Biblia Todo Logo
Bib sou entènèt

- Piblisite -




2 पत्रु 3:11 - माडिया गोंड पवित्र सास्त्रम

11-12 इंगो, निटमे देवुळि निल्पिह कीतद दियाते पोग़ोटा बूमि किसते बूळेम आयग़ा; अगा मनदनव सबेटव दगडातुह्‌क कारियनुङ. इव सबे आयनुङ इन्जि पुह्‌निर इतेके, अद दियाता अग़ ऊळसोर, पवित्रते ताकना गावले. अमेसा मीट देवुळता विचर मतप लेह्‌का कीयना गावले. अद्रम ताकतेके, मीटु अद दिया चट्पिट एवनाह कीकिर.

Gade chapit la Kopi




2 पत्रु 3:11
27 Referans Kwoze  

मति मीक आचतद मीवा देवुळि बेचोन पवित्र मन्ह्‌ता, अद्रमे मीट वने मीवाङ सबे कबस्कने, विचर्कने पवित्र मन्ह्‌टु.


उंद पोल्‍लो मात्रम सीता कीम्ह्‌टु: किर्स्तुना बेसता कबुर वेहतपे मीट ताकाटु. अस्के मीट विस्वसते मेग़्किसि, उंदि विचरते निच मह्‌निर इनजोर, नना मियगा वातेकाय, वावेकाय केंजकन. अहे बोग़े अद विस्वसतुन विळ्सनाह कीयनद आयो इन्जि, मीट उंदिय एकाते कह्‌टेम कीय्ह्‌निर इनजोर, इदिन वने नना केंजकन.


देवुळतुन पुनवोरा नडुम मनदह्‌पा, मीटु कसुरलेवपु असल मन्ह्‌टु. ओर मीकु “वेर लाग्वोरे!” इन्जि कसुर तोहतेकाय, मीवा असलता ताकमुळतुन ऊळनुर. ऊळिसि पया पेग़्के ओर इंका देवुळता मोकम ऊळनद दियाते, देवुळतुनु मान ईयनुर.


मति तिमोति! (निमा वेर मन्कलोरा लेह्‌का आयविन,) निमा देवुळता मन्कनिन. अदिनेनाह्‌क इव लाग्वाङ पोल्‍लोनाहि अबर विता. अविस्कनग्डाह जेक मन्जि, इद्रमलेह्‌का मनदलाह पर्ह्‌का: सेतेमते पिसना, देवुळतुह्‌क विचर वानाह पिसना, विस्वसते ताकना, जीवा कीयना, तिपलते विस्वसतुन विळ्सवा मनदना, कुलुल बुदते मनदना.


ओसो बोग़ मीवा नडुम बुदतोग़ु, तेल्वतोग़ मतेके, ओग़ उड्ला बुदते ताकसोरे, तना बुदताङ कबस्क कीस तोहेग़.


मति माट बार इद दुनियाता लोकुरल आयवल, माट पोग़ोटा देवुळदीपता लोकुरल आंदल. अग्डाहिये माक पिसिह केवाल येसुसामि किर्स्तु वायनोग़ इनजोर, ओना अग़ ऊळसोर मह्‌नल.


देवुळि बेरा डीसाता मनाह्‌कु, बेस गूनमता मनाह्‌कु, माक तना मन्कलोर आयलाह केयता. माट तान निटम पुताह्‌कु, माट तान्क विचर वातप पिसना इनजोरे, माक सबे ईता. देवुळता बेरा लावतेनाह्‌कु इव सबे दोर्कताङ.


इंजेके बोग़ाय माट काग़्हतव पोल्‍लोन विळ्सिसि, दुस्राङ पोल्‍लोङ काग़्हतह्‌तोग़, मावा येसुसामि किर्स्तुनाङ सेतेम पोल्‍लोन केंजोग़ आस्तोग़, अमेसा देवुळतुह्‌क विचर वानाह, पिसिह कीयनव सेतेम पोल्‍लोन वने केंजोग़ आस्तोग़;


निमा लेयोनिन इनजोर, बोग़े नीक पास्कमाकेग़. मति निमा बेद्रम वळ्ह्‌किह्‌निन, बेद्रम देवुळतुह्‌क विचर वातप ताकिह्‌निन, बेद्रम जीवा कीय्ह्‌निन, बेद्रम विस्वस कीय्ह्‌निन, विस्वसिर इविन ऊळिसि, बेस कग़यिर.


