2 पत्रु 1:8 - माडिया गोंड पवित्र सास्त्रम

⁸ इव पोल्‍लोङ मीवा जीवातगा मन्जि, बेर्ससोर अतेक अचोन, मीट मावा येसुसामि किर्स्तुन पुनदनदु उगस अनो आयग़ा, मति मीट पकाय कबळतुह्‌क ओजवालोरिर आयकिर.

2 पत्रु 1:8 Referans Kwoze

तीतुस 3:14

इद्रमलेह्‌का मावोर विस्वसिर बाताले कबळतुह्‌क अरवा मनदनद आयो. पका गर्ज मता मन्कलोरा गर्जतुन निहतलाह, बेसताङ कबस्क कीयलाह कग़यसोर मनिर.

कुलुसितोर 3:16

अद्रमे किर्स्तुना पोल्‍लो मीवा जीवातगा गडि, अदे मीक ताकिह कीयि. देवुळ ईतद बुदते, ओर्विह्‌क-ओर्वोग़ बुदिङ-एदिङ काग़्हचोर मन्ह्‌टु. देवुळता सास्त्रमताङ पाटाङ, ओसो रीतरीतिनाङ पाटाङ, इविस्कने देवुळतुन जोहर कीसोर, मीवा पूरा जीवाताहि ओसोर मन्ह्‌टु.

योहन 15:2

नना तोंडालेह्‌काडोनन, (मीट नावाङ कांदानिर आंदिर). नयगा आदवाङ कांदानु, बाबाल डायिस पोहचीस्तोग़. मति आदनाङ कांदानु, पका आदना इन्जि, ओग़ एळ्पिसि जूत कीस्तोग़.

इब्रितोर 6:12

अदिनेनाह्‌क लंडा आयमाटु; मति बोर मन्कलोर तिपल्किन आपसोर, देवुळतगा विस्वस ताससोर, अद पोल्‍लो विळ्सिस मतविन दोर्किह कीस्तोर, ओरा लेह्‌काने ताकना.

पिलिपितोर 1:9

मीट ओर्विह्‌क-ओर्वोग़ वीळिसि जीवा कीसोर दायना, देवुळतुन बेस पुनदना, देवुळतुह्‌क विचर वायनव पोल्‍लोङ बेव इनजोर, पुनदनद बुद दोर्कना इन्जि, नना पार्तना कीयलाह आतन.

1 तिसलुनितोर 4:1

मावोर विस्वसिरिर! नना इंजेके आक्रिताङ पोल्‍लोङ वेहतह्‌नन; देवुळतुह्‌क गिर्दा वानाह ताकना इनजोर, मीक काग़्हच मतोम. अहे मीट मनदलाह आतिरे. मति इंका ओसो मीट अद्रमलेह्‌काने, मुनेह वने बेर्ससोर अन्ह्‌ट इनजोर, माट येसुसामिना पेदिरते मीक अर्ज कीयलाह आतोम.

1 कुरिंततोर 15:58

अदिनेनाह्‌क मावोर गोततोरिर! मीवा विस्वसते इळ्न अरवालेवा, मेग़्किस मन्ह्‌टु. मीट सामिनेनाह्‌क कह्‌टेम कीयनद कबळ उगस अनो इनजोर पुतिर, अदिनेनाह्‌क सामिना कबळते बेर्ससोर अन्ह्‌टु.

2 पत्रु 1:2

मीट देवुळतुन ओसो मावा येसुसामिन निटम पुताह्‌कु, देवुळता देय्वा ओसो सुकमि, मियगा पका बोल्गसोर अनि.

पिलेमोन 1:6

नीवा विस्वसतेनाह्‌कु, बेद्रम निमा दुस्रोर विस्वसिरिन साय्ता कीय्ह्‌निन इनजोर केंजतन. अह कीताह्‌कु, किर्स्तुनेनाह्‌क माक दोर्कनव सबे बेसताङ देय्वान, निमा पुनजोरेन दाकिन इन्जि, नना पार्तना कीय्ह्‌नन.

