बळयिर 11:19 - माडिया गोंड पवित्र सास्त्रम

¹⁹ इद्रम आनेके इस्तिपनिन हव्कतापया, विस्वसिरिन तिपल कीतस्के, बिरोबटो आतोरु, उय्तुर पिनिके पटटे, उय्तुर कुपरुस देसेम, उय्तुर सुरिया पटटा अंताकिया सहर एवनाह वितिस, बिरोबटो आतोर. ओर येसु किर्स्तुना पोल्‍लोतुन, यहुदिरिन विळ्सिस बोरिह्‌के वेहोर.

बळयिर 11:19 Referans Kwoze

बळयिर 21:2

अगा अतस्के सुरिया पटटा पिनिके एरियाते दायनद ओडा माक दोर्कता. तानगा उदिस माट पेसतोम.

बळयिर 15:35

मति पोलु, बार्नबस, वेर उचुक दियाङ अंताकिया सहरते मतोर. मन्जि दुस्रोर वेल्‍लाटोरा संगे, येसुसामिना पोल्‍लोतुन काग़्हचोरे ओसो पोकुर कीसोर मतोर.

बळयिर 15:22

पया बळयिर, विस्वसिराङ पेदल्कु, येरुसलेमतोर विस्वसिरा पूरा मुलु, बाताल इतोर इतेके, “इंजेके याकुब इतव पोल्‍लोन रासिसि, मयग्डोर विस्वसिरा कयदे अंताकिया सहरते लोहतकल. ओरु पोलुना, बार्नबसिना संगे दायनुर,” इतोर. पया यहुदा बार्सबा इनवान आचतोर, ओसो सीलास इनवान वने आचतोर. वेर इर्वुर आसि विस्वसिरगा पेदा मन्कलोर मतोर.

बळयिर 15:3

ताना पया अंताकियातोर विस्वसिरा मुलु ओरिन येरुसलेम लोहतोर. लोहतस्के पोलु ओना तोळतोर बार, पिनिके ओसो सामरिया पटिह्‌क अनेके, यहुदि आयवोर बेद्रम देवुळतके वातोर, अदिन अग्डोर विस्वसिरिह्‌क पूरा वेहचोर अतोर. तान केंजिसि सबेटोर विस्वसिर पका गिर्दा आतोर.

बळयिर 4:36

अद्रमे योसेप पेदिरतोग़ ओर्वोग़ मतोग़. ओग़ कुपरुस इनदनद देसेमतोग़लेविना पुळ्गतोग़ (इतेके देवुळवडे) आंदोग़. ओग़ बाताल कीतोग़ इतेके, तना बूमतुन वमिसि, कतम कोताङ बळयिरगा तचि ईतोग़. किर्स्तुनाङ बळयिर ओन बार्नबस (इतेके दीरा एवाल) इंदुर.

गलातितोर 2:11

मनेक मनेक पया पत्रुअंताकिया सहरते वातोग़. ओग़ (अगा बेचोको दियाङ मनेके) बेरा उंद तप कीतोग़! ओग़ तपिस मताह्‌कु, ओना मोकम मुनेह नना ओना अडम वळ्ह्‌कतन.

बळयिर 21:16

केसरिया सहरतग्डाहि उय्तुर विस्वसिर वने, मावा संगे वातोर. येरुसलेमते एवतस्के, वेर माकु कुपरुस देसेमतोग़ ओर्वोग़ मनासोन पेदिरतोना लोन ओसीतोर. ओग़ पाळ्नोग़ विस्वसि मतोग़, ओनाय लोतगा माट रोमतोम.

बळयिर 18:22

उदिस यहुदा पटटा केसरिया सहरतगा रेगतोग़. रेगिसि येरुसलेम अन्जि, अग्डोर विस्वसिरा मुडुन कलियतोग़. कलियिस पया, अग्डाहि सुरिया पटटा अंताकिया सहरते अतोग़.

बळयिर 15:39

अदिनेनाह्‌क पोलु, बार्नबस, पका जग्ळम आतप लेह्‌का, पोल्‍लोने गिटोगटो आसि एग़तोर. पया बार्नबस मार्कन पोसि, ओडाते उदिसि, तना देसेम इतेके कुपरुस देसेमते ओतोग़.