तेन ऊळिस कग़यवालोर पकाय बामतोर. वेर पया इनदलातोर, “वेना उकुमतुन वळ्यु, लच्काङ केंजिह्‌ताङ इतेके, वेग़ बेद्रमतोग़ मन्कल मनदनोग़ रा?” इतोर.


ओग़ तन्क अदमतगा ऊळिह्‌तोग़, मति अबर अतस्के, नना बेद्रम दिसिह्‌नन इनजोरे, तना मोकमतुन अस्केने माग़्ङिह्‌तोग़.


ओसो किर्स्तुना लोप्पा, देवुळ पङ्ने कीतव पोल्‍लोङ पका असलताङ मन्ह्‌ताङ, इद करलिये. “किर्स्तु मान्वल आसि माक दिसतोग़. ओग़ु देवुळता मग़ इन्जि, पवित्र जीवा तोहता. ओग़ हामुरताहि तेग़्कतस्के, देवतुल्क साक्सि मताङ. ओग़ तना डीसाते कलियनाहु, देवुळि ओन पोग़ोन ओता. ओना कबुर दुस्राङ जातिनोरगा आबुर आता. दुनियामेटोर लोकुर ओन नमतोर.”


मति मतेकाय, लेवेकाय, सुकमते मनदनदे बेसु. अह मन्जि, देवुळतुह्‌क विचर वानाह ताकतेकेने, बेरा पाय्दा दोर्किह्‌ता.


ताना बुदतुन पुनजोर, कुदतुन आव्रे कीयलाह वने कग़याटु; आव्रे कीसि, तिपल्किन आपसोर मनदलाह वने कग़याटु; अद्रम मन्जि, देवुळतुन माळसोर ताकाटु.


देवुळि कुदि इद्रम इता: “नना नीक बेस्केन विळ्सोन; नीक बेस्केन अय केवा मनोन,” इनजोर इता. अदिनेनाह्‌क मीट कोताना लालुसते मनमाट. मियगा बाताल मन्ह्‌ता, तानवटेन गिर्दाते मन्ह्‌टु.


दुनियाते माट बाताल बाताल कीतोम, देवुळ ईतद सेतेम बुदते, नाळेह केवद बुदते कीतोम इन्जि, मावा जीवा वेहतह्‌ता, कासा इतेके मीवा संगे ताकिह्‌पा. इदिना लोप्पा माट पोग़यिह्‌नोम. मति अमेसा माट देवुळता देय्वाते कीतोम, मन्कना बुदते आयो.


माट मुने किर्स्तुन विस्वस कीयलाह आतल अस्के, देवुळि माक इद ईकळता दुनियाताहि पिसिह कीयनद कगो बेस्के एवयग़ा इनजोर, अग़ ऊळिंदल. इंजेके अद कगो एरे एवता. अदिह्‌क मीट मीवा निद्रताहि तेदिसि, उसर आम्ह्‌टु. नना वेहतप लेह्‌का ताकाटु.


इंजेक ईकळ मारलाह आसि, वियतलाह आता. अदिनेनाह्‌क माट ईकळता लेह्‌काडाङ लाग्वाङ कबस्किन पोहचि, देवुळता वेह्‌चते ताकसोरे, ईकळतुन आरे कीयलाह तयर आयिङ.


मति मन्कलोरिह्‌क एर्का लेवस्के, कले वायना लेह्‌कान, सामि ओसोवने वायनद दिया वायग़ा. अस्के पोग़ोटा बूमि पका नेकसोर मायग़ा, अगा मनदनव सबेटव कर्विसि बूळेम आयनुङ. इळ्ता बूमि, ओसो तानगा कीतव सबे कबस्क पङ्ने आयनुङ.


Swiv nou:

Piblisite


Piblisite