2 तिसलुनितोर 1:3 - माडिया गोंड पवित्र सास्त्रम

³ मावोर विस्वसिरिर! मीवा विस्वस पकाय बेर्ससोर दायलाह आता. ओसो मीट ओर्विह्‌क-ओर्वोग़ पका जीवा कीसोर दायलाह आतिर. अदिनेनाह्‌क मीवासाटि माट देवुळतुन अमेसा जोहर कीयना गावले. अद्रम कीयनद ओजिह्‌ता वने.

2 तिसलुनितोर 1:3 Referans Kwoze

2 पत्रु 3:18

अद्रम आयवा, माक पिसिह केवाल मावा किर्स्तु येसुसामिना देय्वाते ओसो बुदते, बेस बेर्ससोर अन्ह्‌टु. इंजेक वने, अमेसा-अमेसातुह्‌क वने, ओने मन्कलोर मान ईसि मोळ्किर! आमेन.

2 तिसलुनितोर 2:13

मति मावोर विस्वसिरिर, सामि जीवा कीतोरिर! मीट पवित्र जीवाता मेटे सिरसिर आसि, सेतेम पोल्‍लोतुन नमिसि पिसना इन्जि, देवुळि मुनेताहि मीक आचता. अदिनेनाह्‌क मीवासाटि माकु देवुळतुन अमेसा जोहर कीयलाह ओप्पिह्‌ता.

1 तिसलुनितोर 4:1

मावोर विस्वसिरिर! नना इंजेके आक्रिताङ पोल्‍लोङ वेहतह्‌नन; देवुळतुह्‌क गिर्दा वानाह ताकना इनजोर, मीक काग़्हच मतोम. अहे मीट मनदलाह आतिरे. मति इंका ओसो मीट अद्रमलेह्‌काने, मुनेह वने बेर्ससोर अन्ह्‌ट इनजोर, माट येसुसामिना पेदिरते मीक अर्ज कीयलाह आतोम.

पिलिपितोर 1:9

मीट ओर्विह्‌क-ओर्वोग़ वीळिसि जीवा कीसोर दायना, देवुळतुन बेस पुनदना, देवुळतुह्‌क विचर वायनव पोल्‍लोङ बेव इनजोर, पुनदनद बुद दोर्कना इन्जि, नना पार्तना कीयलाह आतन.

1 तिसलुनितोर 3:12

माट मीक जीवा कीतप लेह्‌का, मीट वने विस्वसिरिर, ओर्विह्‌क-ओर्वोग़ जीवा कीयनद, ओसो सबेटोर मन्कलोरिन वने जीवा कीयनद पका वीळसोर अनि, बेर्ससोर अनि इनजोर, पार्तना कीयलाह आतोम. मावा सामि येसु तनाङ सबे पवित्र देवतुल्कना संगे ओसोवने वायह्‌पा, मावा देवुळबाबाना मुनेह मीट बाताले कसुरलेवा, पापमलेवा मनदना, अद्रम मनदलाहि, येसुसामि मीवा जीवातुन मेग़्किह कीयेग़ इनजोर वने, पार्तना कीयलाह आतोम.

योहन 15:2

नना तोंडालेह्‌काडोनन, (मीट नावाङ कांदानिर आंदिर). नयगा आदवाङ कांदानु, बाबाल डायिस पोहचीस्तोग़. मति आदनाङ कांदानु, पका आदना इन्जि, ओग़ एळ्पिसि जूत कीस्तोग़.

1 पत्रु 1:22

येसुना सेतेमता कबुरतुन केंजिस ताकताह्‌कु, मीटु पापमताहि एडटिर. अदिह्‌कु मीटु ओर्विह्‌क-ओर्वोग़ सेतेमते जीवा कीया पग़यह्‌निर. अद्रमे इंजेके मीवा लेह्‌का विस्वसिर आतोरिन, मीटु पूरा जीवाताह जीवा कीम्ह्‌टु.

