2 पत्रु 1:21 - माडिया गोंड पवित्र सास्त्रम

²¹ ओरु मन्कना बुदते तानाङ पोल्‍लोन पुटिह केवोर; मति देवुळता जीवा ओरा पोग़ोन उदतापयाने, अव पोल्‍लोन वेहतोर.

2 पत्रु 1:21 Referans Kwoze

1 पत्रु 1:11

अस्के किर्स्तु बह तिपल आसि हायनोग़, ओसो ताना पया बह ओन्कु देवुळदीपते देवुळतेनाह कदर दोर्कग़ा इनजोरे, ओर कबुरतोरा लोप्पा मतदु किर्स्तुना जीवा ओरिह्‌क वेहता. मति ओरु इद पोल्‍लो बेद कालमते आयग़ा, ओसो बेद्रम आयग़ा इनजोर, आलिह कींदुर.

बळयिर 1:16

“मावोरिर, यहुदा इस्केर्योति बार, माट ऐंगेन कलियिस सेवा कींदोम इन्जि, मीट पुतिर. तेला मति ओग़े येसुन दोहच ओयलाह वातोरिह्‌क तोळ ईतोग़. अदिह्‌के देवुळता पवित्र जीवा वेहतपु, दाविद राजाल मुनेन सास्त्रमते यहुदाना लोप्पा बेद पोल्‍लो रासिस तासतोग़, अद पोल्‍लो करल आयनदे मता.”

इब्रितोर 10:15

देवुळता जीवा वने इद निटम इनजोर, सास्त्रमते इद्रम साक्सि ईस्ता: “पेग़्के ओरा संगे इद्रमता करल कीकन: ओरा जीवातगा नावाङ अडोनु नना रासकन; नना अव अडोनु, ओरा सीतातगा तासकन,” इनजोर सामि इन्ह्‌ता, इद्रम सास्त्रमते रासतद मन्ह्‌ता. पया “ओरा पापमतुन, ओर अडोन देहतदिन, नना बेस्केन सीतात तासोन आयकन,” इनजोर वने इता.

बळयिर 3:18

किर्स्तु राजाल सिक्सा आयनोग़ इन्जि, देवुळि तना कबुरतोर कतमतोरा संगे, मुनेन वेहच मता. देवुळि ओन अद्रमे कीसि, अद पोल्‍लोतुन इद्रम करल कीता.

मार्कल 12:36

दाविद राजानगा देवुळता पवित्र जीवा रेगता अस्के, ओग़ कुदि इद्रम इतोग़: देवुळि नावा सामिन इता, ‘बेचानाह नना नीवा कोटुलतोरिन, नीवाङ काल्कना इळ्न तच एवोन, अचानाह नावा तिनळ बाजेता राजगादेतगा उदिस मन,’ इता. इन्जि दाविद राजाल इतोग़.

तोहचीतव पोल्‍लोङ 19:10

इतस्के नना अद देवतुलतुन दंडुम अरयलाह, तानाङ काल्क अरतन; मति अद इता, “नाक दंडुम अरमा! नीवा लेह्‌कान, नीवा ऐंगेटोर विस्वसिरा लेह्‌कान, नना वने येसुनेनाह्‌क साक्सि ईसोर, देवुळतुन माळवानने! देवुळतुने मोळ्का. बह इतेके येसुना साक्सि ईयनदे, देवुळता सेतेम कबुर वेहतनाह आस्ता,” इनजोर इता.

इब्रितोर 3:7

अदिनेनाह्‌क देवुळता जीवा इतद पोल्‍लो, देवुळता सास्त्रमतगा इद्रम रासिस मन्ह्‌ता: नेंड देवुळि वेहतनदिन केंजतेक अचोन,

बळयिर 28:25

पया ओर ओर्विनाङ-ओर्विह्‌क पोल्‍लोङ अरवाह्‌कु, ओना लोताहि पेससोर मतोर. ओर पेसिह्‌पा, पोलु ओरिह्‌क उंद पोल्‍लोतुन वेहतोग़, “देवुळता कबुरतोग़ यसयाना तोडटे, देवुळता जीवा मीवा तादोर-बाबोरिन उंद सेतेमता पोल्‍लो वेहच मता, यसयान इद्रम वेहता.

इब्रितोर 9:8

देवुळता रावुळतगा मोळ्कनद पोल्‍लो उंदि सीना आंदु, इवटे देवुळता जीवा माकु, इद कालमता लोप्पा काग़्हतलाह ऊळिह्‌ता. मोळ्कनस्के तिनदनव-उनडनव, एडिह कीयनव रिवज्कनाङ अडोङ मन्ह्‌ताङ. मति इवटे माट सिरप पलतेनाहे एडिह्‌नल. माटु कोडिङ वाटिह्‌नल, मोकिङ ईय्ह्‌नल, मति इव मावा जीवातुन एडिह कीया पग़वोङ. बाराह्‌क इतेके, इद रावुळताङ अडोङ मनाह्‌जोम, माटु सबेट्क पवित्र गूडटे ओळिय पग़वल. मति देवुळता पूना करल निताह्‌कु, अव अडोङ इंजेक दल्गोङ.