2 पत्रु 1:9 - माडिया गोंड पवित्र सास्त्रम

⁹ बोरगा बार इव पोल्‍लोङ इलेङ, ओर तमा जीवाते बेस तोववोरा लेह्‌का आतोर. इतेके तमा मुने कीतद पापमतुन देवुळि एडिह कीतदिन माग़्ङतोर.

2 पत्रु 1:9 Referans Kwoze

1 योहन 1:7

मति देवुळि बेद्रम वेह्‌चते मन्ह्‌ता, अद्रमलेह्‌का माट वने ताना वेह्‌चते ताकतेके, ओर्विह्‌क-ओर्वोग़ कलियिस मह्‌नल. ओसो देवुळता मग़ि येसुना नेतुर, मावा सबे पापमतुन एडिह कीस्ता.

इब्रितोर 9:14

अह इतेके, किर्स्तुना नेतुर बेचोन वीळिस एडिह कीया पग़यह्‌ता! देवुळता अमेसा मनदनद जीवा, ओन तना जीवातुन देवुळतुह्‌क मुर्तिय डागिललेवद मोक ईयनाह कीता. मावा जीवातुन हामुरतके ओसीयनव लाग्वाङ कबस्कनाहि, ओना नेतुर एडिह कीस्ता. कीयनाह्‌कु, माट जीवात मनदनद देवुळतुन माळ पग़यह्‌नल.

तीतुस 2:14

मुने माट देवुळता अडोतुन पास्कनव कबस्क कीसोर मतल. मति अव कबस्कनाहि, किर्स्तु माक विळ्सिह कीतोग़. अह कीसि, माक तना मन्कलोर कीयलाह, एडिह कीतोग़. कीसि माक बेसताङ कबस्कने गिर्दा आयवालोर कीयलाहि, किर्स्तु मावासाटि तनाय विचरते, तना जीवा ईतोग़.

इपिसुसतोर 5:26

ओरिन एग़लेह्‌काडा तना पोल्‍लोते एडिह कीस, तनेनाह्‌क एग़िह कीयलाहि,

रोम सहरतोर 6:11

अद्रमे मीट वने किर्स्तु येसुना संगे जोळेम आताह्‌कु, पापमता विचरते ताकवा, डोलतप लेह्‌का आतिर, मति देवुळता विचर मतपु ताकसोर पिसिह्‌निर, इदिन मीट पुन्ह्‌टु.

1 पत्रु 3:21

अद पोल्‍लोता लेह्‌काने, इंजेके (मीटु विस्वसिर आतिर अस्के,) येसुना पेदिरते एग़ मीताह्‌कु, बेद लावते देवुळि येसु किर्स्तुनु हामुरताहि जीवा अर्ह्‌ता, अदे लावते मीट पिसिह्‌निर. इद बेद्रमता इतेके, मेंदुदा माच एडग़ा इनजोरे, मीयनद आयो; मति नावा जीवा कसुरलेवप आयि इन्जि, पूरा जीवाताहि देवुळतुन ताल्ह्‌कनद आंदु.

गलातितोर 5:13

मति मावोरिर, मीक इतेके, अडोना जुवाताहि पिह्‌ट अरयलाह देवुळ केयता. अदिह्‌कु नना इद्रम रासिह्‌नन. मीट मात्रम माट विचर वातप कीकोम, इद्रम इनदनदायो मति, जीवा कीसि मीट ओर्विना-ओर्वोग़ सेवा-साकुर कीम्ह्‌टु.

गलातितोर 5:6

इतेके किर्स्तु येसुन नमतेके, डायना रिवज कीयनदु बार आयो, केवद वन बार आयो; येसुनगा विस्वस तासिसि, दुस्रोरिन जीवा कीयना, इदे मोदुल पोल्‍लो आंदु.

लूकाल 18:22

ओना पोल्‍लोतुन केंजिसि येसु इतोग़, “(इंगो निटमे निमा उड्लग्डाहि अव अडोन माळसोर वातिन, मति) नियगा इंका ओसो उंद पोल्‍लोता कमि मन्ह्‌ता. अन! नियगा मनदनद सबे मालसोमतुन वमिसि, लेवोरिह्‌क तूसिसीम. अद्रम कीसि, निमा नावा संगे मन्जि नावाङ कग़या. अद्रम कीतिन इतेके, पोग़ोन देवुळता जागातगा नियेनाह्‌क निटमता मालसोम दोर्कग़ा,” इनजोर इतोग़.

मार्कल 10:21

ओना पोल्‍लोतुन केंजिसि, येसु ओन जीवा कीस ऊळतोग़, ऊळिस इतोग़, “इंगो निटमे, मति नियगा उंदिय पोल्‍लोता कमि मन्ह्‌ता. अन! नियगा मनदनद सबे मालसोमतुन वमिसि, लेवोरिह्‌क ईम. अद्रम कीसि, निमा नावा संगे मन्जि, नावाङ कग़या. अद्रम कीतिन इतेके, पोग़ोन देवुळता जागातगा, नियेनाह्‌क निटमता मालसोम दोर्कग़ा,” इनजोर इतोग़.

तोहचीतव पोल्‍लोङ 3:17

(विस्वसता इसबते) मीट नसिबलेवोरिर आतिर; दुस्रोर मीक ऊळिस मान वसना लेह्‌का आतिर; गतलेवोरिर आतिर. (विस्वसता इसबते) गुडिरिर आतिर, कूळल आतिर. मति तान पुनवा, मता मन्कलोरोम आतोम, आलनाह-पिसनाह माक मन्ह्‌ता, माक बेदिनाय गर्ज इले इह्‌निर.