2 तिसलुनितोर 3:14 - माडिया गोंड पवित्र सास्त्रम

¹⁴ इद सीटटे माट रासतद पोल्‍लोतुन बोग़ाय केंजवेके, ओन ऊळिस मन्ह्‌टु, ओन्क लजा वानाह ओना संगे कलियमाट.

2 तिसलुनितोर 3:14 Referans Kwoze

तीतुस 3:10

विस्वसिरा संगे गिटोगटो आसि, कोंटेङ पुटिह केवाल मन्कन, उंद-रेंड मल्काङ अद्रम केमा इनजोर, वेहच ऊळा. ओग़ केंजवेके, ओन जेक तासा.

1 कुरिंततोर 5:11

आयो, (सीटटे नना विस्वसिरा मुडोराये लोप्पा रासतन.) बोग़ाय विस्वसिनन इन्जि, साट्याल कबळ कीतेक, लालुस कीतेके, बोमान मोळ्कतेके, कदर रेहतनव पोल्‍लोङ वळ्ह्‌कवाल मतेके, कल लोटि मतेके, नाळेह कीस तिनवाल मतेके, ओना संगे कलियमाट. ओसो ओना संगे तिनदना-उनडना वने केमाट इनजोर वेहतन.

2 तिसलुनितोर 3:6

इंजेके मावोर विस्वसिरिर! मावा येसुसामि किर्स्तुना पेदिरते, मीक उकुम ईयलाह आतोम: उच्वुर विस्वसिर कबळतुह्‌क लंडालोर आतोर, माट मीक काग़्हतव पोल्‍लोना लेह्‌का ताकोर. अद्रम मनवालोरा संगे गोत आयमाट.

1 तिसलुनितोर 4:8

अदिनेनाह्‌क इद पोल्‍लोतुन बोग़ पास्किह्‌तोग़, ओग़ मन्कनु पास्कोग़ मति, देवुळतुन पास्किह्‌तोग़. इतेके, तना पवित्र जीवातुन मीवा जीवातगा उदिह कीयनदु, अद देवुळतुन पास्किह्‌तोग़.

पिलेमोन 1:21

नावा पोल्‍लोतुन केंजिह्‌निन इनजोर, बर्वस कीस रासलाह आतन. नना वेहता पोल्‍लोतुह्‌काय, एक्‍वा वने कीकिन इनजोर पुतन.

2 कुरिंततोर 10:6

मीट किर्स्तुना उकुमता लेह्‌कान, पूरा ताकलाह आयकिर अस्के, माट अद्रम ताकोम इनवालोर सबेटोरिन, सिक्सा ईयलाह माट तयर मह्‌नोम.

2 कुरिंततोर 2:9

मुनेता सीटटे, मीट ओन सिक्सा ईयना इन्जि, वेहच मतन. नना वेहतनव सबे पोल्‍लोन, मीट केंजिह्‌निरा, केंजविरा इनजोर ऊळलाह वने, नना सीटि लोहच मतन.

1 कुरिंततोर 5:9

साट्याल मन्कलोरा संगे कलियमाट इनजोर, नना मुनेन सीटटे रासिस मतन.

रोम सहरतोर 16:17

इंजेके, मावोरिर! इद उंद पोल्‍लोतुन अर्जि कीस वेहतलाह आतन. उय्तुर मन्कलोर मन्ह्‌तोर, ओरु मीट कग़यतव पोल्‍लोन नमवा, दुस्राङे पोल्‍लोन काग़्हचि, विस्वसिरा मुडोरगा कोंटेङ पुटिह कीस्तोर. ओसो बोर-बोरिन विस्वसतुन विळ्सनाह कीस्तोर. अदिह्‌क मीट उसरते मन्ह्‌टु, ओरग्डाहि जेक मन्ह्‌टु.

मत्याल 18:17

ओसो ओकावेला ओग़ कैंगम आसि ओराङ वन केंजवेके, विस्वसिरा मुडगा इद पोल्‍लोतुन वेहा. मुडा गोटटुन वन ओग़ केंजवेके, देवुळतुन पुनवोर पर्गेर, सिद्‌वा एनवालोर वेरिन ऊळतपु, ओन तपतोन वने वेग़ मावोग़ आयोग़ इन्जि, अहे ऊळा.

इब्रितोर 13:17

मीवा मुडा मुक्यालोर, मीवाङ जीवाना राका कीस्तोर. तमा कीयनद इद कबळता लोप्पा, ओर देवुळतुह्‌क इसब ईयनुर. अदिनेनाह्‌क इद कबळतुन ओर नारजते आयो, मति गिर्दाते कीयनाह, ओरा पोल्‍लोते वरेम आस मन्ह्‌टु. ओर नारज आस कीतेके, मीक बाताले पाय्दा दोर्को आयग़ा.

पिलिपितोर 2:12

अदिनेनाह्‌क गोततोरिर, मीक वेहतलाह आतन: नना मियगा मतन अस्के, बेद्रम मीट नना काग़्हतव पोल्‍लोन केंजिस ताकतिर, अद्रमलेह्‌का इंजेक वने नना मियग्डाहि जेक मनदह्‌पा, इंका पका जिदते मीट अव पोल्‍लोन केंजिसि ताकाटु. बेद पिसमुळता अग़दे देवुळि मीक ताकिह कीयलाह आता, अदे अग़दे मीट तान रेयिसि, उड्ला बुदते ताकसोर मन्ह्‌टु.

2 कुरिंततोर 7:15

ओग़ मियगा वास मतोग़ अस्के, मीक काग़्हतोग़ अद पोल्‍लोतुन मीट सबेटोरिर केंजतिर. केंजिसि तान मानेम आतिर, ओसो रेयसोर, ओना पोल्‍लोतुह्‌क वरेम आसोर, ओन बेस-नेह्‌ना ऊळतिर इनजोर, ओग़ सीता कीस्तोग़. कीसि मीक ओसोय जीवा कीस्तोग़.

1 कुरिंततोर 4:14

मीवा लजा रेहतलाह, इव पोल्‍लोन रासोन. मति नना जीवा कीतोर पिलाङ-पेकोरिर इनजोर, मीक बुदि काग़्हतलाह आतन.

कुलुसितोर 4:16

इह केंजाट. इद सीटटुन मीट अर्वतापया, तेन लोदिकिया सहरतोर विस्वसिरिह्‌क लोहचि, अगा वने अर्वलाह वेहाट. मीट बार लोदिकियातोर विस्वसिरा मुडुह्‌क, नना लोहतद सीटटुन ताल्ह्‌काटु. ताल्ह्‌किसि तान मीवा कुलुसितोर विस्वसिरगा अर्वलाह वेहच केंजाट.

2 योहन 1:10

अदिनेनाह्‌क वेहतलाह आतन, किर्स्तु काग़्हतव पोल्‍लोन काग़्हवोग़ मन्कल, मियगा काग़्हतलाह वातेके, ओन मीवा लोते केयमाटु, ओसो जोहर वने केमाटु.