1 तिसलुनितोर 3:9

मीवा लोप्पा देवुळता मुनेह बेस-नेह्‌ना गिर्दा आतोम, अद माक बेस-नेह्‌ना गिर्दा आनाह कीताह्‌कु, माट तान बेचोन जोहर कीतेके वने आलो!

रोम सहरतोर 1:8

नना इद वेहतलाह आतन: मीट येसुन विस्वस कीतद पोल्‍लोतुन, पूरा दुनियामेटोर लोकुर केंजतोर. अदिह्‌क मीट येसु किर्स्तुना लोकुर आतिर इनजोरे, मावा देवुळतुन जोहर कीय्ह्‌नन.

2 पत्रु 1:13

नना जीवात मनाह्‌जोम, मीट इव पोल्‍लोन पोस मनदलाह, मीक सीता अर्हचोर उसर कीयनद बेस ओप्पिह्‌ता इनजोर, विचर कीयलाह आतन.

1 तिसलुनितोर 3:6

मति इंजेके तिमोति मियग्डाहि मलतोग़, ओसो मीट विस्वसतुन विळ्सविर, इंजेके वने लोकुरिन जीवा कीसोर मह्‌निर इनजोर, बेसता कबुर ततोग़. मीक ऊळलाह पकाय मावा जीवा पर्ह्‌कना लेह्‌कान, माक ऊळलाह पकाय मीवा वने जीवा पर्ह्‌किह्‌ता इनजोर वेहतोग़, अद्रमलेह्‌का मीट बेस-नेह्‌ना मावा सीता कीसोर मह्‌निर.

पिलिपितोर 1:7

मीट सबेटोरिन इद्रम सीता कीयनद नाक बेस ओप्पिह्‌ता. बह इतेके नना इगा जेलते मनदह्‌पा, मीट सबेटोरिर नावा तोळ आतिर. ओसो किर्स्तुना विरुदतोरिन पोल्‍लो मल्हचि, ओना बेसता कबुर सेतेम मन्ह्‌ता इनजोर करल कीयनद, इद नावा कबळते वने, मीट तोळ आतिर. अदिनेनाह्‌क मीक नना जीवा कीय्ह्‌नन.

इपिसुसतोर 5:20

ओसो मावा येसुसामि किर्स्तुना पेदिरते, सबे पोल्‍लोनेनाह्‌क, देवुळबाबान अमेसा जोहर कीसोर मन्ह्‌टु.

1 कुरिंततोर 1:4

देवुळि मीक किर्स्तु येसुना मेटे देय्वा ईता. अदिनेनाह्‌क नना मियेनाह्‌क, नावा देवुळतुन अमेसा जोहर कीय्ह्‌नन.

लूकाल 17:5

इदिन पया केंजिस, “मावा विस्वसतुन बेर्सिह कीसीम गूरु,” इनजोर बळयिर येसुसामिन इतोर.

लूकाल 15:32

मति वेग़ नीवा तमोग़ डोलिस मतोग़, इंजेक जीवा अरतोग़. लेसिस मतोग़, ओसोवने दोर्कतोग़. अदिनेनाह्‌क माट गिर्दा आयना गावले’ इतोग़,” इनजोर येसु इद्रम पीटो वेहच मारिह कीतोग़.

2 कुरिंततोर 10:15

दुस्रोर कीतद कबळतुन, माटे कीतोम इनजोर पोग़यवालोरोम आयोम; मीवा विस्वस बेर्सनेक-बेर्सनेके, मीवा पटटगा मावा सेवा वने पका बेर्सग़ा इनजोर, इद्रम आसा मन्ह्‌ता. मति देवुळि बेचोन अंद ईयग़ा, अचोने कीकोम.

2 तिसलुनितोर 2:1

मावोर विस्वसिरिर! इंजेके मावा येसुसामि किर्स्तु ओसोवने वायनदिना लोप्पा, अहे माट ओनगा जमा आयनदिना लोप्पा, उंद पोल्‍लो वेहतह्‌नन: