2 पत्रु 3:7 - माडिया गोंड पवित्र सास्त्रम7 मति इंजेक मनदनद पोग़ोटा बूमतुन, ओसो इळ्ता बूमतुन, किसते बूळे कीयलाहि, तना इतद पोल्लोतेने तासता. तानाङ केंजवोरिन नेयम कीसि, ओरिन बूळे कीयनद दिया एवनाह अविस्किन तासता. Gade chapit la |
2 पत्रु 3:7
31 Referans Kwoze
इद्रमलेह्काने सोदोम-गोमोरा, इव सहर्कनोर, अहे एरे-गूरे मतव नाह्कनोर मन्कलोर वने, अव देवतुल्क कीतप लेह्का कीतोर; इतेके मुर्तिय ओप्पवव साट्याल कबस्क कीसोर मंदुर. देवुळि ओरिन अमेसातेनाह्क मळ्गसोर मनदनद किसतगा वाटिस सिक्सा ईता. ओरिह्क अद्रम आतदिन ऊळिसि, सबेटोर मन्कलोर रेयिस मनदना इनजोर, इद पोल्लो तोहतह्ता.
कोतान जीवा कीयनाह्के, सबे रीतिनाङ लाग्वाङ कबस्क पुटिह्ताङ. उच्वुर कोतानगा जीवा वाटटाह्के, विस्वसताहि लेसतोर. ओसो वेल्लाय दुकमतुन, तमा जीवातगा ततोर. अदिह्क मता मन्कलोर आयलाह विचर केवालोरगा, पापमते अर्हतनद दोका पुटिह्ता.(मोलुल वदतगा एग़्कना लेह्कान,) इद्रमता मनमुळ पापमता वदतके ओसीस्ता. ओरा जीवातगा बुदलेवव, दोकाताङ विचर्क पुटिह्ताङ, अव ओरिन पूरा बूळेम आयनके ओसीस्ताङ.
देवुळि इद दुनियाते मावा ताकमुळतुन ऊळिसि, येसुना ताकमुळतुन ऊळतप आंदु. अदिनेनाह्क देवुळि सबेटोर लोकुरा नेयम कीयह्पा, माट रेयवालेवा दीरा पोस मनदकल. सिक्सातुह्क मन्कलोर रेयिह्तोर, मति बोग़ देवुळता गूनमते निंदिस मन्ह्तोग़, ओनगा रेय वसनद पोल्लो मनो. ओग़ देवुळता नेयमते बाताल सिक्सा दोर्कग़ा इन्जि रेयोग़. मति बोग़ विस्वसि देवुळता गूनमते निंदिस मनोग़, ओग़ु नेयमतेनाह्क रेयिह्तोग़.
अद इद्रमि: निमा ऊळतिन अद रकस मुने मता, इंजेक इले; मति अद देयमदीपता सिक्सा-बोंदाताहि, इंजेक तेदग़ा. अस्केने देवुळि तान पूरा बूळे कीयग़ा. बूम पुटटस्केडाहि, उच्वुर मन्कलोराङ पेदिर्क, अमेसातुह्क पिसवालोरा पुस्तकतगा रासतव मन्ह्ताङ. अद पुस्तकते बोराङ पेदिर्क रासतव इलेङ, इतेके इद दुनियातोर मन्कलोरु, ओरु अद हातद रकस तेग़्कतदिन ऊळिसि बामनुर.
Piblisite