2 तिमोति 2:11 - माडिया गोंड पवित्र सास्त्रम

¹¹ इद पोल्‍लो सेतेमताये: माट किर्स्तुना संगे डोलतप लेह्‌कान आतल, इतेके ओनाय संगे जीवात मनदकल.

2 तिमोति 2:11 Referans Kwoze

रोम सहरतोर 6:8

किर्स्तुना संगे डोलतप लेह्‌का आतल, अदिनेनाह्‌क इंजेके, किर्स्तुना संगे अमेसा पिससोर दाय्ह्‌नल इनजोर वने नमिह्‌नल.

1 तिमोति 1:15

इदिन बह सीता कीम: पापि लोकुरिन पिसिह कीयलाहि, येसु किर्स्तु इद बूमते वास मतोग़. इद पोल्‍लो सेतेमताये, इदिन माट पेग़्के-मुने आयवा, नम पग़यह्‌नल. पापि लोकुरग्डाहि, ननान कोनि मुक्यानन आंदन.

रोम सहरतोर 6:5

ओना हामुरतगा माट ओना संगे कलियतप आतल इतेके, ओना तेग़्कमुळते वने निटमे ओना संगे कलियतप आतल, इद्रम माकु पूना पिसमुळ दोर्किह्‌ता.

2 कुरिंततोर 4:10

येसुनेनाह्‌कु माट अमेसा हामुरता दोकाते अरयह्‌नोम. इद्रमलेह्‌का ओना जीवा मावाङ मेंदुस्कनगा मन्जि, माक पिसिह कीस्ता इनजोर, मन्कलोर ऊळिह्‌तोर.

योहन 14:19

उचुके दियाङ पिसताङ, दुनियातोर पया नाक ऊळोर आयनुर, मति मीट नाक ओसो ऊळकिर. नना अमेसा जीवात मनदकन, अहे नावा लेह्‌का मीट वने अमेसा जीवात मनदकिर.

तीतुस 3:8

इंजेके नना रासतन अव पोल्‍लोङ जोलताङ आयोङ. नना नीक वेहतह्‌नन, इव मोदुल पोल्‍लोङ इन्जि, इविस्किन तेळियिह कीसोर मन. अस्के देवुळतुन विस्वस कीतोरु, बेसताङ कबस्क कीयना सीतातेन मनदनुर. नना वेहतव पोल्‍लोङ सबेट्काय बेसताङ, ओसो मन्कलोरिह्‌क पाय्दाताङ पोल्‍लोङ आंदुङ.

1 तिसलुनितोर 5:10

मावा येसुसामि ओसो वायह्‌पा, माट जीवात मतेकाय, डोलिस मतेकाय, माट ओना संगे पिसना इनजोर, ओग़ मयेनाह्‌क डोलिस मतोग़.

1 तिसलुनितोर 4:17

ताना पयाये माट जीवात मनवालोरल, ओरा संगे सामिन कलियलाह, मेंदुल अग़्के मोयुलपोग़ोन वळ्‍दे दाकल, इद्रमे माट अमेसा ओना संगे मनदकल.

2 कुरिंततोर 13:4

निटमे किर्स्तुन लाव लेवस्के, हव्कनागुटातगा वेळ्हतोर; मति इंजेके ओग़ देवुळता लावते जीवात मन्ह्‌तोग़. किर्स्तु मतप लेह्‌कान, माट वने लावलेवोरोमे. मति माट मियगा वासि, मीक सुद्रे कीकोम अस्के, माट वने देवुळता लावते, किर्स्तुना संगे जीवात मह्‌नोम इन्जि ऊळकिर.

1 तिमोति 3:1

बोराय विस्वसिरा मुडगा मुक्यानन आयकन इनजोर ऊळिह्‌तोर, ओरा विचर बेसतलिये, इद पोल्‍लो सेतेमताये.