बळयिर 12:5 - माडिया गोंड पवित्र सास्त्रम

⁵ इद्रमलेह्‌का पत्रुन उचुक दियाङ जेलते तासतोर, अस्के विस्वसिरा मुलु ओनेनाह्‌क, अमेसा रोमवालेवा, देवुळतुन पार्तना कीसोर मतोर.

बळयिर 12:5 Referans Kwoze

1 कुरिंततोर 12:26

अदिनेनाह्‌क मावा मेंदुदग्डा बेदाय उंदतुह्‌क दुकम पुटटेके, ताना संगे सबेटविह्‌क दुकमे आस्ता. उंदतुह्‌क मान दोर्कतेके, सबेटव ताना संगे गिर्दा आस्ताङ.

याकुब 5:16

अदिनेनाह्‌क मीट कीतद पापमतुन, ओर्विह्‌क-ओर्वोग़ कबुल आम्ह्‌टु, ओसो ओर्विनेनाह्‌क-ओर्वोग़ पार्तना कीम्ह्‌टु. अस्के मीट बेमरताहि बेस आयकिर. सेतेमतोग़ मन्कना पार्तनाते पका लाव मन्ह्‌ता.

1 तिसलुनितोर 5:17

दिनम पार्तना कीसोर मन्ह्‌टु.

2 कुरिंततोर 1:11

मीट वने मावा तोळ आसि, मयेनाह्‌क पार्तना कीय्ह्‌निर. बह इतेके मावासाटि वेल्‍लाटोर मन्कलोर पार्तना कीयनदिन केंजिस, देवुळि तना देय्वाते माक पिसिह कीता. तानासाटि वेल्‍लाटोर मन्कलोर मयेनाह देवुळतुन जोहर कीयिर.

मत्याल 18:19

नना ओसो उंद पोल्‍लो मीक सेतेम वेहतह्‌नन. मियग्डोर कमसेकम बोराय इर्वुर विस्वसिर, बेदाय पोल्‍लोतेनाह्‌कु इद बूमतगा उंद पट आसि, देवुळतुन ताल्ह्‌कनुर अस्के, अद पोल्‍लोतुन नावा देवुळदीपतोग़ बाबाल कीयनोग़.

इब्रितोर 13:3

(तमा विस्वसतेनाह्‌क) जेलते मनवालोरिन माग़्ङमाट. मीट वने ओरा संगे जेलते मनदना लेह्‌कान विचर कीम्ह्‌टु. (तमा विस्वसतेनाह्‌क) उच्वुर मन्कलोर तिपल आस्तोर, मीट कुदि तिपल आतप लेह्‌का, ओरिन सीता कीम्ह्‌टु.

बळयिर 12:12

इद्रम एर्का आतापया, पत्रु बाताल कीतोग़ इतेके, मार्कल इनवाल योहनना तलोग़ मरियाना लोन अतोग़. अगा वेल्‍लाटोरे विस्वसिर जमा आसि, पत्रुनेनाह्‌क पार्तना कीसोर मतोर.

लूकाल 18:1

पया येसु तनाङ कग़यवालोरिन दिनम पार्तना कीसोर मनदना, ओसो अमेसा पार्तना कीयलाह बेस्केन आरेम आयना आयो इनजोर, उंद पीटो इद्रम वेहतोग़.

बळयिर 12:4

पत्रुन पोसि, आवना पंडुम मारतापया, वेल्‍लाटोर लोकुरा मुनेह नेयम कीयना विचरतेनाह्‌क, ओन जेल वाट वेहतोर. वेहचि, ओना पह्‌रातुह्‌क, नालुङ तुंगानोर सीपय्किन पह्‌रा तासतोर. उंद-उंद तुंगातगा नाल्वुर-नाल्वुर सीपय्क मतोर.

बळयिर 12:6

(पया पंडुम मारिस इमा दिया,) एरोद राजाल पत्रुन जेलताहि पेसिह कीसि, लोकुरा मुनेह नेयम कीयना मता. अद नग़्का, पत्रुन नडुम कीसि, पत्रुनाङ कय्किन तमाङ कय्कना संगे इके-अके रेंड गोल्स्कने दोहचि, इर्वुर सीपय्क उंजिस मतोर. ओसो जेलता अग़दगा, उय्तुर सीपय्क वने ओना पह्‌रातुह्‌क मतोर.