2 कुरिंततोर 9:15 - माडिया गोंड पवित्र सास्त्रम

¹⁵ देवुळ माक ईतद देय्वा बेचोन बेरा मन्ह्‌ता, अद वेहता वावो! तान्क जोहर आयि.

2 कुरिंततोर 9:15 Referans Kwoze

2 कुरिंततोर 2:14

देवुळतुह्‌क जोहर आयि! अद माट सेवकिरिन, तना गेल्समुळते किर्स्तुना संगे पोत्ला आयलाह, कलियिह कीता. ओसो बेद्रम अतर्नेयदा गब, बेके अतेकाय गम-गम एग़्स्किह्‌ता, अद्रम माट बेके अतेकाय, देवुळि मावा पोल्‍लोतुन केंजवालोर मन्कलोरगा किर्स्तुन पुनाह कीस्ता.

इपिसुसतोर 5:20

ओसो मावा येसुसामि किर्स्तुना पेदिरते, सबे पोल्‍लोनेनाह्‌क, देवुळबाबान अमेसा जोहर कीसोर मन्ह्‌टु.

योहन 3:16

देवुळि दुनियातोरिन बेद्रम जीवा कीता इतेके, तना वग़ोग़ मग़िन इद दुनियातोरेनाह्‌क मोक आयलाह ईता. बोर ओन नमनुर, ओर बूळेम आयोर, मति अमेसाता पिसमुळ ओरिह्‌क दोर्कग़ा. अदिनेनाह्‌कु देवुळि तना वग़ोग़ मग़िन दुनियाते लोहता.

रोम सहरतोर 8:32

देवुळि किर्स्तुन मयेनाह्‌क डोललाह वने विळ्सिसीता, वेग़ नावा वग़ोग़े मग़ि इनजोर, विचर वने केवो, अचोन ताना गूनमि! इतेके तना करल कीस मतपु, इव सबेटविन चिव्टम आयवा, माक निटमे ईयग़ा.

याकुब 1:17

बाराह्‌क इतेके पोळ्‍दतुन, नेलातुन, उकानु पुटिह कीतोग़ देवुळबाबानग्डाह, सबे बेसताङ माचलेववु बर्कत्कु वास्ताङ. मति (पोळ्‍दता, नेलाता वेह्‌च बेद्रम एक्‍वा-तक्‍वा मिळ्न्दसोर दास्ता, अद्रमलेह्‌काडा मावा देवुळ आयो.) ताना गूनम बेस्केन मिळ्न्दो.

1 कुरिंततोर 15:57

मति मावा येसुसामि किर्स्तुना मेटे देवुळि, माक पापमतुन ओसो हामुरतुन गेल्सनाह कीस्ता. अदिनेनाह्‌क तान्क जोहर!

तोहचीतव पोल्‍लोङ 4:9

अव जीवात मनदनव दिंचिङ राजकुर्सतगा उदतदिन, अमेसा-अमेसातुह्‌क जीवात मनदनदिन, कदर, मान, जोहर आयि इनदह्‌पा,

रोम सहरतोर 6:23

(अदिह्‌कु माट पापम कीसोरेन दाकल इन्जि इनमाटु.) बह इतेके, पापमता कमय इतेके, हामुरिये दोर्किह्‌ता. मति मावा किर्स्तु येसुसामि मयेनाह्‌क कीतद कबळतेनाह्‌कु, देवुळि माक तना संगे अमेसा पिसनद दर्मम ईस्ता.

2 कुरिंततोर 9:11

मीट अमेसा चिव्टम आयवा ईयलाह, मीक सबे रीतिना बर्कत ईयग़ा. अहे मीट मावा कयदे लोहतनव कोताङ दोर्कवालोर मन्कलोर, अविस्कनेनाह्‌क देवुळतुन जोहर कीयनुर.

रोम सहरतोर 5:15

सीना मतेक वने, आदमना कर्मम ओसो देवुळता दर्मम, इव रेंडिना नडुम, वेल्‍लाय परक मन्ह्‌ता. इद्रमे वग़ोग़ मन्कल आदम कर्मम कीताह्‌कु, वेल्‍लाटोर डोलतोर. मति तान्काय वीळिसि, बेचोनो देवुळता दया, दर्मम आंदु! अद दर्मम बेद इतेके, वग़ोग़े मन्कल येसु किर्स्तुना दयाता मेटे, वेल्‍लाटोरा पापमता मापि आता.

योहन 1:16

देवुळता मग़ि देवुळता देय्वाते निंदिस मताह्‌कु, ओनग्डाहि माकु देय्वा दोर्कसोरेन मन्ह्‌ता.

लूकाल 2:14

“देवुळदीपतगा मनदनद देवुळतुह्‌क मान आयि. नेदगा तान्क विचर वातोर मन्कलोरिह्‌क सुकम आयि,” इनजोर इताङ.

लूकाल 2:38

(सिमोन मुय्तोग़ येसुना तलोग़-तपेरा संगे वळ्ह्‌कसोर मतोग़,) अस्के, अद सेळो ओरगा वाता. वासि देवुळि इस्रयेल लोकुरिन तमा तिपलताहि बेस्के विळ्सिह कीयग़ा इनजोर केपवालोर लोकुरिन, येसुना लोप्पा वेहता. वेहचि येसुनेनाह्‌क देवुळतुन जोहर कीता.

2 कुरिंततोर 9:14

ओसो देवुळि मीक पकाय देय्वा ईता इनजोर, मीवा पोग़ोन जीवा वाटिसि, मियेनाह्‌क पार्तना कीयनुर.