2 तिसलुनितोर 1:3

मावोर विस्वसिरिर! मीवा विस्वस पकाय बेर्ससोर दायलाह आता. ओसो मीट ओर्विह्‌क-ओर्वोग़ पका जीवा कीसोर दायलाह आतिर. अदिनेनाह्‌क मीवासाटि माट देवुळतुन अमेसा जोहर कीयना गावले. अद्रम कीयनद ओजिह्‌ता वने.

पिलिपितोर 2:5

बेद्रम येसु किर्स्तुना बुद मता, अद्रमे मीवा वने बुद मनि.

2 कुरिंततोर 13:5

मीट नाक पर्ह्‌किस ऊळना वाटो, मीवा विस्वस निटम मन्ह्‌ताया इन्जि, मीट कुदतुने पर्ह्‌किस ऊळाट. अद्रम ऊळतस्के, मीवा जीवातगा येसु किर्स्तु मन्ह्‌तोग़ इनजोर, पुनमुळ आस्ता. अद्रम लेवेके, मीट ओना लोकुरिर आयविरे कोनि.

कुलुसितोर 2:7

मरानाङ मडाङ ऊटटप लेह्‌का, मीटु विस्वसते ओनगा बेस ऊटिस मन्ह्‌टु; ओसो मीटु ओनाङ पोल्‍लोने बेर्ससोर मन्ह्‌टु. अस्के इपपरासनाहि मीट येसुना सेतेम पोल्‍लो कग़यतपु, विस्वसताहि इळ्न अरवा, मेग़्किस मनदकिर; देवुळतुन अमेसा पका जोहर कीसोर मनदकिर.

2 कुरिंततोर 9:14

ओसो देवुळि मीक पकाय देय्वा ईता इनजोर, मीवा पोग़ोन जीवा वाटिसि, मियेनाह्‌क पार्तना कीयनुर.

2 कुरिंततोर 8:2

अद इद्रमि: ओर पकाय तिपलते मतोर. ओसो पकाय गरिब आस मतोर, तेला मति ओर पका गिर्दा आस मताह्‌कु, दुस्रोर गरिब विस्वसिरेनाह्‌क, मुर्तिय चिव्टम आयवा, कोताङ ईतोर.

1 तिमोति 5:13

ओसो अव आस्क लोन बाताले कबळ केवोङ, लोह्‌क-लोह्‌क वेलियिह्‌ताङ. पकाय लंडाते मन्ह्‌ताङ, सिरप कबळतेन लंडा आयो मति, टेटे-टेटे वळ्ह्‌कसोर वने मन्ह्‌ताङ. दुस्रोना कबळतगा कय वाटिह्‌ताङ, ओसो लाग्वाङ पोल्‍लोङ वळ्ह्‌किह्‌ताङ.

1 तिसलुनितोर 3:12

माट मीक जीवा कीतप लेह्‌का, मीट वने विस्वसिरिर, ओर्विह्‌क-ओर्वोग़ जीवा कीयनद, ओसो सबेटोर मन्कलोरिन वने जीवा कीयनद पका वीळसोर अनि, बेर्ससोर अनि इनजोर, पार्तना कीयलाह आतोम. मावा सामि येसु तनाङ सबे पवित्र देवतुल्कना संगे ओसोवने वायह्‌पा, मावा देवुळबाबाना मुनेह मीट बाताले कसुरलेवा, पापमलेवा मनदना, अद्रम मनदलाहि, येसुसामि मीवा जीवातुन मेग़्किह कीयेग़ इनजोर वने, पार्तना कीयलाह आतोम.

2 कुरिंततोर 8:7

मीट विस्वस कीयलाह, पोल्‍लोङ वळ्ह्‌कलाह, देवुळताङ विचर्किन पुनदलाहि, जिदते सेवा कीयलाहि, माट काग़्हतपु जीवा कीयलाहि, बेस-नेह्‌ना कग़यतिर. इंजेके देवुळता मन्कलोरिह्‌क दान ईयनद कबळ वने, बेस-नेह्‌ना कीम्ह्‌टु.

