन्ह्‌टु,” इन्जि वेहता.

बळयिर 12:8

अस्के देवतुलि, “नळ्ह्‌कोटुह्‌क पटा दोहा, एल्पुस्क केग़्म” इता, इतस्के ओग़ अद्रमे कीतोग़. ओसो “पोग़ोटा जगा केग़्स, नावा पयाह पयाह वाय,” इता.