बळयिर 10:8 - माडिया गोंड पवित्र सास्त्रम

⁸ केयिसि ओरिन सबे पोल्‍लोङ वेहचि, यापा नाटे पत्रुन ततलाह लोहतोग़.

बळयिर 10:8 Referans Kwoze

बळयिर 26:19

“अद्रमे अग्रिपा राजा, पोग़ोटाहि देवुळि नाक तोहतद लेकाते वेहतदिन बेस केंजिसि, येसु नाक ईतद उकुमतुन माळतन.

बळयिर 10:33

अदिनेनाह्‌क नना तोप्नेन नियेके कबुर लोहतन. निमा एवतिन अदिह्‌क पकाय बेस कीतिन. इंजेके देवुळि नीक वेहतव सबे पोल्‍लोन केंजलाहि, माट देवुळता मुनेह जमा आतोम,” इनजोर कुरनेलि इतोग़.

बळयिर 9:36

अद्रमे पया सारोन एरियाता यापा नाटेनगा, उंदि विस्वसि आंचाळ मता. ताना पेदिर तबिताल आंदु, तान दोरकास वने इंदुर. अद आंचाळि नाटेनगा आस्क-कोय्तोरिह्‌क अमेसा बेसताङ कबस्क कीसि ईंदु, लेवोरिह्‌क दर्मम कींदु.

बळयिर 9:38

इंजेके लुदा नाग़ इतेके, यापा नाटेनाहि एरेन मता. पत्रु लुदा नाटेनगान मन्ह्‌तोग़ इन्जि, अग्डोर विस्वसिरिह्‌क एर्का आता. इद पोल्‍लोतुन केंजिसि, इर्वुर मन्कलोरिन पत्रु चट्पिट वायेग़ इन्जि, ओनेके कबुर लोहतोर.

बळयिर 9:42

इद पोल्‍लो यापा नाटेनगा पूरा पोकुर आता. आताह्‌कु अग्डोर वेल्‍लाटोर लोकुर येसुन विस्वस कीतोर.

बळयिर 9:43

ताना पया पत्रु यापा नाटेनगान, तोलाङ ओळ्हवाल ओर्वोग़ सिमोन पेदिरतोनगा, वेल्‍लाङे दियाङ रोमिस मतोग़.

बळयिर 10:7

इद्रम वेहचि देवतुल अता. अतापया कुरनेलि बाताल कीतोग़ इतेके, तनाङ इर्वुर ओर्युलतोरिन केयतोग़, ओसो तना संगे मनवालोर सीपय्कनग्डाहि ओर्वोग़ देवुळतुन मोळ्कवाल सीपयिन केयतोग़.

बळयिर 10:17

पया देवुळि नाक बेद्रमता लेका तोहता इन्जि, पत्रु पकाय एक्बेक आतोग़. अस्केने कुरनेलि लोहतोर मन्कलोर, तोलाना कबळ केवाल सिमोनना लोन बेगा मन्ह्‌ता इनजोर, पर्ह्‌कसोर-पर्ह्‌कसोर ओना लोता रेसातगा वासि नितोर.