बळयिर 13:46

मति पोलु, बार्नबस मुर्तिय रेयवालेवा इतोर, “मावोरिर, मीक यहुदिरिह्‌के, देवुळता पोल्‍लोतुन मुने वेहतना मता. मति मीट कोनि तान पास्किसि, अमेसाता पिसमुळतुन दोर्किह कीयना लेह्‌काडोर आयविर इन्जि तोहतिर. अदिह्‌क इंजेके माट इगा यहुदि आयवोरगा दाय्ह्‌नोम.

बळयिर 13:4

पया देवुळता जीवा ओरिन ओसीतस्के, इर्वुर आसि अंताकियाताहि सम्दुरकचुदा सिलुकिया इनदनद नाग़ अतोर, अन्जि अग्डाहि ओडातगा उदिसि, कुपरुस देसेमते अतोर.

बळयिर 13:1

सुरिया पटटा अंताकिया सहरतोरविस्वसिरा मुडगा, उय्तुर देवुळता कबुरतोर, ताना पोल्‍लोतुन काग़्हवालोर मंदुर. ओर बोर आंदुर इतेके, बार्नबस, सिमियोन (ओन निगर इतेके कार्यल मन्कल वने इंदुर), कुरेने सहरतोग़ लुकियुस,एरोद अंतिपस राजाना संगे उड्लग्डाह ऐंगेन बेर्सतोग़ ओग़ मनाहेम, ओसो सोलु.

बळयिर 3:26

अदिह्‌क मीट सबेटोरा लाग्वद अग़दाहि मीक मल्हचि बर्कत ईयलाह, देवुळि तना सेवक येसुन आचिसि, मावाय यहुदि जाततोरिह्‌क मुनेन लोहचीस मता,” इनजोर पत्रु वेहतोग़.

योहन 7:35

यहुदिराङ पेदल्क तमतमाय वळ्‍ह्‌कलातोर, “माट पर्ह्‌कतेकाय दोर्कवाह, वेग़ बेगा दायनोग़, रा? दुस्राङ देसेह्‌कने बिरोबटो आस मनवालोर मावा लोकुरिन, काग़्हतनोग़ा, दुस्रा जाततोरिन वने काग़्हतनोग़ा?

बळयिर 6:5

बळयिर इतद पोल्‍लो सबेटोर विस्वसिरिह्‌क विचर वाता. अदिह्‌क ओर इस्तिपन पेदिरतोन आचतोर, ओग़ पका विस्वस केवाल, ओसो पवित्र जीवाते निंदिस मनवाल. ओना संगे पिलिप, परुकुरुस, नीकानोर, तीमोन, परमिनाल, निकुलावुस, वेरिन आचतोर. (निकुलावुस इतेके अंताकिया इनदनद सहरतोग़ आंदोग़. ओग़ मुनेटाहि यहुदि दर्मतोग़ आयोग़ मति, पया यहुदि दर्मते ओळियतोग़. ताना पया येसुन विस्वस कीतोग़.)

बळयिर 11:20

मति ओरा संगे उय्तुर कुपरुस देसेमतोर विस्वसिर मतोर, उय्तुर कुरेने सहरतोर मतोर, ओर अंताकिया सहरते वासि, यहुदि आयवोरिह्‌क वने येसुसामिना बेसता कबुरतुन वेहतोर.

बळयिर 11:22

पया इद पोल्‍लो येरुसलेमता विस्वसिरा मुडुह्‌क एर्का आता, आतस्के ओर बार्नबसिन अंताकिया सहरते लोहतोर.

बळयिर 14:26

अग्डाहि ओडातगा उदिसि, सुरिया पटटा अंताकिया सहरते मल्स वातोर. अद सहरता विस्वसि लोकुर, पोलुन, बार्नबसिन, देवुळता कबुरतुन पोकुर कीयलाह, देवुळता देय्वा ओरगा मनि इनजोर, पार्तना कीसि लोहच मतोर. अदे कबळतुन मारिह कीस, ओर इर्वुर मल्स वास मतोर.

बळयिर 15:30

अद्रमे पया यहुदाल, सीलास, पोलु, बार्नबस, वेर अंताकिया सहरते अतोर, अन्जि सबेटोर विस्वसिरिन जमा कीसि, सीटटुन ओरा कयदे ईतोर.