3 योहन 1:4 - माडिया गोंड पवित्र सास्त्रम

⁴ नावाङ पेकोर सेतेमते ताकसोर पिसलाह आतोर इनजोर केंजिसि, नावा जीवातुह्‌क बेस गिर्दा आता. बेदे दुस्रा पोल्‍लो तान्काय वीळिस नाक गिर्दा एवो.

3 योहन 1:4 Referans Kwoze

गलातितोर 4:19

इंगो रा, इह केंजाट बाबा, किर्स्तुना बुदि मियगा पुटनाह्‌जोम, रिकम आयनद मग़तलिना पोटातगा आतप लेह्‌का, नावा पोटातगा मळमळ आस्ता.

1 तिमोति 1:2

तिमोति, नीके नना इद सीटि रासिह्‌नन. विस्वसताङ पोल्‍लोन निमा नयग्डाहि कग़यसोर वातिन इन्जि, निमा नावाये मग़ना लेह्‌काडोनिन. मावा देवुळबाबाल ओसो मावा येसुसामि किर्स्तु, नीकु देय्वा ईयिर, जीवा लोपिर, अह आसि निमा सुकमते पिसा.

गलातितोर 2:14

कलियिस तेला मति, वेर देवुळता सेतेम कबुर वेहतपु ताकोर आंदुर, तेन ऊळिसि नना कतमतोरा मुनेह पत्रुन तेर्हतन. “निमा इतेक यहुदिनिन आस तेला, किर्स्तुनगा वाताह्‌कु यहुदिराङ अडोन विळ्सिसि, यहुदि आयवोरा लेह्‌काने ताकिंदिन; मति इंजेके दुस्रा जाततोरिन निमा बेद्रमि मावा यहुदिराङ अडोङ नोमलाह जबर्दस्त कीय्ह्‌निन?

पिलेमोन 1:10

(नीवा वित वातोग़ ओर्युलतोग़) उनेसिमुसना लोप्पा, नीक अर्जि कीयलाह आतन; ओग़ नावा मग़ना लेह्‌का आतोग़. नना इगा जेलते मनदह्‌पा, ओग़ विस्वस कीताह्‌कु, नना ओना तपेना लेह्‌का आतन.

2 कुरिंततोर 6:13

तपेना लेह्‌कान मीक वेहतलाह आतन: माट बेद्रम मीक जीवा कीय्ह्‌नोम, अद्रम माक वने कीम्ह्‌टु!

1 तिसलुनितोर 2:11

देवुळि मीकु तना राजेमतोर मन्कलोर कीयलाहि, तना डीसातगा काल्ह्‌पलाहि केयलाह आता. अदिनेनाह्‌क तान्क विचर वानाह ताकाट इनजोर वेहतोम. वेहचि, तपे तनाङ पिलाङ-पेकोरिन कीयना लेह्‌कान, मीवा ओर्वोग़-ओर्वोग़ मन्कना जीवातुह्‌क दीरा ईसोर, बुद काग़्हचोर, तेळियिह कीसोर मतोम, इदिन मीट पुतिरे.

1 योहन 2:1

ए पेकोरिर! मीट पापम केमाटु इनजोर, इव पोल्‍लोन नना मियेनाह्‌क रासलाह आतन. मति मयग्डाह बोग़ाय पापम कीतेके, माकु देवुळबाबाना संगे गूनम केवाल ओर्वोग़ तोळतोग़ मन्ह्‌तोग़. ओग़े सेतेमतोग़ येसु किर्स्तु आंदोग़.

2 योहन 1:4

बायि, नना नीवाङ उच्वुर पिलाङ-पेकोरा पोल्‍लोतुन केंजतन. देवुळबाबाल माक बेद उकुम ईतोग़, अदिना लेह्‌का ओर सेतेमते ताकलाह आतोर इनजोर केंजिसि, नना पका गिर्दा आतन.