रोम सहरतोर 12:11

कबळ कीयलाह लंडा आयमाटु, मति पूरा जीवाताहि देवुळता सेवा कीम्ह्‌टु.

योहन 5:42

मति मीट बेद्रमतोरिर इन्जि नना पुह्‌नन. मीटु देवुळतुन मुर्तिय जीवा केविर.

मत्याल 25:26

अस्के ओना माल्काल ओन इतोग़, ‘एय लाग्वोग़, लंडा सेवकनिन, वीतवालेवा कोयवाल, तूळ्हवालेवा गुम केवाल, नाक अद्रमतोग़ इह्‌निना? कळक मन्कल इन्जि, निमा नाक इह्‌निना?

मत्याल 20:6

पया पोळ्‍द अरयलाह गंटामेंड पिसिस मतस्के, ओग़ बजरते ओसोवने पेसतोग़, अस्के वन बेचोनो मांदि रिकम उगस निच मतदिन ओग़ ऊळतोग़. ‘मीट इगा पोळ्‍दमेंड उगसे बह निच मह्‌निर, रा?’ इन्जि माल्काल ओरिन ताल्ह्‌कतोग़.

मत्याल 20:3

“पया ओग़ु जावा पोळ्‍द आतस्के, पलत अन्जि ऊळतोग़ अस्के, रिकम मनवालोर बेचोनो मांदि बजरते उगस निच मतोर.

मत्याल 13:22

कोये-जपिङ मतद जागा इहलेह्‌काडा आंदु. बोर कबुरतुन केंजिह्‌तोर, मति सम्सरमताङ आल्सुळ्क ओसो अनम-दनमता उळ्बे, इव कोयेनलेह्‌काडाङ देवुळता पोल्‍लोतुन ओरा जीवातगा मोन्ह्‌ट एवोङ, पया अद पोल्‍लो बातय पाय्दाता आयो.

योहन 17:3

निमा वग़ोनिन सेतेम देवुळतिन इन्जि नीक पुनदना, ओसो निमा लोहतोग़ पिसिह केवाल येसु किर्स्तुन पुनदना, इदे अमेसाता पिसमुळ आंदु.

पिलिपितोर 3:8

अचोने आयो मति, नावा सामि येसु किर्स्तुन पुनदनदे मोदुल पोल्‍लो आंदु. तान्काय एक्‍वा पाय्दाता पोल्‍लो बेदे इले. निटम ओनेनाह्‌क सबे पोल्‍लोन दुरा इह्‌नन, किर्स्तुने दोर्किह कीयलाहि, नना इद्रम इह्‌नन.

2 पत्रु 1:3

देवुळि बेरा डीसाता मनाह्‌कु, बेस गूनमता मनाह्‌कु, माक तना मन्कलोर आयलाह केयता. माट तान निटम पुताह्‌कु, माट तान्क विचर वातप पिसना इनजोरे, माक सबे ईता. देवुळता बेरा लावतेनाह्‌कु इव सबे दोर्कताङ.

2 पत्रु 2:20

वेर मन्कलोरा बेचोटा बेरा गोसा! मावा सामि, माक पिसिह केवाल येसु किर्स्तुन पुताह्‌कु, दुनियाताङ सबे रीतिना पापमताहि पिह्‌ट अरतोर. अह आस तेला, ओसोवने अदे पापमता कय इळ्न अन्जि एग़्कतोर इतेके, मुने मतदिह्‌काय इंजेके एक्‍वा सिक्साता लायकतोर आतोर.

2 पत्रु 3:18

अद्रम आयवा, माक पिसिह केवाल मावा किर्स्तु येसुसामिना देय्वाते ओसो बुदते, बेस बेर्ससोर अन्ह्‌टु. इंजेक वने, अमेसा-अमेसातुह्‌क वने, ओने मन्कलोर मान ईसि मोळ्किर! आमेन.